TIMIRTTE 02
Geeshsha Maxaafay Ufayssiya Wodee Yaanaagaa Yootees
Azzananaadan, unˈˈettanaadaaninne waayettanaadan oottiya metoti daro asaa gakkoosona. Ne deˈuwan hegaa malabay gakki erii? Neeni sahettiyo gishshawu waayettennan aggakka woy ne siiqiyo uri hayqqido gishshawu azzanennan aggakka. ‘Deˈoy haˈˈiigaappe kehanee?’ gaada qoppennan aggakka. Geeshsha Maxaafay ha oyshawu ammanttiya zaaruwaa yootees.
1. Geeshsha Maxaafay hanana giidi yootiyo ufayssiyaabay aybee?
Nuna keehi daro metoy gakkiyoy aybissakko Geeshsha Maxaafay yootees. Mata wode Xoossay he meto ubbaa xayssana giidi mishiraachchuwaakka yootees. Geeshsha Maxaafay yootiyoobaappe ‘sintta wodiyaa woy loˈˈo deˈuwaanne ufayssaa demmana’ danddayaasa. (Ermmaasa 29:11, 12 nabbaba.) He hidootay nuuni nu metuwaa genccanaadaaninne ha wodiyankka ufayttanaadan maaddana danddayees. Geeshsha Maxaafay yootiyoobati nuuni merinawu ufayttanaagaa ammanettanaadankka oottoosona.
2. Geeshsha Maxaafay sinttanaa wodee ay mala gidanaagaa yootii?
Sinttappe ‘hayqoynne kayyoy woy waasoynne sahoy deˈennaagaa’ Geeshsha Maxaafay yootees. (Ajjuutaa 21:4 nabbaba.) Ha wodiyan asay hidootaa qanxxanaadan oottiya hiyyeesatettaa, pirddaa pacaa, sahuwaanne hayquwaa mala metoti sinttappe deˈokkona. Geeshsha Maxaafay Gannate gidida saˈan asay merinawu ufayttanaagaa yootees.
3. Geeshsha Maxaafay yootiyo hidootay polettanaagaa waana ammanettana danddayay?
Sinttappe loˈˈobay hanana giidi daro asay hidootan naagees, shin eti naagiyoobay polettanaagaa ammanettana danddayokkona. Geeshsha Maxaafay yootiyoobay hegaappe dumma. ‘Xoossaa maxaafati’ yootiyoobaa nuuni loytti pilggiyo wode hegan kaseppe aaruwan ammanettana danddayoos. (Oosuwaa 17:11) Neeni Geeshsha Maxaafaa xannaˈiyo wode, sinttanaabaa xeelliyaagan I yootiyoobay ammanttiyaabakko ammanttennabakko kuuyana.
LOYTTA AKEEKA
Sinttanaabaa xeelliyaagan Geeshsha Maxaafay yootiyoobatuppe amaridaageeta pilgga. Geeshsha Maxaafay yootiyo hidootay ha wodiyan asaa waati maaddiyaakko akeeka.
4. Nuuni aynne metootennan merinawu deˈana danddayiyoogaa Geeshsha Maxaafay yootees
Geeshsha Maxaafay yootiyo kaallidi deˈiyaabata beˈa. Hageetuppe nena keehi ufayssiyaageeti awugeetee? Aybissi?
Qaalaa gelidobatuppe kaallidi deˈiya xiqiseta nabbabite; yaatidi ha oyshata tobbite:
-
Ha xiqiseti nena maaddoosona gaada qoppay? Ne soo asaynne ne laggeti ha xiqiseta eriyaakko goˈettana gaada qoppay?
Kaallidi deˈiyaabati baynna alamiyan deˈiyaabadan qoppa
|
KAALLIDI DEˈIYAABATUN OONINNE WAAYETTENNA: |
KAALLIDI DEˈIYAABATUN UBBA ASAY UFAYTTANA: |
|---|---|
|
|
|
|
|
|
|
|
|
|
5. Geeshsha Maxaafay yootiyoobay nena maaddana danddayees
Daro asay ba heeran deˈiya metuwaa beˈiyoogan hidootaa qanxxees woy hanqqettees. Amaridaageeti hegee giiganaadan keehi baaxetoosona. Geeshsha Maxaafay ubbabay giigana giidi yootiyoobay asaa ha wodiyan waati maaddiyaakko akeeka. BIIDUWAA beˈite; yaatidi kaallidi deˈiya oyshata tobbite.
-
Biiduwan, Rafiko keehi qofissida pirddaa pacay aybee?
-
Pirddaa pacay deˈishinkka, Geeshsha Maxaafay O waati maaddidee?
Geeshsha Maxaafay yootiyo hidootay nuuni yibbaatennaadaaninne nuna gakkiya metuwaa genccanaadan maaddana danddayees. Leemiso 17:22nne Roome 12:12 nabbabite; yaatidi ha oyshata tobbite:
-
Neeni Geeshsha Maxaafay sinttanaabaa yootiyoobaa ammanikko, ha wodiyan ne deˈoy kaseppe giiga gidana gaada qoppay? Neeni hegaadan qoppiyoy aybissee?
ISSI ISSI ASAY HAGAADAN GEES: “Geeshsha Maxaafay sinttanaabaa yootiyoobay hanana danddayennaba.”
-
Neeni hegaa pilggiyoogee keehi koshshiyoy aybissee?
AY AKEEKADII?
Geeshsha Maxaafan sinttanaabaa xeelliyaagan ufayssiya daro hidootay deˈees. Hegee nuuyyo hidootay deˈanaadaaninne ha wodiyan nu deˈoy kaseppe giiga gidanaadan oottees.
Zaaretuwaa
-
Xoossay qaalaa gelidobaa asay erana koshshiyoy aybissee?
-
Sinttanaabaa xeelliyaagan Geeshsha Maxaafay yootiyoobay aybee?
-
Neessi hidootay deˈiyoogee ha wodiyan nena waati maaddana danddayii?
PILGGA
Nena metiyaabay gakkiyo wode hidootay waati maaddana danddayiyaakko akeeka.
“Hidootaa Awuppe Demmana Danddayay?” (Beegottite! huuphe yohuwaa)
Wolqqaama harggee oyqqidoogeeta hidootay waati maaddana danddayiyaakko akeeka.
“Yeddenna Harggee Oyqqido Ura Geeshsha Maxaafay Maaddana Danddayii?” (Nu websaytiyan deˈiyaaba)
Neeni biiduwan giigida ha muuziqaa beˈiyo wode, Geeshsha Maxaafay yootiyo sinttappe yaana Gannatiyan ne soo asaara deˈiyaabadan qoppa.
Deretettan laamiyaa ehaanawu baaxetida bitanee Geeshsha Maxaafay sinttanaabaa yootiyoobaa erin A deˈoy ay keena laamettidaakko nabbaba.
“Alamiyaa Laammana Bessees Gaada Qoppiyoogaa Aggaas” (Wochchiyo Keelaa huuphe yohuwaa)
Hageeta Beˈadii?
ASAY DAROTOO OYCHIYO OYSHATA
Yihoowa Markkati Geeshsha Maxaafaa Xannaˈissiyoy Ayba Ogiyaanee?
Yihoowa Markkati miishsha qanxxissennan xannaˈissiyo prograamiyan, Geeshsha Maxaafaa birshshettaa awugaakka goˈettana danddayaasa. Ne so asa ubbaynne ne laggetikka nenaara xannaˈanaadan shoobbana danddayaasa.
