CHILAYIJO 02
IBhayibhili Linopa Chibimbo
Munyika yose muzhele bukukutu bunota kuti banhu beshulukilwe, bezulye moyo akale belwajilwe. Pana zwakatikana na kunawi zunota kuti uwhe alo? Ateni umushushikana nokulwala kana kuti nokufilwa nonhu wawunoda. Ungazubhuza kuti, ‘Bupenyu buchoonaka na?’ IBhayibhili linopa inshandulo inoguncha kumbuzo yoyu.
1. IBhayibhili linotipa chibimboni nelyamangwana?
IBhayibhili linotibhawunulila kuti neni timushangana nobukukutu nasi nebo lisikotibuja indebo imbuya jokuti kwasala unshaji umfupi kuti bukukutu yobu bupele. Zubimbiswa zumomuBhayibhili zunotipa “lyamangwana linachibimbo.” (Balani Jelemiya 29:11, 12.) Zubimbiswa yozu zunotibhancha kuti timisikijane nobukukutu bwatinoshangana nabo akale kuti tiwane lushanto feno tutikowana lushanto nokusinopela.
2. IBhayibhili linobimbisa kuti lyamangwana linobeli chini?
IBhayibhili linoti lyamangwana alitobeli “nokufa, kana kulila, kana ishungu, kana kulwajilwa.” (Balani Zwakatondejelwa 21:4.) Zunu zunota kuti tiyabule feno zunanga sokusheta, kusoba nobululami, kulwala nolufu azutoobayipo. IBhayibhili linotibimbisa kuti banhu bachooshantilwa nobupenyu muPhaladayisi penyika.
3. Ungaba chini nechokomende chokuti zubimbiswa zweBhayibhili zuchazhajikijwa?
Banhu banji banachido chokuti zunu zube zubhodo koga abana ichokomende chokuti zuchootikana. IBhayibhili linobimbisa kuti zunu zuchanaka. Tokwanisa kubimba neBhayibhili “nokuzhula makwalo izhuba nezhuba.” (Mishingo 17:11) Kufunda kwawuchata iBhayibhili kuchakubhancha kushaluja kana uda kudimbwa zwalinoleba nelyamangwana.
FUNDA ZUNJI
Tokoloja zumwe zubimbiswa zunobimbiswa neBhayibhili nozwelyamangwana. Linga kuti bamwe bamubhanchwa chini nechibimbo chimo muBhayibhili.
4. IBhayibhili linotibimbisa bupenyu bulopelela busina masheto
Yeyesesa nozwibimbiswa zwinotobela zunowanikwa muBhayibhili. Ndizupi zwawunodisisisa? Unozudilani?
Balani makwalo apo pozubimbiswa zwawashaluja musikokwejisa nemibhuzo yeyi:
-
Mavesi yaya anota kuti ubenechibimbo na? Ubweni sofana, imhuli iyo nabakwayina babo bangabhanchikana na?
Zubone uli munyika
ISINA . . . |
UNHU WOSE . . . |
---|---|
|
|
|
|
|
|
|
|
|
|
5. Zunobimbiswa neBhayibhili zunokwanisa kuchincha bupenyu bubo
Bukukutu bumomunyika bumunyemeja banhu kana kubaboja myoyo. Bamwe banhu bamukweja nesimba lyabo lyose kuti bechinche zunu zube zubhodo. Iwha kuti zubimbiswa zumomuBhayibhili zumukubabhancha chini bamwe. Yebani iVIDIYO, akale kwejisani nemibhuzo inotobela.
-
Rafika wakabeshushikana neni?
-
Kojoba kusobhatwa zubhodo kwabanhu kusijakapela, iBhayibhili lyakombhancha chini?
Zubimbiswa zumomuBhayibhili zunotibhancha kuti tisibole moyo akale zusikotipa isimba lyokumisikijana nobukukutu. Balani Zwichimbe 17:22 naBaRoma 12:12, akale kwejisani nemibhuzo yeyi:
-
Unoyeya kuti kudimbwa muzubimbiswa zumomuBhayibhili zungakubhancha feno na? Neni udalo?
BAMWE BANOTI: “Zubimbiswa zumomuBhayibhili manyepwa oga.”
-
Neni uyeya kuti zulokosha kuti utokoloje zwalinoleba?
INI ZWAWAFUNDA
IBhayibhili linotipa chibimbo akale linotibhancha kuti timisikijane nobukukutu nokutibimbisa lyamangwana linalushanto.
Kubwilulula
-
Neni banhu beda chibimbo?
-
IBhayibhili linotini nozwelyamangwana?
-
Kuba nechibimbo nozwelyamangwana kungakubhancha chini feno?
PAMIJA PANA ZWAWAWANA
Funda kuti chibimbo chingakubhancha chini yopo pawunoshangamijana nobukukutu.
Wana kuti chibimbo chimukubabhancha chini yabaya banamalwaji asinolapika.
“IBhayibhili Lingakubhancha Na—Kana Ulinobulwaji Businolapika” (Inyaya ipo peintaneti)
Pawuchabe yeba ividiyo yenyimbo yeyi zubone ushanta ulinemhuli iyo muPhaladayisi lyatimubimbiswa neBhayibhili.
Bala uwhe kuti umwe unhulume wakabelwila indulamo jabanhu kwakombhancha chini kufunda iBhayibhili.
Andichinozushupa Kuti Ndokwelela Kuchincha Zunu Zumomunyika” (INqabayokulinda, July 1, 2013)