ENUKPLAKPLA 03
Àtɛnŋ akando Bibla mɛ nyɔwo jia?
Bibla ɖo gbe sugbɔ ɖɛ yí gbekplanɔ nunywiwo amɛ. Taŋfuin èjinɔ mɔ yease yi nukplamuwo gɔnmɛ, vɔ dejinɔ mɔ yeakando enyɔ ciwo pleŋ enu ji ahan kpoŋ o. Àkando gbeɖu koɖo enukplamu ciwo yí le gbeɖegbe wema xoxui cɛ mɛ ji drua? Àtɛnŋ akando ŋciwo Bibla mɔ mìawa nɔ eji ajɔ mì le egbɛmɛ koɖo enyɔ ciwo yí enu kudo esɔmɛ nu ji teŋ a? Amɛ miliɔn nɛniɖe kando ji. Le enukplakpla cɛ mɛɔ, kpɔ mɔ eɔ can àkando ji dru ma.
1. Nyɔnɔnwi ŋtɔ teŋ yí nyi exolɔlɔ ciwo yí le Bibla mɛa?
Bibla ŋtɔ nu mɔ “nyɔnɔnwinyɔ ciwo yí sɔgbe pɛpɛpɛ” yí le ye mɛ. (Ŋununyatɔ 12:10, NWT) Enu ciwo yí jɔ nyɔnɔnwimɛtɔ nu yí exo nuxu so yí gbexo nuxu so agbetɔ ŋtɔŋtɔ ciwo yí ni vayi nu. (Hlɛn Luiki 1:3; 3:1, 2.) Exolɔlɔŋwlɛtɔ koɖo nyigbanmɛnumɛkutɔ sugbɔ ji nu gemɛ kpɔ yí lɔn do ji mɔ azan koɖo texwe ciwo nu Bibla xo nuxu so sɔgbe pɛpɛpɛ. Wogbelɔn do ji mɔ mɛ ciwo nu Bibla xo nuxu so ni vayi nyɔnɔnwimɛtɔ yí enu ciwo emɔ wojɔ lɔwo jɔ do ahan ji nyao.
2. Nyi yí taɖo mìakando Bibla ji ci enyi gbeɖegbe wema can ɔ?
Ejɔnɔ blaŋblaŋ yí Bibla nunɔ nyɔ ɖowo yí amɛwo denyanɔ mɔ enyɔ anyi ahan dru hwenu enui o. Enyɔ lɔ ɖeka ke: Bibla xo nuxu so jɔjɔmɛnuwo nu; vɔ hwenu woŋwlɛ woɔ, amɛ sugbɔ dexɔ gbe nɔ enyɔ ɖewo ciwo enu so jɔjɔmɛnu cɛwo nu o. Ele ahan gan, ŋci yí vajɔ ke: jɔjɔmɛnununyatɔwo valɔn do ji le egbɛmɛ mɔ nyɔnɔnwi yí Bibla nu. Eyi taɖo “woakando . . . ji hweɖekpokpuinu, kakayɛ keke asɔyi mavɔmavɔ.”—Ehajiji Wema 111:8, NWT.
3. Nyi yí taɖo mìɖo akando enyɔ ciwo Bibla nu kudo esɔmɛ nu jiɔ?
“Enu ciwo yí de jɔ hɔɖo” o, ciwo woyɔnɔ mɔ enyɔnuɖɛwo a le Bibla mɛ. (Ezai 46:10) Bibla nu enyɔ sugbɔ ɖɛ xoxoxo yí wovajɔ ahan pɛpɛpɛ keŋ yí nyi exolɔlɔwo. Egbenu ŋciwo yí jɔjɔ le xexeɛ mɛ gbɛ daɖɛ. Le enukplakpla cɛ mɛɔ, mìaxo nuxu so Bibla mɛ nyɔnuɖɛ ɖewo nu. Lé enyɔnuɖɛ lɔwo vajɔ do pɛpɛpɛ nyi ŋci yí kpaca amɛ keke!
JI DWI NI KPƆ DOJI
Kpɔ lé jɔjɔmɛnununyatɔwo valɔn do Bibla mɛ nyɔwo ji do keŋ agbeji Bibla mɛ nyɔnuɖɛ kpacamɛ ɖewo kpɔ.
4. Jɔjɔmɛnununyawo sɔgbe koɖo Bibla mɛ nyɔwo
Le blemaɔ, amɛ sugbɔtɔ bui mɔ ŋɖe ji yí nyigban lɔ le. Xo VIDEO lɔ.
Se nyɔ ci woŋwlɛ do Job wema lɔ mɛ exwe 3 500 han vayi ɖa. Hlɛn Job 26:7, keŋ agbeje nyɔbiɔse cɛ mɛ:
-
Ci Bibla nu mɔ nyigban lɔ “dele ŋɖe ji” ɖe, nyi yí taɖo ekpaca amɛɔ?
Exwe 1800 cɛwo mɛ gbɔxwe wovanya lé enyinɔ do keke eshi ci yí le nyigban lɔ ji yinɔ ji yí gbetrɔ yí janɔ. Vɔ se nyɔ ci Bibla yɛ nu ɖɛ xoxoxo so exwe 3 500 han vayi ɖa. Hlɛn Job 36:27, 28, keŋ agbeje enyɔbiɔse ciwo yí gbɔgbɔ mɛ:
-
Ci Bibla dre lé enyinɔ do yí eshi ci yí le nyigban lɔ ji gbetrɔ yí janɔ ɖe, nyi yí taɖo ekpaca eoɔ?
-
Kpukpui cɛwo ci èhlɛn yɛ do ŋsɛn eo yí ègbekando Bibla ji sɔwua?
5. Bibla nu enujɔjɔ vevi ɖekawo ɖɛ
Hlɛn Ezai 44:27–45:2, keŋ agbeje nyɔbiɔse ci yí gbɔgbɔ mɛ:
-
Enyɔ ciwo yí Bibla nu ɖɛ exwe 200 han vayi gbɔxwe Babiloni jugan lɔ avajuin ɔ?
Exolɔlɔwo ɖo kpe yi ji mɔ, Sirusi ci yí nyi Pɛsi Fyɔ koɖo ahwawavi yi tɔwo vaxɔ Babiloni jugan lɔ le exwe 539 D.Y. b Wotrɔ emɔ nɔ etɔsasa ci yí nyi etaglɔnnu nɔ jugan lɔ yí ema. Babilonitɔwo gbe jugan lɔ gbowo do nuvo, ecɛ wɛ mɔ ahwawavi lɔwo ɖo juɔ mɛ yí sɔ juɔ xɔ ahwamawamawa. So xwe 2 500 keke vaje egbɛɔ, Babiloni jugan lɔ kpɔtɔ le gbangban. Se nyɔ ci Bibla nu ɖɛ ɖa.
Hlɛn Ezai 13:19, 20, keŋ agbeje nyɔbiɔse ci yí gbɔgbɔ mɛ:
-
Lé ŋci yí jɔ do Babiloni jugan lɔ ji ɖo kpe enyɔnuɖɛ cɛ ji doɔ?
Lé Babiloni jugan lɔ ci wogban le do le egbɛmɛ le Irak ke
6. Bibla nu enu ciwo yí jɔjɔ yí mìkpɔkpɔ gbɛ daɖɛ
Bibla yɔ mìwo hwenu cɛ mɔ “ŋkeke vɔvɔwo.” (2 Timɔte 3:1) Se enyɔ ciwo yí Bibla nu kudo ŋkeke cɛwo nu ɖa.
Hlɛn Matie 24:6, 7, keŋ agbeje nyɔbiɔse ci yí gbɔgbɔ mɛ:
-
Nyiwo yí Bibla mɔ woajɔjɔ le ŋkeke vɔvɔɛ lɔwo mɛɔ?
Hlɛn 2 Timɔte 3:1-5, keŋ agbeje biɔse ciwo yí gbɔgbɔ mɛ:
-
Adɛn ɖewo ciwo Bibla mɔ amɛwo awuwuɔ le ŋkeke vɔvɔɛ lɔwo mɛɔ?
-
Èkpɔ amɛwo wuwuɔ adɛn ŋtɔ́ hanwo le egbɛmɛa?
MƐÐEWO NUNƆ MƆ: “Enyɔ ciwo yí amɛwo kpa yí nunuɔ koɖo druviwo yí le Bibla mɛ.”
-
Ci èkpɔɛ ɖe, kpeɖoji sɛnŋ ciwo yí adɔ mìakando Bibla jiɔ?
ENU CI ÈKPLA
Exolɔlɔ, jɔjɔmɛnununya koɖo enyɔnuɖɛwo dasɛ mɔ àtɛnŋ akando Bibla ji.
Enumɛtoto
-
Enyɔkpakpa alo druvi wema yí Bibla nyia?
-
Ŋciwo yí dasɛ mɔ jɔjɔmɛnununya sɔgbe pɛpɛpɛ koɖo Bibla ɖewo ɖe?
-
Ci èkpɔɛ ɖe, Bibla nu enu ciwo yí avajɔ le esɔmɛ ɖɛ nyaoa? Nyi yí taɖo ènu ahan ɔ?
KPƆ ŊCƐWO KPƆ
Bibla wa fɛn yí nu enyɔ ɖewo so jɔjɔmɛnuwo nua?
“Enyɔ ciwo yí le Bibla mɛ sɔgbe koɖo jɔjɔmɛnununyaa?” (Àkpɔɛ le siti lɔ ji)
Nyiwo yí dasɛ mɔ “ŋkeke vɔvɔ” lɔwo mɛ mìleɔ?
“Bibla mɛ nyɔnuɖɛ 6 ciwo yí vakɔmɛ kakayɛ” (Jutakpɔxɔ 1er mai 2011)
Kpɔ lé enyɔ ciwo wonu ɖɛ so Grɛki Cɛkpakpa lɔ nu vajɔ do.
Kpɔ lé Bibla mɛ nyɔnuɖɛwo dɔ yí lé ŋsu ɖeka kpɔnɔ Bibla do sa vatrɔ ɖa.
Ebuwo Ke
ENYƆ CIWO AMƐWO BIƆNƆ SE BLAŊBLAŊ
Nyi Bibla nukplakpla ci Yehowa Kunuɖetɔwo sɔ ɖokɔ ŋmɛ nɔ amowo nyiɔ?
To seŋkankan toto ehomana ci Yehowa Kunuɖetɔwo sɔ ɖokɔ ŋmɛ nɔ amowo jiɔ, àtɛnŋ azan Bibla gɔnmɛɖeɖe ɖekpokpui. Vo faa ayɔ ao xomu lɔ pleŋ alo ao xlɔwo nɔ woava bɔdo eo nu le nukplakpla lɔ mɛ.
