ISAMBILILO 02
E Baibolo Yalaya Ukuti Ivintu Vilizipa ku Nkolelo
Awavule wakapita mu ntazi zino zikalenga wawa nu wulanda, wasakamikwa nu kwivwa uwulumila. Uzye ukatela uyivwapo wo-o? Ncepamwi kwawa indwala yino yikakucuzya nkaninye, nanti pamwi wino wakunda wafwa. Ica kuti ukakwelenganya nu kuti, Uzye kweni ivintu vilitela vizipe? Vino Baibolo yasuka lyo-o iwuzyo vingakusansamusya.
1. Uzye e Baibolo ikatupa isuwilo ci?
E Baibolo ikatunena umulandu wuno intazi zyavulila, ni lyasi ilizima ilya kuti e Leza alifumyapo intazi zyonsinye zyo tukapitamo. Amalayo ya mu Baibolo ‘yangakupa impindi ya kunkolelo iyizima ni suwilo.’ (Wazya Jeremiya 29:11, 12.) Lyo-o isuwilo lingatupa amaka yakusipicizya intazi zino tukupitamo swinya tungawa ni nsansa na pe yonye impindi. Ya-a amalayo yakatwavwa nu kusuwila ukuti tuliwa ni nsansa amanda pe.
2. Uzye e Baibolo ikatunena ukuti ivintu viliwa wuli ku nkolelo?
E Baibolo ikalanda ukuti ku nkolelo “kutaliwa imfwa swinya, amalanda yataliwako, nanti akulila nanti awulumilanye.” (Wazya Ukuwumbulika 21:4.) Ivintu vyonsinye vino vyatuteka imfiine vitaliwako. Kutaliwa icipowe, ulufyengo, indwala ni mfwa. E Baibolo yalaya ukuti awantu waliyikala umuyayaya mu nsi.
3. Uzye ungasinincizya wuli ukuti vino Baibolo yalaya vilicitika?
Awavule wakakwenecela ivintu ivizima mu wumi, lelo wasimanya nga cakuti vilicitika. Amalayo ya mu Baibolo yeni yapusanako nkaninye. Tungasuwila vino yikalanda ukupitila mu kusambilila “mu mawaliko.” (Imilimo 17:11) Nga ca kuti wasambilila Baibolo apano wemweneco uliyisolelapo ukusuwila vino ikalanda.
SAMBILILA IVICILE PA-A
Manyilapo na vinji pa malayo ya mu Baibolo na pe vino yakwavwa awantu.
4. E Baibolo yatulaya ukuti tungikala umuyayaya ukwasowa ukuyimba
Lola amalayo yamwi yano yakazanwa mwe Baibolo. Ayali kwi yano wakundapo sana? Swinya amulandu ci?
Wazyani amawaliko yano yali pe ya-a amalayo, nu kuwuzya ukuti:
-
Uzye ukwelenganya ukuti ya-a amawaliko yangakwavwa? Uzye wa lupwa lwako ni viwuza wanganoncelamo mukusambilila ya-a amawaliko?
Yelenganya ukuti uli munsi muno
|
MUSI . . . |
WENSINYENE . . . |
|---|---|
|
|
|
|
|
|
|
|
|
|
5. Amalayo ya mu Baibolo yangalenga ivintu ukuzipilako
Awantu wakafupulwa nkaninye pa ntazi zino wakalola swinya cikawaluma sana. Wamwi wakakwelezya na maka ukuzifya ivintu. Lola vino uwulayo wa mu Baibolo uwa kuti ivintu vilizipa wukwavwa awantu. Tambani e VIDYO, nu kulanzyanya ya-a amawuzyo.
-
Alufyengo ci luno Rafika walolanga?
-
Nanti aca kuti lo-o ulufyengo lutafumilepo, uzye e Baibolo yamwavwizye wuli?
Nga twasuwila amalayo ya mu Baibolo tungaleka ukufupulwa swinya tungawa ni nsansa na pano tuli ni ntazi. Wazyani Imilumbe 17:22 na Waroma 12:12, nu kulanzyanya ya-a amawuzyo:
-
Uzye ukulola ukuti ukusuwila mwe vino Baibolo yatulaya kungalenga uwe nu wumi uwuzima? Acani cino walandila wowo?
WAMWI WAKATI: “Amalayo ya mu Baibolo ayakwelenganya vye.”
-
Ungati amulandu ci wuno cicindamizile ukuyisinincizizya we mweneco ukucila ivyakwivwila vye?
IVISINKA VIKULU
Mwe Baibolo mwawa amalayo amavule yano yakatunena vino ivintu vilizipa ku nkolelo. Co-o cikalenga tuwe ni suwilo swinya nu wumi witu wukazipilako.
Avyani Vino Wasambilila?
-
Amulandu ci wuno awantu wazipizile ukumanyila pa malayo ya kwe Leza?
-
Acani cino Baibolo ikalanda pe vino ivintu viliwa ku nkolelo?
-
Uzye ukuwa ni suwilo lya kunkolelo kungakwavwa wuli?
MANYILAPO NA VINJI
Sambilila vino isuwilo lingakwavwa pano ukupita mu ntazi.
Lola vino isuwilo lingavwa wano walwala indwala yino yisipola.
“Uzye e Baibolo Ingamyavwa nga Mwalwala Indwala Yino Yisipola?” (Icipande ca pa webusayiti)
Pano ukutamba lo-o ulwimbo, uyelenganye ukuti uli mu Paradaise nu lupwa lwako.
Lola vino ukusambilila amalayo ya mu Baibolo kwavwizye wumwi wino walondanga ukupilula ivintu mu nsi.
“Naleka Ukwelenganya Ukuti Ningapilula Ivintu mu nsi” (Ulupungu lwa kwa Kalinda, July 1, 2013)
Mungakunda na vyoo
AMAWUZYO YANO AWANTU WAKAWUZYAPO SANA
Uzye Isambililo lye Baibolo Ilya Nte zya kwe Yehova Lyawa Wuli?
Mwe lyoo isambililo lino Inte zya kwe Yehova wakasambilila na wantu uwiilanye, mungawomvya e Baibolo iyili yonsinye ino mukulonda. Mungitako na wali wonsinye wano mukulonda.
