02 УРОКИ

И Библия дел амен надежда

МУК

Буте манушен андо светос иси проблемя, ашал коленге си тъжна, хан холи тай даже дукхал лен. Дали торо-да животос си савка? Например ащи те овел туке пхаро, соскето синян насвало или соскето декхой, колес дехес, муло. Ащи те пучес тут: „Ка опринел ли пес мо животос декхана?“ И Библия отговоринел калке въпросиеске тай ка локьол туке, кана ахальовес о отговори.

1. Сави надежда дел амен и Библия?

Тари Библия ахальовас соске иси амен зомкха бут проблемя. Също лате иси и лачши новина, кай сиго о Дел ка махнинел саворе проблемя. О обещания тари Библия ка ден тут „бъдеще тай надежда“. (Четине Йеремия 29:11, 12.) Калка обещания помагинен аменге те издържинас амаре проблемя тай те овел амен радост авдиес, а също те овел амен шукар животос завинаги.

2. Саво пхенел и Библия, кай ка овел о животос андо бъдеще?

И Библия пхенел, кай андо бъдеще „нанай те овел мериба, нито жалеене, ройба или дукх“. (Четине Откровение 21:4.) Вече нанай те овен о проблемя, колато мъчинен е манушен авдиес, сарто например о чорипе, и несправедливост, о насвалипе тай о мериба. И Библия обещинел, кай о мануша ка живинен вечно андо рай ки пхув.

3. Сар ащи те овес сигурно, кай о букя, колато обещинел и Библия, ка ачшон?

Бут мануша жарен те ачшон шукар букя, въпреки кай нанай сар те овен сигурна, кай ка ачшон. Ама ащи те овас сигурна, кай всичко со обещинел и Библия ка ачшол. Амаро доверие лате ка барьол, ако „изучинас шукар о Писание“. (Деяния 17:11) Кана изучинес и Библия, ка ащи те решинес дали те верувинес, кай о букя, колато пхенел ой, ка ачшон андо бъдеще.

РОДЕ ПО-ХОРЕСТЕ

Дикх саво пхенел и Библия, кай ка овел о животос андо бъдеще тай сар и надежда, която дел ой, помагинел е манушенге авдиес.

4. И Библия дел амен надежда те живинас вечно би дукхенгоро

Дикх калка обещания, колато дел амен и Библия. Кола лендар харешинен туке най-бут? Соске?

Четинен о стиховя жи ко обещания тай хоратинен калке въпросиенге:

Мислинес ли, кай калка стиховя ден амен надежда? Ащи ли те ден надежда те енданиен тай те амален?

Представине туке те живинес йекхе светосте, кате

НАНАЙ ТЕ ОВЕН КАЛКА КХАНИЛЕ БУКЯ:	КА ОВЕН КАЛКА ШУКАР БУКЯ:
Нанай те овен амен дукха, нанай те пхурьовас или те мерас. (Исаия 25:8)	Ка дикхас сар амаре енданя тай амаре амала, колато муле, ка овен възкресиме, за те живинен пак атхе ки пхув. (Йоан 5:28, 29)
Нанай те насвальовас тай никхой нанай те овел сакати. (Исаия 33:24; 35:5, 6)	Ка овас састе тай зорале сар о терне. (Йов 33:25)
Нанай те овен несправедливоскя. (Исаия 32:16, 17)	Ка овел амен бут хабе, шукар кхер тай бути, която ка харешинел аменге. (Псалм 72:16; Исаия 65:21, 22)
Нанай те ачшон войни. (Псалм 46:9)	Ка овел мири ки цело пхув. (Псалм 37:11)
Нанай те мислинас или те дас амен годи букиенге, колато дукхавен амен. (Исаия 65:17)	Ка овел амен о най-шукар животос завинаги. (Псалм 37:29)

5. О обещания тари Библия ащи те променинен то животос

Бут мануша хан холи тай даже нерверинен пес, кана дикхен о проблемя андо светос. Десаве мануша ден всичко пестар те променинен о букя. Дикх сар о обещание тари Библия, кай всичко ка оправинел пес, помагинел е манушенге авдиес. Дикхен о КЛИПИ тай хоратинен калке въпросиенге:

КЛИПИ: Мангавас те боринав ман, за те на овен несправедливоскя (4:07)

Сави несправедливост делас холи е Рафика?
Сар и Библия помагингяс лаке, нищо кай и несправедливост, която дикхелас, на спирингяс?

О букя, колато сикавел и Библия, кай ка ачшон андо бъдеще, ащи те помагинен аменге те на хас холи по-бут тай те овел амен радост, нищо кай иси амен проблемя. Четинен Притчи 17:22 тай Римляни 12:12 тай хоратинен калке въпросиенге: