IREN MEHN KASUKUHL 02
Paipel Kin Kihda Koapworopwor
Aramas akan nan sampah pwon kin lelohng kahpwal kan me kin kahrehiong ren nsensuwed, pwunod oh pil medek. Mie pak me ke lelohng nan irair ehu me kahrehiong uhk ken ahneki soangen pepehm pwukat? Mweinele ke kin wie lokolok pwehki soumwahu de pwehki emen me ke poakohng melahr. Mweinele ke kin medemedewe, ‘Ei mour pahn kak mwahula?’ Paipel kin kihda pasapeng likilik ong peidek wet.
1. Soangen koapworopwor dah me Paipel kin kihda?
Paipel sohte kin kawehwehdahte dahme kahrehda sampah wet direki kahpwal kan ahpw e pil kin kasalehda rongamwahu me kahpwal pwukat pahn kereniong sohrala. Inou en Paipel kan kak kihong uhk koasoandi mwahu en ahnsou kohkohdo oh koapworopwor. (Wadek Seremaia 29:11, 12.) Inou pwukat kak sewese kitail en powehdi atail kahpwal kan ni ahnsou wet, en ahneki koapworopwor oh en ahneki mour nsenamwahu kohkohlahte.
2. Ia pahn mwomwen ni ahnsou kohkohdo me Paipel inoukihda?
Paipel mahsanih me ni ahnsou kohkohdo “mehla solahr pahn wiawi, solahr mwahiei, solahr sengiseng oh solahr medek.” (Wadek Kaudiahl 21:4.) Kahpwal kan me kak kahrehiong aramas akan en sohla ar koapworopwor, me duwehte semwehmwe, wiewia sapahrek, soumwahu oh mehla sohla pahn wiawi. Paipel inoukihda me aramas akan pahn kak pereperenki mour kohkohlahte nan Paradais nin sampah.
3. Ia duwen omw kak kamehlele me inou en Paipel kan pahn pweida?
Aramas tohto kin koapworopworki soahng mwahu kan en wiawi, ahpw re sohte kak likih me dahme re koapworopworki uhdahn pahn pweida. Dahme Paipel inoukihda weksang met. Kitail kak kamehlele dahme Paipel mahsanih ni atail kin “tehk kanahieng Nting Sarawi kan.” (Wiewia 17:11) Ni omw onopki Paipel, ke pahn kak pein pilada ma ke pahn kamehlele dahme Paipel kin mahsaniheki duwen ni ahnsou kohkohdo.
KALAUDEHLA OMW ESE MET
Kasawih ekei soahng kan me Paipel inoukihda ong ahnsou kohkohdo. Kilang ia duwen koapworopwor sang nan Paipel eh kin sewese aramas akan rahnwet.
4. Paipel inoukihda me kitail kak mour kohkohlahte oh sohte ahneki kahpwal
Kilang kairekdien inou kan pah me mi nan Paipel. Mehnia me ke uhdahn perenki? Dahme kahrehda?
Wadek iren Paipel kan me pid inou pwukat, oh medemedewe peidek pwukat:
-
Ke medewe me iren Paipel pwukat kak seweseiuk en ahneki koapworopwor? Ke medewe me omw peneinei oh kompoakepahmw kan pil kak ahneki koapworopwor ni ar sukuhlki iren Paipel pwukat?
Medewehla me ke momour nan sampah ehu wasa me
|
SOHTE ME PAHN . . . |
KOAROS PAHN . . . |
|---|---|
|
|
|
|
|
|
|
|
|
|
5. Inou kan nan Paipel uhdahn kak sawas
Aramas tohto kin nsensuwedkihla de pil lingeringerkihda kahpwal kan me re kin kilang. Ekei kin nantihong wia uwen ar kak koaros ren kamwahwihala soahng kan. Paipel kin inoukihda me soahng kan pahn mwahula. Kilang ia duwen inou wet eh kin sewese aramas akan rahnwet. Kilang KISIN KASDO, oh mwuri koasoiapene peidek pwukat.
-
Wiewia sapahrek dah me Rafika kin lokolongki?
-
Mendahki wiewia sapahrek me e kin kilang eh sohte uhdi, ia duwen Paipel eh sewese ih?
Koapworopwor me Paipel kin inoukihda ong ni ahnsou kohkohdo kak sewese kitail en powehdi mwoaros oh en kin pereperen mehnda ma kitail ahneki kahpwal. Wadek Lepin Padahk 17:22 oh Rom 12:12, oh mwuri koasoiapene peidek pwukat:
-
Ma ke kin kamehlele dahme Paipel mahsaniheki duwen ni ahnsou kohkohdo, ke medewe omw mour kak mwahula met? Dahme kahrehda?
EKEI ARAMAS KIN NDA: “Dahme Paipel inoukihda ong ni ahnsou kohkohdo mwein sohte kak pweida.”
-
Dahme kahrehda e kesempwal ken pein kasawih mehn kadehde kan?
DAHME KE SUKUHLKIER
Paipel kin kihong kitail koapworopwor oh kin sewese kitail en powehdi kahpwal kan ni eh inoukihda ahnsou kaperen ehu me kohkohdo.
Kousapahl
-
Dahme kahrehda aramas akan anahne ese sapwellimen Koht inou kan?
-
Dahme Paipel mahsaniheki duwen ni ahnsou kohkohdo?
-
Ia duwen omw ahneki koapworopwor ong ni ahnsou kohkohdo eh kak seweseiuk ahnsou wet?
PIL TEHK
Kalaudehla omw ese ia duwen koapworopwor eh kak seweseiuk.
Kilang ia duwen koapworopwor en ahnsou kohkohdo eh kak sewese irail me kin kohwahki soumwahu.
“Living With Chronic Illness—Can the Bible Help?” (Web article)
Ni omw kilang kisin kasdohn koul wet, medewehla kowe oh omw peneinei pereperenki mour nan Paradais me Paipel inoukihda.
Wadek duwen aramas men me kin song en kamwahwihala irair en sampah eh wekidala eh mour ni eh esehda inoun Paipel ong ni ahnsou kohkohdo.
“I No Longer Feel That I Have to Change the World” (The Watchtower, July 1, 2013)
