LESOGNE 02
Magnomey Fampitamagne Antikagne ty Baiboly
Miatreke olagne maro ty ndaty magneran-tane, hafara’e kivy, minekoneko naho malahelo. Fa nisy raha nahazo azo vao, le nahavy azo nahatsapa ty raike amy ireo? Va’e mijale rehe satria marare ndra nimate ty longo’o tsy foe’o. Va’e hieretseretse rehe tie: ‘Mbe hihasoa avao vao o fiaignagneo?’ Soa ty raha rehafe ty Baiboly miomba ty vale o fagnonteneagne iohoe.
1. Ino ty voka ty fampitamà ty Baiboly amantikagne?
Tsy ty anto’e mahavy ty tane toy ho feno raha raty avao ty rehafe ty Baiboly. Mirehake talily soa ka reke le tihoe, tsy ho ela, le tsy hisy sasa o raha ratio. Mahavy antikagne “hanan-draha tamaegne” ty raha ampitamae ty Baiboly miomba ty “hoavy.” (Vakio ty Jeremia 29:11, 12.) Magnampe antikagne hiatreke olagne naho hahatrea fifaleagne manomboke amy izao o fampitamagne rehoe. Atoro io ka fa hiadagne nainai’e tikagne amy ty hoavy.
2. Hanao akore ty fiaignagne amy ty hoavy?
Rehafe ty Baiboly fa “tsy hisy sasa ty fate, ty alahelo ndra ty toreo ndra ty fanaintaignagne” amy ty hoavy. (Vakio ty Apokalypsy 21:4.) Mahavy o ndatio tsy hanan-draha tamaegne ty fisia ty hararahagne, ty tsy rare’e, ty aretegne naho ty fate. Faie mampitamà ty Baiboly fa tsy hisy sasa o raha rehoe. Hahatrea fifaleagne amy ty fiaignagne amy i Paradisa an-tane etoỳ o ndatio tie amy izay.
3. Akore ty hahavy azo hatoky o fampitamagne rehoe?
Maro ty ndaty mitamà fa mbe hihasoa ty fiaigna’e faie tsy azo’e antoke tie ho avy eo ze raha zay. Faie tena azo antoke ty raha rehafe ty Baiboly miomba ty hoavy. Hatoky i fampitamagne zay rehe “naho mandineke soa ty Soratse Masigne.” (Asan’ny Apostoly 17:11) Naho fa mianatse Baiboly rehe, le miankigne ama’o avao ndra hino ndra tsy hino ty raha hiseho amy ty hoavy.
ANDAO HANDINEKE TY PITSOPITSO’E
Hodinehentikagne ato ty raha ila’e rehafe ty Baiboly fa hiseho amy ty hoavy. Ho treantikagne ato ka fa magnampe o ndatio manomboke amy izao ze raha rezay.
4. Mampitamà ty Baiboly fa hiaigne nainai’e tikagne sady tsy hisy sasa ze raha mahaore
Ho treantikagne ambane eto ty raha ampitamae ty Baiboly. Aia amy ireo ty fa tsy ligne’o? Ino ty anto’e?
Andao hovakientikagne ze andinin-teny misy i fampitamagne fa tsy ligne’o rey, sady hodinehentikagne ty fagnonteneagne retoa:
-
Arake ty heve’o, mahasoa azo vao ty fahafantaragne o fampitamagne iohoe? Hahasoa ty keleia’o naho ty nama’o ka vao ty fahafantara iareo io?
Alao sare an-tsaigne ty ho fiaignagne naho fa
|
TSY HISY NDATY... |
ITIKAGNE... |
|---|---|
|
|
|
|
|
|
|
|
|
|
5. Magnasoa ty fiaigna o ndatio ty fampitamà ty Baiboly
Maro ty ndaty kivy ndra boseke noho ty olagne maro magnodidigne iareo. Manao ze azo’e atao ka ty ila’e mba hagnasoa ty fiaignagne. Ho treantikagne ato fa magnampe o ndatio manomboke amy izao ty fahafantara iareo i fampitamà ty Baiboly miomba ty hoavỳ. Alefaso i VIDEO oy, sady iharò midineke ty fagnonteneagne retoa.
-
Arake i video teoy, ino ty tsy rare’e nanjò i Rafika?
-
Akore ty nagnampea ty Baiboly aze, ndra tie mbe tsy niafake aza i tsy rare’e nanjò azey?
Tsy ho kivy tikagne ndra tie miatreke olagne aza fa ho fale avao naho fa matoky ty fampitamà ty Baiboly miomba ty hoavy. Vakio ty Ohabolana 17:22 naho ty Romanina 12:12, sady iharò midineke ty fagnonteneagne toy:
-
Hagnasoa ty fiaigna’o vao o raha rehafe ty Baiboly rehoe? Ino ty anto’e?
MISY TY MIREHAKE FA: “Tsy mampino ty raha ampitamae ty Baiboly miomba ty hoavy satria soa loatse.”
-
Arake ty heve’o, nagnino ro tena ilaegne ty mandineke fa ho tanterake ty raha ampitamae ty Baiboly?
FAMINTIGNAGNE
Maro ty raha fanjaka miomba ty hoavy ampitamae ty Baiboly. Magnampe antikagne hanan-draha tamaegne sady hanagne fiaignagne soa manomboke amy izao ty fahafantaragne izay.
Fameregnagne
-
Nagnino o ndatio ro mila mahafantatse i fampitamàn’Andrianagnahare rey?
-
Ino ty raha rehafe ty Baiboly miomba ty hoavy?
-
Nagnino ro afake magnampe azo manomboke amy izao ty fahafantara’o i fampitamagne miomba ty hoavy rey?
FAGNAZAVAGNE FAGNAMPE’E
Hagnampe azo hiatreke ty raha sarotse amy izao ty fanagnagne fanantenagne.
“Akore ty Hanagnagne Fanantenagne Marem-pototse?” (Mifohaza! 22 Avrily 2004)
Magnampe o ndaty managne aretegne mitezao ty fanagnagne raha tamaegne.
“Afake Magnampe Ahy vao ty Baiboly Naho Managne Aretegne Miteza Raho?” (Lahatsoratse amy jw.org ao)
Naho fa mitsanogne ty hira toy rehe, le alao sare an-tsaigne ty vata’o naho ty keleia’o miaigne amy i Paradisa ampitamae ty Baiboly amy ty hoavỳ.
Vakio ato ty nagnovà ty Baiboly ty lahilahy raike toy naho fa nihai’e ty fampitamagne miomba ty hoavy ao.
“Tsy Mieretseretse Hagnova ty Tontolo toy Sasa Raho” (Fitalakesan-davitse 1 Jolay 2013)
Va'e ho Tea'o Ka
FAGNONTENEAGNE FAPETRA O NDATIO
Inogne ty Atao Tihoe Fianaragne Baiboly?
Afake mampiasa ze Baiboly tea’o rehe naho fa mianatse Baiboly amy ty Vavolombelo i Jehovah. Maimaimpoagne i fianaragney sady afake taone’o hiarake hianatse ama’o ka ty keleia’o ndra ty ragne’o.
