NXA̱DI 02
Nuʼä Biblia hürkä ma mu̱ihu̱
Ga̱ʼtho na noho ra ximha̱i, nuʼu̱ yu̱ jäʼi thogi yu̱ hëi ge di japi dä dü yu̱ mu̱i, di nʼu̱mbi ʼne hingi päʼtho ʼbe̱ʼä dä ʼyo̱ʼte. ¿Ha ʼnandi xkä thogi ngübu̱? Dä za̱tho tü ni mu̱i o gi nʼu̱mbi nangeʼä ʼna nza̱manʼu̱ o geʼtho bi dü ʼna ni familia o ʼna ni amigo, o za̱tho gi ëna: “Njämʼbu̱ dä guadi ga̱ʼtho nuʼä nʼu̱mbi di nu”. Pe̱ nuʼä üʼä Biblia hürkä ma mu̱ihu̱.
1. ¿ʼBe̱pu̱ ni hyürkä ma mu̱ihu̱ʼä Biblia?
Nuʼä Biblia ma hanja emme ja yu̱ nʼu̱mbi. ʼNe kextä, xikju̱ ge nuʼu̱ yu̱ hëi di nuhu̱ nuʼu̱ yu̱ pa jabu̱ya, hindi nja pa mazäi. Nuʼä ʼbe̱ʼä mambu̱ Biblia dä ʼraʼi “mʼbu̱manho ʼne thüʼtämu̱i nuʼu̱ yu̱ pa bä ëpu̱” (dä mi nu Jeremías 29:11, 12). Nuʼu̱ yu̱ nhmanʼä Biblia, dä ze̱ʼi gi hya̱ʼti nuʼu̱ yu̱ hëi ʼne gi to̱ʼmi ge ga̱ʼtho di nhogi. Kextä dä ʼyo̱ʼte ge gä ka̱mfënihu̱ ge majuäni gä njohyahu̱ pa nzäntho.
2. ¿ʼBe̱ʼä manʼä Biblia di nja nuʼu̱ yu̱ pa bä ëpu̱?
Nuʼä Biblia ma ge nuʼu̱ yu̱ pa bä ëpu̱ “hindi nja ra ndäte ʼne hindi nja yu̱ dümu̱i” (dä mi nu Apocalipsis 21:4). Hindi nja ʼbe̱ʼä dä u̱ngähu̱, tengü ra thühü, ra nʼtso, yu̱ nza̱manʼu̱ ʼne ra ndäte. Nuʼä Biblia ma ge nuna ha̱i dä gohi ʼna nhuädo̱ni ʼne nuʼu̱ yu̱ jäʼi di mʼbu̱kua di njohya pa nzäntho.
3. ¿ʼBe̱ʼä dä ze̱ʼi gi ka̱mfëni nuʼä mambu̱ ja Biblia?
Xi ngü yu̱ jäʼi to̱ʼmi ge nuʼu̱ yu̱ kosa di nhogi, pe̱ hingi pädi ʼbe̱pu̱ di nja. Pe̱ nuʼä Biblia ma xi nho nuʼä dä thogi. Dä za̱ gä ka̱mfënihu̱ʼä manʼä Ojä nuʼbu̱ gä “nehmu̱ʼu̱ yu̱ su̱kuä Ojä”, ne dä ma, gä nxa̱hmu̱ʼä Biblia (Hechos 17:11). Nuʼbu̱ gi nxa̱ʼä Biblia, gi päse̱ʼbu̱ dä za̱ gi ʼyëʼkyëiʼä mambu̱ nangeʼä ʼbe̱ʼä dä thogi nuʼu̱ yu̱ pa bä ëpu̱.
GÄ PÄHMU̱ MANʼNA NANGEHNA
Gä äxu̱ ʼra yu̱ nhma ge manʼä Biblia nangeʼu̱ yu̱ nho gä nuhu̱ nuʼu̱ yu̱ pa bä ëpu̱. Gä nuhu̱ ʼbe̱pu̱ nuya yu̱ nhma di ze̱di nuʼu̱ miʼra yu̱ jäʼi.
4. Nuʼä Biblia ma ge dä za̱ gä mʼbu̱manhohu̱ pa nzäntho
Dä mi hyandi nubu̱ ja lista nuʼu̱ ʼra yu̱ nhma bä ʼyëpu̱ ja Biblia. ¿Ndaʼu̱ manʼna gi numanho? ¿Hanja geʼu̱ manʼna gi numanhoʼu̱?
Dä mi nuui yu̱ texto nubu̱ hüʼtsi ʼbe̱ʼä dä ʼyo̱ʼtä Ojä ʼne manhmi nangehna:
-
¿Ha gi ëʼkyëi ge nuya yu̱ texto majuäni hürpä na mu̱i ʼna? ¿Ha gi mbëni ge nuya yu̱ texto dä ze̱di nuʼä ni familia ʼne nuʼu̱ ni amigo?
Dä mi bëni ge nubu̱ gi ʼbu̱i di nja tengü mangua:
|
NJOʼO... |
GA̱ʼTHO YU̱ JÄʼI... |
|---|---|
|
|
|
|
|
|
|
|
|
|
5. Nuʼä ʼbe̱ʼä mambu̱ ja Biblia dä za̱ di pa̱di ma mʼbu̱ihu̱
Xi ngü yu̱ jäʼi tü yu̱ mu̱i o asta kue̱ nangeʼu̱ yu̱ hëi jaua ximha̱i. ʼBu̱ʼu̱ ʼra honi ʼbe̱pu̱ di hoki nuʼu̱ yu̱ hëi ja. Dä mi hyandi ʼbe̱pu̱ nuʼu̱ yu̱ nhmanʼä Biblia di ze̱di yu̱ jäʼi nuʼu̱ yu̱ pa jabu̱ya. Dä mi nuui ä BIDEO ʼne manhmi nangehna:
-
¿Ndaʼu̱ yu̱ nʼto̱ʼte ge hinna nthe̱ui mi japi dä dü na mu̱i ä Rafika?
-
Madägeʼä nuʼu̱ yu̱ nʼtso mi nuʼä himbi mʼbe̱di, pe̱ ¿ʼbe̱pu̱ bi ze̱ʼä Biblia?
Nuʼä mambu̱ ja Biblia hürkä ma mu̱ihu̱ ʼne di ze̱kju̱ hingä nxo̱mu̱ihu̱ nangeʼu̱ yu̱ hëi di thohmu̱ ʼne gä mbënhmu̱ ge nuʼu̱ yu̱ pa bä ëpu̱ di nhogi. Dä mi nuui Proverbios 17:22 ʼne Romanos 12:12, ʼne manhmi nangehna:
-
¿Ha gi mbëni ge nuʼu̱ yu̱ nhma mambu̱ ja Biblia dä za̱ dä ze̱ʼi yu̱ pa jabu̱ya pa gi pa̱di nuʼä ni mʼbu̱i? ¿Hanja ngübu̱ gi mbëni?
NUʼÄ ʼBE̱ʼÄ MANʼU̱ ʼRA YU̱ JÄʼI: “Mahotho nuʼä mambu̱ ja Biblia, pe̱ di ënga̱ ge hinmajuäni di njaʼä”.
-
Geʼbu̱ majuäniʼä manʼä Biblia, ¿ha dä ze̱kju̱ nuʼbu̱ gä nxa̱hmu̱?
NUʼÄ MANʼNA JAʼTSE̱DI
Nuʼä Biblia ma ge dä za̱ di njaju̱ ʼna mʼbu̱i xi nho ʼne gä njohyahu̱, nuna hürkä ma mu̱ihu̱ ʼne di ze̱kju̱ gä ha̱thu̱ nuʼu̱ yu̱ hëi di nuhu̱ ya.
Nuʼä dä pähmu̱
-
¿Hanja mahyoni di nja ʼbe̱ʼä dä ga̱mfëni yu̱ jäʼi?
-
¿ʼBe̱ʼä manʼä Biblia nangeʼä di nja nuʼu̱ yu̱ pa bä ëpu̱?
-
¿ʼBe̱pu̱ hüʼtä ni mu̱i nuna xkä pädi?
DÄ MI PÄDI MANʼNA
Dä mi pädi ʼbe̱pu̱ dä za̱ di ze̱ʼi manʼna nuʼä thüʼtämu̱i.
“¿Hapu̱ dä za̱ gä tinhmu̱ʼä dä hyürkä ma mu̱ihu̱?” (¡Despertad!, 22 abril ge 2004)
Dä mi pädi ʼbe̱pu̱ xi ze̱ʼä Biblia nuʼu̱ ʼra yu̱ jäʼi ge ja ʼna nza̱manʼu̱ ge hinʼyu̱ ʼna ʼyëthi.
“¿Ha dä za̱ dä ze̱kju̱ ä Biblia geʼbu̱ jaju̱ ʼna nza̱manʼu̱?” (Bä ʼyëpu̱ jw.org)
Nuʼbu̱ gä hyandi nuna bideo, dä mi bëni ʼbe̱pu̱ di nja ni mʼbu̱i ko ni familia nuʼbu̱ bi njaʼä nhuädo̱ni manʼä Biblia.
Dä mi nu ʼbe̱pu̱ bi ze̱ʼä Biblia ʼna nʼyohu̱ mi ne dä hoki ʼra yu̱ nʼto̱ʼte ge hinna nthe̱ui.
“Ya hindi ne gä pa̱di nuʼä ʼto̱ʼtua ximha̱i” (La Atalaya, 1 julio ge 2013)
