AKORANGA 02

He Hōmai Tūmanako te Paipera

PUREI

Kei ngā tāngata puta noa i te ao ngā raruraru e pōuri ai, e āwangawanga ai, e mamae ai rātou. Kua pā ki a koe he āhuatanga i pēnei hoki ōu whakaaro? Kei te mamae pea koe i tētahi mate, i te matenga rānei o tētahi i aroha koe. Tērā e ui koe ki a koe anō, ‘Ka pai ake te ora?’ Ka hōmai whakautu pai te Paipera ki taua pātai.

1. He aha te tūmanako āmua e hōmai ana te Paipera?

E whakamārama ana te Paipera he aha te ao i kī katoa i te raruraru, me te kī ka poto noa iho nei ēnei raruraru, kāore e roa ka ngaro. Mā ngā kupu taurangi o te Paipera “e hoatu ki a koutou he tūmanako i ō koutou rā whakamutunga.” (Pānuitia Heremaia 29:11, 12.) Mā aua kupu ka āwhinatia tātou ki te kawe i a tātou raruraru, kia pai te ngākau, kia kite anō i te harikoa mau tonu.

2. He aha te momo āmua e kōrerotia ana e te Paipera?

E whakaahua ana te Paipera i te wā e “kore ake he mate, kāhore hoki he auē, kāhore he tangi, kāhore he mamae.” (Pānuitia Whakakitenga 21:4.) Ko ngā raruraru e ngaro ai pea te tūmanako ināianei—pērā i te mūhore, te tūkino, te māuiui, me te mate—ka kore noa iho. Ko te kupu taurangi o te Paipera ka āhei te tangata te hari i te ora tonu ki Pararaiha i te whenua.

3. Me pēhea e mōhio koe he pono ngā kōrero o te Paipera?

He tokomaha kei te tūmanako ka pono ngā mea papai, engari kāore rātou e mōhio mehemea ka tutuki aua wawata. Engari kē ngā kupu taurangi o te Paipera. Ka taea e tātou te whakatipu whakapono ki āna kupu mā te āta “rapu i roto i ngā Karaipiture.” (Ngā Mahi 17:11) I a koe e ako ana i te Paipera māu tonu e whakatau mehemea ka whakapono koe ki ēnei kōrero mō āmua.

KIMI MĀRAMATANGA

Āta tirohia ētahi o ngā āhuatanga e kōrerotia ana e te Paipera mō āmua. Tirohia ka pēhea te tūmanako o te Paipera e āwhina i ngā tāngata ināianei.

4. He hōmai tūmanako te Paipera o te ora tonu ki te ao tino pai rawa atu

Tirohia tēnei rārangi o ngā kupu taurangi ka kitea i te Paipera. Ko ēhea ngā mea e tino pai ki a koe? He aha ai?

Pānuitia ngā kairaipiture kua tuhia ki te taha o ēnei kupu taurangi, ka whakaarohia ēnei pātai:

Ki ōu whakaaro ka whiwhi tūmanako koe i ēnei karaipiture? Ka whiwhi tūmanako tō whānau me ō hoa?

Whakaarohia te ora i te ao

E KORE AI TĒTAHI . . .	KA ĀHEI TE KATOA . . .
e mamae, e ngoikore i te koroheketanga, e mate.—Ihāia 25:8.	te kite i a rātou mate te whakaarahia mai kia ora i te whenua.—Hoani 5:28, 29.
e māuiui, e whai hauātanga rānei.—Ihāia 33:24; 35:5, 6.	te hari i te hauora pai, i te kaha o te taitamariki.—Hopa 33:25.
e kite i te tūkino.—Ihāia 32:16, 17.	te whiwhi i te rāneatanga o te kai, i te whare pai, i te mahi rawe.—Ngā Waiata 72:16; Ihāia 65:21, 22.
e mate i te pakanga.—Ngā Waiata 46:9.	te hari i te roa o te āta noho.—Ngā Waiata 37:11.
e whakamamaetia e ngā whakaaro me ngā pūmahara kino.—Ihāia 65:17.	te ora ake tonu ki te ao ātaahua.—Ngā Waiata 37:29.

5. Ka āwhina ngā kupu taurangi o te Paipera i a tātou

Ka hēmanawa te tokomaha, ka riri hoki i ngā raruraru e kite ana rātou puta noa. Ka whawhai tonu ētahi ki te huri i ēnei āhuatanga ki te pai. Tirohia ka pēhea te tūmanako o te Paipera e āwhina i ngā tāngata ināianei. Mātakitakitia te ATAATA, kōrerotia ngā pātai e whai ake nei.

ATAATA: I Hiahia Ahau ki te Whawhai i te Tūkino (4:07)

I roto i te ataata, he aha te tūkino i mamae ai a Rafika?
Ahakoa kāore i mutu te tūkino i kite ia, he pēhea te āwhina a Paipera i a ia?

Ka āwhina te tūmanako o te Paipera i a tātou ki te whawhai i te hēmanawa, ki te kake hoki i a tātou raruraru. Pānuitia Ngā Whakataukī 17:22 me Rōma 12:12, kōrerotia ēnei pātai: