TAKGALHTAWAKGA 02
Biblia kinkamaxkiyan takgalhkgalhin
Kxlikalanka katiyatni lhuwa latamanin kgalhikgo taʼakglhuwit nema kalimini talipuwan chu takatsanajwat. ¿Minit kilhtamaku chuna akgspulanitan? Max akgtum tajatat makgapatinaman o nilh tiku lu xpaxkiya chu max miʼakstu kgalhskinkana: «¿Namin kilhtamaku nialh katikgalhiw taʼakglhuwit?». Takgalhtin nema masta Biblia tlan kinkamamakgkatsiniyan.
1. ¿Tuku takgalhkgalhin masta Biblia?
Biblia kinkawaniyan tuku xlakata anan lhuwa taʼakglhuwit kkakilhtamaku. Nachuna, kinkawaniyan pi umakgolh taʼakglhuwit ni putum kilhtamaku katimakgapalalh chu nialh makgas namalakgsputukan. Xtamalaknun Biblia namaxkiyan «takgalhkgalhin» (kalikgalhtawakga Jeremías 29:11, 12). Uma tamalaknun kinkamakgtayayan natayaniyaw taʼakglhuwit chu ni lu nalakgaputsayaw. Na kinkamasiyaniyan pi tlan napaxuwayaw putum kilhtamaku.
2. ¿Tuku wan Biblia xlakata kilhtamaku nema aku mima?
Biblia lichuwinan pi kkilhtamaku nema aku mima «nialhti katinilh, nialhti katilipuwa, nialhti katitasalh, nialhti katikatsanajwalh» (kalikgalhtawakga Apocalipsis 21:4). Nialh katiʼanalh talimaxkget, tuku ni xaʼakgstitum, tajatat chu linin nema lu kinkamakgalipuwanan. Biblia malaknu pi latamanin tlan nalatamakgo putum kilhtamaku kKatiyatni akxni akgtum Paraíso nawan.
3. ¿Tuku namakgtayayan nakanajlaya pi tuku wan Biblia xlikana nakgantaxtu?
Lhuwa latamanin lakaskinkgo pi kakilhtamaku tlan katawi, pero ni katsikgo komo tlan chuna nala. Pero tuku wan Biblia xlikana nakgantaxtu. Xlakata tlan nakanajlayaw tuku malaknu, talakaskin “liwana nalakputsananiyaw Tatsokgni”, uma wamputun nalikgalhtawakgayaw Biblia (Hechos 17:11). Komo chuna natlawaya namakgtayayan miʼakstu nalaksaka komo nakanajlaya tuku wan.
TLAKG KALAKPUTSANANIW
Nalichuwinanaw makgapitsi tamalaknun nema min kBiblia xlakata kilhtamaku nema aku mima. Chu na naʼakxilhaw la umakgolh tamalaknun kamakgtayama lhuwa latamanin.
4. Biblia wan pi tlan nalatapaya putum kilhtamaku chu nialh katikgalhi talakgalhin
Kaʼakxilhti makgapitsi tamalaknun nema min kBiblia. ¿Tuku tamalaknun tlakg lakgatiya? ¿Tuku xlakata lakgatiya?
Kalikgalhtawakgatit textos nema lichuwinan uma tamalaknun chu kalichuwinantit uma:
-
¿Lakpuwana pi umakgolh textos makgtayanan? ¿La lakpuwana pi nakamakgtaya umakgolh textos mifamilia chu miʼamigos?
Kalilakpuwanti pi lapat kʼakgtum xastlan kakilhtamaku niku:
|
NIALHTI... |
PUTUM LATAMANIN... |
|---|---|
|
|
|
|
|
|
|
|
|
|
5. Takgalhkgalhin nema masta Biblia kinkamakgtayayan tlakg tlan nalatamayaw
Lhuwa latamanin nitlan limakgkatsikgo o asta lisitsikgo taʼakglhuwit nema anan kkakilhtamaku. Makgapitsi latamanin lhuwa tuku tlawakgo xlakata lakkaxtlawaputunkgo taʼakglhuwit nema anan. Kaʼakxilhti pi tuku malaknu Biblia kamakgtayama la uku lhuwa latamanin. Kaʼakxilhtit VIDEO chu kalichuwinantit uma:
-
Chuna la akxilhwi kvideo, ¿tuku xlakaskin Rafika pi xtalakgpalilh?
-
Maski nila lakgpalilh tuku xla xlakaskin, ¿la makgtayalh Biblia?
Takgalhkgalhin nema masta Biblia kinkamakgtayayan natayaniyaw chu ni lu nalilipuwanaw tuku nila lakgpaliyaw. Kalikgalhtawakgatit Proverbios 17:22 chu Romanos 12:12 chu kalichuwinantit uma:
-
¿Lakpuwana pi tamalaknun nema lichuwinan Biblia tlan namakgtayayan la uku? ¿Tuku xlakata chuna lakpuwana?
MAKGAPITSIN WANKGO: «Lu stlan takgaxmata, pero niti katsi komo nakgantaxtu».
-
Anan tuku limasiya pi tamalaknun nema min kBiblia xlikana nakgantaxtu, ¿katsiputuna? ¿Tuku xlakata?
TUKU KATSINIW
Biblia kinkamalaknuniyan xatapaxuwan latamat, uma kinkamaxkiyan takgalhkgalhin chu kinkamakgtayayan nataniyaw taʼakglhuwit.
¿Tuku xkgalhtinanti?
-
¿Tuku xlakata talakaskin pi latamanin nakatsikgo tuku malaknu Biblia?
-
¿Tuku wan Biblia xlakata tuku aku nala?
-
¿La namakgtayayan komo nakgalhiya takgalhkgalhin?
TLAKG KAKATSINI
Tlakg kakatsini la makgtayanan akxni kgalhikan takgalhkgalhin
“Esperanza: ¿dónde hallarla?” (¡Despertad!, 22 xla abril kata 2004)
Kaʼakxilhti la takgalhkgalhin kamakgtayanit latamanin tiku kgalhikgo akgtum tajatat.
«¿Tlan nakinkamakgtayayan Biblia natayaniyaw akgtum tajatat?» (Artículo xalak jw.org)
Kaʼakxilhti video musical chu kalilakpuwanti pi wix chu mifamilia xatapaxuwan akxtum wilatit kParaíso nema lichuwinan Biblia.
Kaʼakxilhti la talakgpalilh xlatamat chatum chixku akxni katsilh takgalhkgalhin nema lichuwinan Biblia.
«Nialh klakpuwan pi naklakgpali kakilhtamaku» (Makatsinina, 1 xla julio kata 2013)
You May Also Like
TAKGALHSKININ NEMA TLAKG TLAWAKAN
¿La kmakgalhtawakgenanaw?
Ktakgalhtawakga nema mastakgo xtatayananin Jehová, wix tlan namaklakaskina Biblia nema kgalhiya. Na tlan natawilakgo mifamilia chu mi amigos akxni namakgalhtawakgekana.
