LEKTIONA 02
I bibla della soor
Ap i tseli phub hi i menshen probleme. Kola anenn traash, bibacht un duka ap mende. Das sawo tsiro ninna an tiro djipen, kai hals nasselo? Nashral tu jekes dran tiro dji an o merepen? Tu nai putcheh kanna: Well o djipen feteder? An i bibla hatsah o tchatchepen.
1. Har dell i bibla soor?
I bibla penell menge, hoske jaake bud probleme denna. O latcho lab hi: Joi penell ninna, kai kola probleme gar atchenna! I bibla penella, kai lah an o tsiro glan mende “latcho koowa un gar tchilatcho koowa” (Dik pal an Jeremia 29:11, 12). Kola laba denn menge soor, te nai djas feteder trujel kola problementsa. Jaake nai atchah positiv un bachteles hake tsireske.
2. Hoi penell i bibla pral o tsiro glan mende?
I bibla penell, an o tsiro glan mende dell “o merepen […] gar buder, witar kek bibacht, kek ropen un kek duka” (Dik pal an Debleskro tsiro 21:4). Kola probleme, hoi men an maro tsiro hi — tchorwlepen, tchilatchepen, nasslepen un o merepen — denn buder gar. I bibla penella, kai nai djiwenn i menshe an i paradiso ap i phub i bachtelo djipen.
3. Har nai well tiro patsepen ap i bibla sorleder?
Bud menshe kamenn o djiestar, te well halauter pale mishto. Well halauter pale mishto? Kokeres i bibla nai penell menge, hoi tchatchepah wella. Mer te rodah “hako diwes an o Debleskro lab” well maro patsepen ap o Dewleskro lab sorleder (Bitchepangre 17:11). Tu te kreh o Biblakro Kurso dureder, nai djineh: Kamau me ap kowa te patsell, hoi i bibla pral o tsiro glan mende penella?
RODAS DUREDER
Kanna dikeh, hoi an i bibla pral o tsiro glan mende tchinlo was. Tu dikeh ninna, kai lan bud menshe soor dran kowa, hoi i bibla penella.
4. I bibla penell, kote dell i tsiro, kai hi o djipen an hako tsiro shukar
An kaja lista hatseh tu, hoi i bibla menge penella. Hawo lab djal tuke an o dji, un hoske?
Dikenn pal kola verse, un rakrenn khetne pral:
-
Lau me soor dran kola laba? Lans kola, kolen me kamau, ninna soor dran kola laba?
Har wals i djipen, kai
|
KEK BUDER … |
HAKENO … |
|---|---|
|
|
|
|
|
|
|
|
|
|
5. Kowa, hoi i bibla penella, della soor
Kola bud probleme ap mari phub krenn, kai wenn bud menshe chojedo. Jaake nashrenn jon pengri soor. Bud demonstrierenn ninna. Mer te djinah, hoi i bibla penella, nai well maro djipen feteder. Te dikan o VIDEO, rakrenn khetne pral:
-
Hawo tchilatchepen dukas koi djuwjat?
-
Har das i bibla lat soor, ninna te atchas ko tchilatchepen?
I bibla sikrell menge i shukar tsiro, hoi glan mende hi. Kowa dell men soor, te nai djas trujel kola problementsa an o djipen, te nai atchas bachteles. Dikenn pal an Gosewe Laba 17:22 un Remarja 12:12, un rakrenn khetne pral:
-
Well tuke ninna soor un i feteder djipen, te patseh ap i bibla? Hoske patseh tu kowa?
BUD PENENNA: “Kowa, hoi i bibla penella, hi jaake shukar, kai patsau kowa nashte gar.”
-
Hoi penals tu: Hoske hi tuke kowa moldo, te djiness, hoi i bibla tchatchepah penella?
HOI KATE PENLO WAS
I bibla penella, kai wella i shukar, latcho tsiro. Kowa dell men soor, te nai well menge i feteder djipen un krell men bachteles.
Hoi penals tu?
-
Hoske hunte well i menshenge soor?
-
Hoi penell i bibla pral o tsiro glan mende?
-
Har nai well tuke kowa kanna mishto, hoi i bibla pral o tsiro glan mende penella?
BUDEDER
Kate drawereh pral kowa, kai dell o patsepen soor.
“Te patsau — krell kowa tchomone wawartchandes?” (Djangrenna!, April 22, 2004)
Kate hatseh, hoi o patsepen an o djipen kolendar nai krella, kolen i chroniktiko nasslepen hi.
“Man hi i chroniktiko nasslepen — Nai dell i bibla mange tchomone?” (I artikla online)
Kawa bashepaskro video krella, te well tuke glan i jaka, har o paradiso hi, tu te djiweh tiri familjah kote.
Kate nai drawereh pral jekeskro djipen, kai his i aktivisto. Leskro djipen was newes, har djinas lo, hoi i bibla pral o tsiro glan mende penella.
“Kanna kamau buder gar, te krap o swetto feteder” (O Gardeskro Kher, Juli 1, 2013)
