LECCIÓN 02

Biblia thengijnaná ruchunthianá

SÍKUNI O TSI̱ʼINI NGAI THÁ

Nguixin ngataʼa Nunthe, chujni detana tsje chijni, ke ncheʼe ke tadinthechiina, tana juachjaun ko thi̱ina. A chrujan bee begatho jiʼi. Menxun ridathuntha thi tángi ixi niʼantha o tabe̱ʼen naa ni nchianduintha, ko menxun deganchangi, a jaan sixingixin kain thi jituʼen anxun. Biblia datheʼe jiʼi.

1. Keʼe nthanthuxianá Biblia

Biblia nthakianxiná unda anto jii chijni nguixin ngataʼa Nunthe. Ko kai, ndathjuná ke kainxin chijni ke jii tasatho ko tasitjaan. Thi ndachro Biblia nchao sincheʼe ke suixin sechunthia ngai thi nandaʼa tsii (tsjeʼe Jeremías 29:11, 12). Jiʼi ncheʼe ke thixiana dathukjaná kain chijni ke dutana. Ko nchao chunthianá ke ngai nchaʼun nandaʼa tsii anto ruchaana.

2. Kexrein ndachro Biblia ke sigeʼe nchaʼun nandaʼa tsii

Biblia ndachro thi tsuʼen nchaʼun nandaʼa tsii ke “i se̱ʼana, i rutsjangaʼana, i seʼa juachjaun ko i xruʼin thi tsiina” (tsjeʼe Apocalipsis 21:4). I seʼa chijni ke ncheʼe ke dathuná thi tángi, ínchi thi nuuani, thi ndakuaʼa duan jie̱, chi̱n ko thi tade̱ʼeni. Biblia ndachro ke kainxin chujni nchao sinthechuna ngataʼa Nunthe ke tarukjan naa nthajie.

3. Keʼe sekengijna sechunthia ngai thi ndachro Biblia

Tsje chujni jaan xraxauna ke tasixingixin kain thi jituʼen, aro chruʼa chunthiana ke jiʼi denduaxin tsuʼen. Mee, keʼe tjago Biblia. Ke jaan nchao ruchunthianá thi ndachro si rutsjeʼená “kain nchaʼun” (Hechos 17:11). Jiʼi sekengijna para ke nchao sechunthia ngai nchaʼun nandaʼa tsii.

TANGI ICHA

Rutsjeʼená inchi thi ndachro Biblia ke tsuʼen nchaʼun nandaʼa tsii. Ko kexrein jiʼi jithengijna tsje chujni jai.

4. Biblia ndachro ke nchao sunthechuna ngai naa nunthe ke i xruʼin thi jiaʼan seʼe

Detsjeʼe inchi de thi ndachro Biblia. Kexeʼe de kain jiʼi denthaxruxiʼan ko unda.

Tsjeʼera kainxin texto ke jii nthiʼi ke tununxin ngai nanaa de thi ndachro Biblia ko tjaura de jiʼi:

A nchao ruchunthianá thi ndachro nthiʼi. Dexraxaun ngai ni nchiandui ko ni jian dexrakjiuʼo, a ko kai tsengijnana jiʼi.

A ruenthaxruxiʼan ruegariʼi ngai naa nunthe jaʼin:

XRUʼIN KENSEN. . .	KAINXINA. . .
. . . setan thi tángi, tsujuun ni tase̱ʼen (Isaías 25:8)	. . . sikuna singathjen ni nchianduʼana ke tabinthege̱ʼen (Juan 5:28, 29)
. . . ruchunda naa chi̱n (Isaías 33:24; 35:5, 6)	. . . tsanga sinthena ko i tsuniʼana (Job 33:25)
. . . ndakuaʼa sueʼen jie̱ (Isaías 32:16, 17)	. . . ruchundana thi sinena, nchianduʼana ko xrá (Salmo 72:16; Isaías 65:21, 22)
. . . satho thi tángi ixi guerra (Salmo 46:9)	. . . chrjuin ruxrakao chuuna (Salmo 37:11)
. . . rukjan ruxraxaun kain thi tángi ke batho (Isaías 65:17)	. . . sinthechuna see ko see ko xruʼin sitjeʼena (Salmo 37:29)

5. Thi ruchunthianá ke ndachro ngaa Biblia yaa tsengijnaná jian tsjiana

Tsje chujni i dithikauʼana ko asta duñauna ixi kainxin chijni ke jii ngataʼa Nunthe. Ko inchina thjeena sasengixina thi jituʼen. Detsjeʼe kexrein thi ndachro ngaa Biblia ke sixingixin kain, jithengijna tsje chujni jai. Tsjeʼera VIDEO ko tjaura de jiʼi:

VIDEO: Juinaʼo ke ndakua runcheʼena jie̱ (4:07)

Ínchi ujuexin bukuna, keʼe bancheka juachjaun Rafika.
Maski thi jeʼe bancheka juachjaun bitjaʼan, kexrein kuengijna thi ndachro Biblia.

Thi ruchunthianá ke ndachro ngaa Biblia yaa tsengijnaná are tunuana ke i xruʼin nchao sunthuʼuna, ko icha jian sathukjaná chijni sinke dantuʼa tsaana juachjaun. Tsjeʼera Proverbios 17:22 ko Romanos 12:12, ko tjaura de jiʼi: