DILONGI 02
Bibila kiveni vuvu kiluzingu lumboti mu bilumbu binkuiza
Mu nza yimvimba, batu bawombo balembu dengana mambu malembu bavani kiadi, ziphasi ayi malembu bamonisa tsisi. Wume teka dengana mambu ma phila yoyi? Bu lendakana wulembu bedi voti me fuilu mutu mosi weti zola. Nanga weta kiyuvusa: “A bue, lumbu kidi mambu mela lutabonga?” Mu Bibila, mawu baka mvutu wulukindusu mu kiuvu beni.
1. Vuvu mbi Bibila kiveni?
Bibila kilembu sudikisa bila mbi nza yimeluta bebila, vayi kilembu samuna diaka nsamu wumboti: ziphasi zietu ziazioso nduka mana zieka. Zitsila zi Bibila zilenda tuvana vuvu “ayi luzingu lumboti mu bilumbu binkuiza.” (Tanga Yelemia 29:11, 12.) Zieta tusadisa tununga zithatukusu zietu, mu ba mayindu mamboti ayi mu ba mu mayangi makiedika.
2. Mu bilumbu binkuiza vuvu mbi Bibila kituvanini tsila?
Bibila kikembi ti, fioti fisiedi, “lufua lulendi buela ba ko” “kiadi kilufua kilendi buela ba ko, bidilu ayi ziphasi bilendi buela ba ko.” (Tanga Tsongolo 21:4.) Mambu moso malembu tumonisa ziphasi banga buphumbulu, thalu zizi, bimbevo ayi lufua biela sie bue ba ko. Bibila kiveni tsila ti batu bela baka mamboti mazinga mvu ka mvu ku phaladizo va ntoto.
3. Mbi fueti tula mo wukikinina ti zitsila zi Bibila ziela lungana?
Batu bawombo badi na vuvu ti luzingu luela ba lumboti mu bilumbu binkuiza, vayi basi ko kadi sikididi ti vuvu kiawu kiela lungana. Buawu ko buididi zitsila zi Bibila: ziawu ziela lungana. Mo wuzi kikinina, fueti ‘fionguninanga masonoko.’ (Mavanga 17:11) Ndongukolu’aku yi Bibila yela kusadisa mu zaba ti wulenda kikinina momo bibila kituvanini tsila mu bilumbu binkuiza.
TUVISA MBOTI MBOTI
Tutala diaka bue luzingu luela bela mu thangu zitsila zi Bibila ziela lungana. Ayi tutala mamboti momo tulenda baka tona lumbu kiaki mu vuvu kioki Bibila kituveni.
4. Bibila kituveni vuvu kiluzingu luduka ayi lu mvu ka mvu
Tala va wanda mambu momo Bibila kituvanini tsila. Zitsila mbi zilutidi kuyangidika ayi bila mbi?
Tanga ziverse zio batudidi mu kadika tsila, ayi yindudila mu biuvu biabi:
-
Ziverse beni zi Bibila vuvu mbi ziveni? Bue wummuena, zilenda natina bakhomba ziaku ayi bakundi baku mamboti?
Yindula nza yoyi yela ba:
|
KADI MUTU . . . |
BATU BOSO . . . |
|---|---|
|
|
|
|
|
|
|
|
|
|
5. Vuvu kio Bibila kiveni kilenda balula luzingu luaku
Batu bawombo badi mu nganzi ayi badi mu kiadi, mu bila ki mambu maphasi malembu vioki mu nza. Batu bankaka balembu nuani mu tomba bongisa mambu. Tala nketu mosi bue kabakila zingolo mu mambu momo Bibila kituvanini tsila. Tala VIDEO ayi vana mimvutu mu biuvu biabi bilandikini.
-
Mambu mbi makambu busonga meba tatikisanga Rafika?
-
Kadiambu ko kadulu beni kisi mana ko, bue Bibila kinsadisila?
Vuvu kioki Bibila kituveni kiluzingu lumboti mu bilumbu binkuiza kilenda kutusadisa mu nunga lebakana ayi nunga ziphasi zietu. Tanga Zingana 17:22 ayi Loma 12:12 ayi vana mimvutu mu biuvu biabi:
-
Wum’banzila ti nsamu wa wuvuvu wulenda bongisa luzingu luaku tona thangu yayi? Bila mbi?
BATU BANKAKA BETA TUBA TI: “Mambu momo Bibila kivanini tsila, melasie lungana ko.”
-
A nge bue wummuena, bila mbi yididi mfunu fiongusina ngeyo veka keni Bibila kiedika kieta tuba?
MU BUKHUFI
Bibila kilembu tuvani tsila ti, bilumbu binkuiza, tuela baka mayangi makiedika ayi vuvu beni kieta tusadisa mu nunga zithatukusu.
Phutukulu
-
Bila mbi tuididi mfunu vuvu?
-
Mambu mbi Bibila kinsamuna mu diambulu bilumbu binkuiza?
-
Phila mbi nsamu wuvuvu wu Bibila wulenda baludila luzingu luaku tona mu thangu yayi?
TALA MAMBU MANKAKA
Masolo mamonisa ti vuvu kieta buela ngolo.
“Elikya—Ezali mpenza na ntina na bomoi ya moto?” (Lamuká! 10/12/2004)
Bue vuvu kiluzingu lumboti mu bilumbu binkuiza kilenda sadisila batu bobo beta bela maladi kama mananga ko?
“Biblia ekoki kosalisa ngai soki nazali na maladi oyo eumeli mingi?” (Lisolo oyo ezali na Internet)
Video yi luimbu lumosi, yilenda kusadisa wuyindula luzingu luaku mu bilumbu binkuiza ayi lu dikanda diaku ku phaladizo yo Bibila kintubila.
Disolo diluzingu lu mutu wunuanina mvila, luyiza baluka mu thangu bayiza nkukamba zitsila zi Bibila.
“Namonaka lisusu te ete nasengeli kobongola mokili” (Linɔngi ya Mosɛnzɛli ya 01/07/2013)
