Σαρό κο ντουνιάς, ο τζενέ τθερένα προβλήματα σο ανένα λένγκε στεναχώρια, άγχος ντα ντουκχ. Τούι, τθερέας ποτές καέκ πρόβλημας σο κερντάς-τουτ τι αισθάντιβες αντικάς; Μπέκιμ ακανά-ντα τι ντουκχάλα το γκι επειδή ισινάν νασφαλό ή επειδή μουλό τούταρ εκ τζενό σο μανγκέας-λες μπουτ. Μπορεί τι σκεφτίνες: “Κα αβέλ εκ ντιβές σο να κα τθεράς ανταλά προβλήματα;” Η Γραφή ντέλα εκ απάντηση ανταλέ ερωτησιάτε σο κοβλιαρέλα αμαρό γκι.

1. Σαρ ντέλα ελπίδα η Γραφή;

Η Γραφή, να βακερέλα σάντε σόσκε ο ντουνιάς τθερέλα αζόμ προβλήματα, αλλά βακερέλα επίσης ο λατσσέ αμπέρια ότι ανταλά προβλήματα να κα ατσσόν για πάντα ντα ότι ατζεχάνικ κα χασάρντιβεν. Ο υποσχέσεις ι Γραφιάκε μπορίνενα τι ντεν-τουτ «μέλλον ντα ελπίδα». (Διαβάνεν Ιερεμίας 29:​11, 12) Ανταλά υποσχέσεις βοηθίνενα-αμέν τι κεράς κουμάντος ο προβλήματα σο τθεράσα ακανά, τι σκεφτίνας με θετικός τρόπος ντα τι αβάς ευτυχισμέ για πάντα.

2. Σαρ βακερέλα η Γραφή ότι κα αβέν ο ντιβεσά ανγκλ’ αμέντε;

Η Γραφή βακερέλα ότι «ο μεριπέ να κα αβέλ πάλι, ούτε λύπη ούτε βίκος ούτε ντουκχ να κα αβέν πάλι». (Διαβάνεν Αποκάλυψη 21:4) Ο προβλήματα σο καλιαρένα αμαρό γκι αντιβές​—σαρ ισί ο τσοροριπέ, η αδικία, ο νασφαλίματα ντα ο μεριπέ—​να κα αβέν πάλι. Η Γραφή ντέλα πο λάφι ότι ο τζενέ κα τθερέν εκ σουκάρ ζωή για πάντα κο Παράδεισος κι πφουβ.

3. Σαρ κα ντες μπέσα κι ελπίδα κι Γραφιάκι;

Μπουτ τζενέ πακιάνα ότι κα αβέν-πες λατσσέ πράγματα, αλλά νανέ σίγουροι άμα λένγκε ελπίδες κα νικιόν μπαγιά. Κάνα όμως η Γραφή ντέλα πο λάφι εκχέ πραγμάσκε, μπορίνασα τι αβάς σίγουροι λάκε. Σαρ; Άμα κα “διαβάνας προσεκτικά ο Γραφές”. (Πράξεις 17:​11) Καζόμ κα διαβάνες ι Γραφή, κα ντικχές άμα μπορίνεσα τι ντες μπέσα οντουλένγκε σο βακερέλα ότι κα αβέν-πες.

 ΧΑΝΤΖΟΥΒ ΠΟ ΑΧΟΡΤ

4. Η Γραφή ντέλα ι ελπίδα ότι κα τθεράς εκ μπουτ σουκάρ ζωή για πάντα

Ντικχ ο υποσχέσεις ι Γραφιάκε σο ισί κο πίνακας πο τελέ. Καλά μπεϊντίνεσα πο μπουτ; Σόσκε μπεϊντίνεσα-λεν;

Διαβάνεν ο εδάφια σο ισί πασέ κο υποσχέσεις ντα σκεφτίνεν ο ερωτήσεις:

• Πακιάσα ότι ανταλά εδάφια ντένα ελπίδα; Κα μπορίνενας τι ντεν ελπίδα τι φαμιλιάτε ντα τι αμαλέντε;

Σκέφτινε ότι τζουβντιόσα εκχέ ντουνιάστε σο

 5. Η ελπίδα ι Γραφιάκι κα κερέλ τι ζωή πο σουκάρ

 ΧΑΝΙΚ ΛΑΦΙΝΤΖΑΡ

Η Γραφή ντέλα-αμέν ελπίδα ντα βοηθίνελα-αμέν τι κεράς κουμάντος αμαρέ προβλήματα επειδή ντέλα πο λάφι ότι κα τθεράς εκ μπουτ σουκάρ ζωή ανγκλ’ αμέντε.

Σο Σικλιλάν;

• Σόσκε χρειαζίντιβενα ελπίδα ο τζενέ;

• Σο βακερέλα η Γραφή ι ντιβεσένγκε σο κα αβέν ανγκλ’ αμέντε;

• Σαρ μπορίνελα τι βοηθίνελ-τουτ ακανά η ελπίδα ι ντιβεσένγκε σο κα αβέν ανγκλ’ αμέντε;