WEKELO 02
Bible mbishaka elongamelo
L’andja w’otondo, anto wekɔ l’ekakatanu washa lonyangu, ekiyanu ndo paa. Onde wɛ ambohomanaka l’okakatanu ɔmɔtshi wakakokonya dia ndjaoka ngasɔ? Ondo wɛ ekɔ lo diɛnɛ la hemɔ kana la lɔkɔnyɔ l’ɔtɛ wa nyɔi k’onto ɔmɔtshi lokayɛ ngandji. Wɛ koka ndjambola ɔnɛ: ‘Onde tayonga la lɔsɛnɔ loleki dimɛna?’ Bible mbishaka okadimwelo wa dimɛna efula lo dimbola sɔ.
1. Naa elongamelo kendana la nshi yayaye katosha Bible?
Bible tolembetshiyaka lande na kambolola andja l’ekakatanu ndo tewoyaka nto lokumu l’ɔlɔlɔ lɔnɛ ekakatanu ɛsɔ wekɔ wa lo tshanda mɔtshi tsho ndo ɔnɛ keem’edja vɔ wayoshila. Alaka wa lo Bible koka ‘tosha nshi yayaye ndo elongamelo.’ (Adia Jɛrɛmiya 29:11, 12.) Alaka asɔ koka tokimanyiya dia ndɔshana l’ekakatanu wa nshi nyɛ, mɛna akambo la sso di’ɔlɔlɔ ndo monga l’ɔngɛnɔngɛnɔ wa pondjo.
2. Nshi yayaye ya ngande yatolaka Bible?
Bible ndakaka dia lo nshi yayaye “nyɔi hatoyala nto, otanda hatoyala nto, delo hatoyala nto, kaanga kandji hatoyala nto.” (Adia Ɛnyɛlɔ 21:4.) Awui wɛnya anto paa ɛlɔ kɛnɛ wele oko wola, wɛngiya, hemɔ ndo nyɔi, wayoshila. Bible ndakaka di’anto wayɔsɛna pondjo pondjo lo Paradiso la nkɛtɛ.
3. Ngande wakokayɛ ndjashikikɛ di’alaka wa lo Bible wayokotshama?
Anto efula nongamɛka di’akambo w’ɛlɔlɔ salema, koko vɔ bu l’eshikikelo di’elongamelo kawɔ kayokotshama. Koko kɛnɛ kalaka Bible ntshikitana. Sho koka ndjaɛkɛ lo kɛnɛ kata Bible lo “[sɛdingolaka] Afundelo la yambalo tshɛ.” (Etsha 17:11) Etena katayeke Bible, wɛ ayonga l’akoka wa wɛmɛ nshikikɛ dia kana wɛ koka mbetawɔ kɛnɛ kata Bible lo dikambo dia nshi yayaye.
NYOMOTSHIMOLA
Sɛdingola awui amɔtshi walaka Bible lo dikambo dia nshi yayaye. Enda woho wakimanyiya elongamelo kasha Bible anto ɛlɔ kɛnɛ.
4. Bible toshaka elongamelo ka lɔsɛnɔ la pondjo la kokele
Enda listɛ layela lele l’alaka watanema lo Bible. Naa alaka amɔtshi walekayɛ nanga? Lande na?
Nyadia avɛsa wasukɛ alaka akɔ ndo nyokane yimba la ambola anɛ:
-
Onde wɛ mbɔsaka di’avɛsa anɛ mbishaka elongamelo? Onde vɔ koka mbisha nkumbo kayɛ ndo angɛnyi ayɛ elongamelo?
Ohokanyiya dia wɛ ekɔ lo nsɛna l’andja wele
|
NDOOKO LAYODIƐNƐ L’AWUI ANƐ: |
ONTO TSHƐ AYƆNGƐNANGƐNA L’AWUI ANƐ: |
|---|---|
|
|
|
|
|
|
|
|
|
|
5. Alaka wa lo Bible ntshikitana l’alaka w’ana w’anto
Anto efula wambɔkɔmɔ ndo vɔ komaka polo lo momala l’ɔtɛ w’akambo wa kɔlɔ wasalema suke la wɔ. Anto amɔtshi wekɔ lo nsala tshɛ dia nɔngɔsɔla akambo. Enda woho wakimanyiya daka dia lo Bible di’ɔnɛ awui wayoleka monga dimɛna anto ɛlɔ kɛnɛ. Nyende VIDƐO, ndo oma laasɔ, nyɔkɛtshanya ambola wayela anɛ:
-
Lo ndjela vidɛo nyɛ, naa awui waha la losembwe wakakiyanyaka Rafika?
-
Kaanga mbele awui waha la losembwe wakandɛnaka kokomɛ, ngande wakokimanyiya Bible?
Elongamelo kendana la nshi yayaye kasha Bible koka tokimanyiya dia ndɔshana dimɛna l’ɔkɔmwɛlɔ ndo l’ekakatanu wahomana la so. Nyadia Tokedi 17:22 ndo Rɔmɔ 12:12, ndo oma laasɔ, nyɔkɛtshanya ambola anɛ:
-
Onde wɛ mbɔsaka dia losango l’elongamelo latanema lo Bible koka mbetɛ lɔsɛnɔ layɛ dimɛna kakianɛ? Lande na?
ANTO AMƆTSHI MBUTAKA ƆNƐ: “Alaka washa Bible lo kɛnɛ kendana la nshi yayaye hawotokotshama.”
-
Lande na kɔsayɛ dia ekɔ ohomba wɛmɛ nsɛdingola tolembetelo?
LO TSHENA PE
Bible toshaka elongamelo ndo tokimanyiyaka dia ndɔshana l’ekakatanu diɛsɛ la nshi yayaye y’amɛna yatolakatɔ.
Ovuswelo
-
Lande na kele anto l’ohomba w’elongamelo?
-
Kakɔna kata Bible lo kɛnɛ kendana la nshi yayaye?
-
Ngande watokimanyiya elongamelo kendana la nshi yayaye ɛlɔ kɛnɛ?
SALA EYANGELO
Eka woho wakoka elongamelo kokimanyiya etena kahomanayɛ l’ekakatanu.
“Lende akokayɛ ntana elongamelo?” (Emɔ!, Ngɔndɔ ka nɛi 22, 2004)
Shola woho wakoka elongamelo kendana la nshi yayaye nkimanyiya wanɛ wadiɛnɛ la hemɔ yahakɔnɔ.
“Onde Bible koka tokimanyiya dia nsɛna la hemɔ kahakɔnɔ?” (Sawo dia l’Ɛtɛrnɛtɛ)
Etena kendayɛ mishiki wele la tovidɛo ɛnɛ, kanyiya dia wɛ la nkumbo kayɛ nyɔsɛna lo paradiso ka lo nshi yayaye kakalake Bible.
Adia woho wakatshikitanya onto ɔmɔtshi lɔsɛnɔ lande l’ɔkɔngɔ wa nde mbeya elongamelo kendana la nshi yayaye kasha Bible.
Enda ndo lo...
AMBOLA WALEKA ANTO NDJAOKA
Ngande wasalema wekelo wa Bible walɔmba Ɛmɛnyi wa Jehowa?
Lo ekongelo ka wekelo wa Bible k’ofele kalɔmba Ɛmɛnyi wa Jehowa, wɛ koka nkamba la ekadimwelo tshɛ ka Bible keyɛ la tɔ. Tengengake dia mbelɛ nkumbo k’otondo kana ɔngɛnyi ayɛ tshɛ dia mbɔtɔ kaamɛ la yɛ lo wekelo.
