سبق نمبر 02

بائبل اِک شان‌دار مستقبل دی امید دیندی اے

چلاؤ

پوری دُنیا چ لوکاں نُوں بوہت ساریاں مشکلاں دا سامنا کرنا پے رہیا اے جدی وجہ توں اوہ پریشان تے دُکھی رہندے نیں۔ کیہہ توانوں وی کسے مشکل دی وجہ توں پریشانی تے دُکھ دا سامنا ہویا اے؟ شاید تُسی ایس لئی دُکھی او کیونکہ تُسی بیمار او یاں فیر تواڈا کوئی دوست یاں رشتے‌دار فوت ہو گیا اے۔ شاید تُسی سوچو، ”‏کیہہ ساڈی زندگی چوں مشکلاں کدی ختم ہون گیاں؟“‏ بائبل ایس سوال دا بڑا تسلی‌بخش جواب دیندی اے۔‏

1.‏ بائبل سانوں کیہڑی امید دیندی اے؟‏

بائبل چ صرف ایہہ ای نئیں دَسیا گیا کہ دُنیا چ اینیاں مصیبتاں کیوں نیں سگوں ایہہ وی دَسیا گیا اے کہ بوہت چھیتی ایہہ مصیبتاں ختم ہو جان گیاں۔ بائبل چ جیہڑے وعدے کیتے گئے نیں اوہناں توں سانوں اِک ودھیا مستقبل دی امید مِلدی اے۔‏ (‏یرمیاہ 29:‏11، 12 نُوں پڑھو۔)‏ ایہناں وعدیاں دی وجہ توں اَسی مایوسی توں بچ سکنے آں تے مشکلاں دا مقابلہ کرن دے قابل ہنے آں۔ ایہدے علاوہ اَسی اوس ویلے دی آس رکھ سکنے آں جدوں اَسی ہمیشاں ہمیشاں تک خوش رہواں گے۔‏

2.‏ بائبل چ مستقبل بارے کیہہ دَسیا گیا اے؟‏

بائبل چ دَسیا گیا اے کہ بوہت چھیتی اِک ایہو جیہا ویلا آئے گا جدوں موت، رونا پٹنا تے دُکھ درد ختم ہو جائے گا۔‏ (‏مکاشفہ 21:‏4 نُوں پڑھو۔)‏ اَج کل بوہت سارے لوک ناانصافی، بیماری، غریبی تے موت دی وجہ توں مایوسی دا شکار ہو گئے نیں۔ پر بائبل دَسدی اے کہ ایہہ سب کجھ ختم ہو جائے گا۔ ایہدے چ وعدہ کیتا گیا اے کہ زمین عدن دے باغ وانگوں سوہنی بن جائے گی تے انسان ایہدے تے ہمیشاں تک خوشیاں بھری زندگی گزارن گے۔‏

3.‏ بائبل چ مستقبل بارے جیہڑی امید دِتی گئی اے، تُسی اوہدے تے اپنا بھروسا مضبوط کیویں کر سکدے او؟‏

بوہت سارے لوک سوچدے نیں کہ مستقبل چ حالات بہتر ہو جان گے۔ پر اوہ یقین نال نئیں کہہ سکدے کہ اوہناں دی ایہہ امید پوری ہوئے گی کہ نئیں۔ پر بائبل چ مستقبل بارے جیہڑی امید دِتی گئی اے، اوہ بالکل سچی اے۔ ایس امید تے اپنا بھروسا ہور مضبوط کرن لئی سانوں پاک کلام نُوں پڑھن تے ایہدے تے سوچ‌وچار کرن دی لوڑ اے‏۔ (‏اعمال 17:‏11‏)‏ بائبل دی تلیم حاصل کر کے تُسی آپ فیصلہ کر سکو گے کہ مستقبل بارے بائبل چ لکھیاں گلاں تے یقین کیتا جا سکدا اے کہ نئیں۔‏

ہور سوچ‌وچار لئی

بائبل چ مستقبل بارے جیہڑے وعدے کیتے گئے نیں اوہناں چوں کجھ تے غور کرو۔ نالے گل کرو کہ ایہناں وعدیاں دی وجہ توں کجھ لوکاں دی زندگی کیویں بدل گئی اے۔‏

4.‏ بائبل مشکلاں توں پاک ہمیشاں دی زندگی دی امید دیندی اے

تھلے بائبل چ لکھے کجھ وعدیاں دی فہرست دِتی گئی اے۔ ایہناں وعدیاں وچوں کیہڑا تواڈے دل نُوں چُھوندا اے تے کیوں؟‏

ہر وعدے نال دِتیاں گئیاں ایتاں نُوں پڑھو تے فیر ایہناں سوالاں تے گل‌بات کرو:‏

کیہہ توانوں ایہناں ایتاں توں امید تے تسلی مِلدی اے؟ کیہہ ایہناں توں تواڈے گھر والیاں یاں تواڈے دوستاں نُوں امید تے تسلی ملے گی؟‏

ذرا اوس دُنیا بارے سوچو جِتھے:‏

کوئی وی ‏.‏ ‏.‏ ‏.‏	ہر کوئی ‏.‏ ‏.‏ ‏.‏
دُکھی یاں بڈھا نئیں ہوئے گا تے نہ ای مرے گا۔—‏یسعیاہ 25:‏8‏۔‏	اپنے اوہناں عزیزاں نُوں ملے گا جنہاں نُوں زندہ کیتا جائے گا۔—‏یوحنا 5:‏28، 29‏۔‏
نہ تے بیمار ہوئے گا تے نہ معذور۔—‏یسعیاہ 33:‏24؛‏ 35:‏5، 6‏۔‏	تندرست ہوئے گا تے طاقت تے جوش نال بھریا ہوئے گا۔—‏ایوب 33:‏25‏۔‏
ناانصافی دا شکار نئیں ہوئے گا۔—‏یسعیاہ 32:‏16، 17‏۔‏	رَج کے کھائے گا، اپنا اپنا گھر بنائے گا تے اپنی محنت دا صلہ پائے گا۔—‏زبور 72:‏16؛‏ یسعیاہ 65:‏21، 22‏۔‏
جنگاں دی وجہ توں تکلیف چ نئیں ہوئے گا۔—‏زبور 46:‏9‏۔‏	امن تے سکون نال رہوے گا۔—‏زبور 37:‏11‏۔‏
پریشانیاں تے پرانیاں یاداں دی وجہ توں غمگین نئیں ہوئے گا۔—‏یسعیاہ 65:‏17‏۔‏	ہمیشاں دی زندگی دا مزہ لوے گا۔—‏زبور 37:‏29‏۔‏

5.‏ بائبل چ دِتی گئی امید تواڈی زندگی سنوار سکدی اے

بوہت سارے لوک ایہہ ویکھ کے دُکھی ہو جاندے نیں کہ دُنیا مشکلاں تے مصیبتاں نال بھری ہوئی اے۔ کجھ تے اینے غصے چ آ جاندے نیں کہ اوہ دُنیا دے مسئلیاں نُوں حل کرن لئی کسے وی حد تک جان لئی تیار ہو جاندے نیں۔ ایس ویڈیو چ ویکھو کہ بائبل چوں اِک شان‌دار مستقبل دی امید بارے سکھ کے کسے دی زندگی تے کیہہ اثر ہو سکدا اے۔ ویڈیو چلاؤ تے فیر ایہناں سوالاں تے گل‌بات کرو:‏

ویڈیو:‏ میں ناانصافی دے خلاف لڑنا چاہنی ساں (‏07:‏4)‏

رفیکا نال بچپن توں ای کیہڑی ناانصافی ہو رہی سی؟‏
بھانویں کہ رفیکا دا مسئلہ حل نہ ہویا پر فیر وی اوہنوں بائبل دی تلیم حاصل کر کے کیہہ فائدہ ہویا؟‏

بائبل چوں مِلن والی امید دی وجہ توں اَسی مایوس ہون توں بچ سکنے آں تے دلیری نال مشکلاں دا سامنا کر سکنے آں۔ امثال 17:‏22 تے رومیوں 12:‏12 نُوں پڑھو تے فیر ایہناں سوالاں تے گل‌بات کرو:‏

جے تُسی بائبل چوں مِلن والی امید تے یقین کرو گے تے ایہدا تواڈی زندگی تے کیہہ اثر ہوئے گا؟ توانوں اِنج کیوں لگدا اے؟‏

کجھ لوکاں دی رائے:‏ ”‏بائبل چ مستقبل بارے جیہڑے وعدے کیتے گئے نیں، اوہناں تے یقین کرنا مشکل اے۔“‏

توانوں آپ ایس گل دی جانچ کیوں کرنی چاہی دی اے کہ بائبل چ لکھے وعدے پورے ہون گے کہ نئیں؟‏

خلاصہ

بائبل اِک خوشیاں بھرے مستقبل دی امید دیندی اے۔ ایس امید دی وجہ توں اَسی دلیری نال مشکلاں دا سامنا کرنے آں۔‏

دہرائی

لوکاں نُوں امید دی ضرورت کیوں اے؟‏
بائبل چ مستقبل بارے کیہڑی امید دِتی گئی اے؟‏
اِک ودھیا مستقبل دی امید توں سانوں کیہہ فائدہ ہوندا اے؟‏

سبق مکمل ہون دی تریخ:‏

ہُن ایہہ کرو

ایس سبق چ دِیتاں گئیاں ایتاں نُوں پڑھو۔ اِنج تُسی مستقبل بارے بائبل چ لکھے وعدیاں نُوں چنگی طرحاں جان جاؤ گے۔‏

ایہہ وی کرو:‏

ےگ ووہاچ انرک یستُ ےڑہیج مک ےہج وہیا ھجک

ہور جانن لئی

ایس مضمون چ پڑھو کہ امید ساڈی زندگی تے کِنّاں گُوڑھا اثر پا سکدی اے۔‏

آپ امید کہاں سے حاصل کر سکتے ہیں؟‏ (‏جاگو!‏ دے مضمون)‏

ایس مضمون چ پڑھو کہ مستقبل بارے امید اوہناں لوکاں دی مدد کیویں کر سکدی اے جیہڑے کافی عرصے توں بیمار نیں۔‏

کیہہ پاک کلام لمے عرصے توں لگی کسے بیماری نال نبڑن چ تواڈی مدد کر سکدا اے؟‏ (‏ویب‌سائٹ تے مضمون)‏

ایس ویڈیو نُوں ویکھدے ہوئیاں سوچو کہ تُسی اوس خوشیاں بھری زندگی دا مزہ لے رہے او جدے بارے بائبل چ دَسیا گیا اے۔‏

سوچو کہ کیسی ہوئے گی دُنیا (‏37:‏3)‏

ایس مضمون چ پڑھو کہ مستقبل بارے بائبل چوں مِلن والی امید نے اِک بندے دی زندگی تے کِنّاں گُوڑھا اثر کیتا جیہڑا دُوجیاں نال مِل کے حالات نُوں بدلن دی کوشش کر رہیا سی۔‏

اب مجھے دُنیا کو بدلنے کی ضرورت محسوس نہیں ہوتی (‏مینارِنگہبانی دا مضمون)‏

ایہہ وی ویکھو

اوہ سوال جیہڑے لوک اکثر ساڈے بارے پچھدے نیں

یہوواہ دے گواہ بائبل کورس کیویں کراندے نیں؟‏

یہوواہ دے گواہواں نال بائبل کورس کردے ویلے تُسی جیہڑا وی بائبل ترجمہ چاہوو استمال کر سکدے او۔ نالے تُسی اپنے سارے گھر والیاں یاں اپنے دوستاں نُوں وی ایہدے چ شامل ہون لئی کہہ سکدے او۔‏

خوشیاں بھری زندگی پاؤ—‏⁠ہُن تے ہمیشاں تک، اِک دلچسپ بائبل کورس