LECCION 03
Puede Ba Tu Confia con el Biblia?
El Biblia manada maga promesa y consejo. Posible quierre tu sabe si cosa este ta enseña pero baka ta pensa tu que dificil confia con el Biblia. Debe ba tu confia con el maga promesa y consejo estaba na un daan libro? Puede ba gayot tu creé na cosa ta habla el Biblia acerca si paquemodo queda alegre ahora y na futuro? Millones de maga gente el ta confia con el Biblia. Ta invita kame contigo que examina con este.
1. Deverasan ba el maga cosas que escribido na Biblia?
El Biblia ta habla que tiene este “maga exacto palabra de verdad.” (Eclesiastes 12:10) Ta menciona este maga deverasan istoria acerca na maga deverasan gente. (Le con el Lucas 1:3; 3:1, 2.) Manada historian y archaeologist el ya incuntra maga prueba que exacto el maga fecha, gente, lugar y istoria que ya menciona na Biblia.
2. Porque kita puede confia con el Biblia maskin daan ya este libro?
Manada cosas ya menciona el Biblia que no sabe pa el maga gente na tiempo cuando ya escribi con este. Por ejemplo, ta menciona este maga cosas acerca na ciencia. Cuando ya escribi con este, manada gente el gendeh ta creé que deverasan el cosa este ta habla. Pero ahora, el ciencia ta habla que exacto el cosa ta menciona el Biblia. “Pirmi puede confia con este, ahora y hasta para cuando.”—Salmo 111:8.
3. Porque kita puede confia na cosa ta habla el Biblia acerca na futuro?
El Biblia tiene maga profecia a acerca na ‘maga cosas que nuay pa sucede.’ (Isaias 46:10) Manada maga suceso de antes el escribido ya na Biblia, antes pa se sucede. Ta dale tambien este manada detalle acerca na condicion del mundo ahora. Na este leccion, hay examina kita con el cuanto maga profecia na Biblia y si paquemodo gayot este de exacto.
APRENDE PA MAS
Examina si paquemodo el ciencia tan uyun na cosa ta habla el Biblia y mira con el cuanto bonito profecia de este.
4. El ciencia tan uyun na Biblia
De antes, mayoria del maga gente ta creé que el tierra talli encima na un cosa. Man play con el VIDEO.
Mira con el cosa ya habla el libro de Job maga 3,500 año ya el ya pasa. Le con el Job 26:7 y despues, discuti con este pregunta:
-
Porque maka-bilib o maka-espanta el cosa ya menciona el texto acerca na tierra?
Maga 200 año pa lang el ya pasa desde ya entende el maga gente con el water cycle. Pero, nota si cosa ya habla el Biblia miles de año ya el ya pasa. Le con el Job 36:27, 28 y despues, contesta con este maga pregunta:
-
Cosa tu puede habla na cosa ya menciona el texto acerca na water cycle?
-
Ya puede ba hace fuerte con el de tuyu confianza na Biblia el maga texto que ya le tu?
5. El Biblia ya habla ya daan acerca na maga importante suceso
Le con el Isaias 44:27–45:2 y despues, discuti con este pregunta:
-
Cosa maga detalle ya dale el Biblia maga 200 año antes ya ataca y ya saca con el Babilonia?
El historia ya confirma que si Rey Ciro del Persia y el de suyu maga soldao ya ataca con el ciudad de Babilonia del 539 B.C.E. b Ya hace sila otro pasada de agua para abaja el agua na rio que ta protege con el ciudad. Despues, ciendo ya deja abierto con el grande puerta del ciudad, ya puede sila entra y saca con el Babilonia que nuay man guerra. Ahora, mas de 2,500 año ya el ya pasa, ya esta destrozao el Babilonia. Nota si cosa ya habla el Biblia.
Le con el Isaias 13:19, 20 y despues, discuti con este pregunta:
-
Paquemodo este profecia ya cumpli?
El destrozao Babilonia que puede mira ahora na Iraq
6. El Biblia ya habla ya daan acerca na maga cosas que ta puede kita mira ahora
El Biblia ta habla que ta vivi ya kita na “ultimo maga dia.” (2 Timoteo 3:1) Nota si cosa ya habla daan el Biblia acerca na diaton tiempo.
Le con el Mateo 24:6, 7 y despues, discuti con este pregunta:
-
Cosa ya habla el Biblia acerca na ultimo maga dia?
Le con el 2 Timoteo 3:1-5 y despues, discuti con este maga pregunta:
-
Cosa ya menciona el Biblia acerca na maga custumbre del gente na ultimo maga dia?
-
Cosa na este maga custumbre el ta puede tu mira ahora?
EL CUANTO TA HABLA: “El Biblia amo un libro de maga istoria que gendeh deverasan.”
-
Para contigo, porque tu puede asigura que puede tu confia con el Biblia?
SUMARIO
El historia, ciencia y profecia ta dale mira que puede tu confia con el Biblia.
Repaso
-
Deverasan ba el maga cosas que escribido na Biblia?
-
Cosa el cuanto cosas na Biblia que tan uyun na ciencia?
-
Ta creé ba tu que el Biblia ta puede habla si cosa sucede na futuro? Porque?
SABE PA MAS
Tiene ba cosa ya habla el Biblia que gendeh uyun na ciencia?
Cosa el verdad acerca na “ultimo maga dia”?
“6 Profecia na Biblia que Ta Cumpli Ahora” (The Watchtower, Mayo 1, 2011)
Sabe si paquemodo ya cumpli el maga profecia na Biblia acerca na Imperio de maga Griego.
Mira si paquemodo el maga profecia na Biblia ya cambia con el mirada del un hombre acerca na Biblia.
Baka Gusta Tambien Tu
MAGA COMON PREGUNTA
Cosa el Bible Study que Ta Ofrece el Maga Testigo de Jehova?
Na programa de Bible study que ta ofrece el maga Testigo de Jehova, puede tu usa maskin cosa translation de Biblia. Puede tu invita con el de tuyu entero familia o maskin quien amigo para man junto contigo.
