TOLUMỌYE 03

Ị́mịnị Eti Akị Bible Bọọ Tụa a Paa Emi?

FARỊ

Bible bị biin yeama kị kii koromọ weri emi má tolumọ yeama kpọ emi. Bei tolumọyemọ ị́mịnị mọ nimi dọụ kpọ paa emi, má tamanaịn yọ nana kpọ paa emi. Ị́mịnị eti akị bei orúdẹ fun gbaa egberimọ ghọ tụamọ agbẹị emi a o? Bible bolou bi yelaa egberimọ nị, omịnị eti akị tụamọ agbẹị egberiama emi a o? Biin kịmịama bịsa bara mịẹdọ. Ị́ kpọ bụụ dọụ ẹrị.

1. Bible bị gesii egberiama kị emi a?

Bible gbaa bara bị “gesii egberiama” kị wo bolou bọọ emi. (Ecclesiastes 12:10) Kịmịama paamọ egberiama kị gbaa weri emi. (Luke 1:3; 3:1, 2 goo.) Biin paa bụọdẹ yeama ghọ tuu dọụ otuama Bible bọọ gbaa ereinama, kịmịama, yọama, má paa yemọ kọkọ paa mị bara gbaa mị.

2. Bible bị orúdẹ kị gbaa kpọ, tetuu ki duonị mọkpọ yelaa emi a o?

Bible gẹẹ ifie bọọ fa yeama, Bible mọ gbaa weri emi. Gbaa maba, akiiroro gbelemọ egberiama Bible mọ gbaa weri emi. Bịsa ifie bọọ timi otumọ biin kịmịama bei egberimọ peigha. Mọabịkpọ, bei ifie akiiroro otumọ bo Bible gbaa egberimọ kịrịị emi bara dọụ ẹrị dọ. “Ifiemọsẹ eti akị tụa a paa emi.”—Psalm 111:8.

3. Tetuu ki duonị omịnị eti akị Bible bọọ kii koromọ weri emi yemọ ghọ tụamọ agbẹị emi a o?

Bible bolou bị “naá paa beingha” bụrụ-egberiama a emi. (Isaiah 46:10) Biin paa bụọdẹ yeama Bible gbaa koromọ wẹrị bara kị paa bein mi. Bei tịẹkiri ọkpọ bọọ paa mịnị yemọ ghọ sọnịsọnị bara tuu gbaa weri emi. Bei tolumọyọ bị, omịnị zụa Bible bụrụ-egberiama diitụa mịnị. Anị paa bein bara bị iné ọngọ bọụmọ mịnị!

EBIBARA TUUDỌỤ

Bei tịẹkiri akiiroro otu tolumọ mịnị ye mọ Bible tolumọye mọ kẹnịsụọmọ emi bara diitụa, má zụa yelaa bụrụ-egberiama kpọ ghọ tuu dọụ.

4. Akiiroro tolumọye mọ Bible mọ kẹnịsụọmọ emi

Oruseri ifie bị, biin kịmịama tọn wẹrị bara bị, kiriogbo bi ye kọọ gbanaịn emi. VIDIO farị.

VIDIO: Kiriogbo Bi Akị Kẹnị-ye Kpọ Gbanagha (1:13)

Job fun 3,500 kụraị-ama bụọdẹ ifie ghọ gbaa yebi dii. Job 26:7 goo, má bei biibịbị kẹrị ẹrẹtei:

Tetuu ki duonị, kiriogbo bi akị “kẹnị ye kpọ ghọ gbanagha” egberi bị kịmị angọ bọụmọ ma o?

Kịmịawọụ 200 kụraị-ama bụọdẹ kọọ beni yọrẹị emi bara ghọ sụọtuu nimi mị. Anịa, Bible kụraị ọgịzịama bụọdẹ ifie ghọ gbaa yebi dii. Job 36:27, 28 goo, má kirianga bọọ emi biibịbịmọ kẹrị ẹrẹtei:

Bei beni yọrẹị mịnị bara gbaa yọbị, tetuu ki duonị iné angọ a sụọ ma o?
Bei goo yọbị ị́ mịẹ bolou akị Bible bọọ tụa dẹịn ma?

5. Bible paa mụ yeama gbaa weri emi

Isaiah 44:27–45:2 goo, má bei biibịbị kẹrị ẹrẹtei:

Bible tebara ka kị 200 kụraị-ama akị bọlọụ wẹrịmọ Babylon gbein gọgọlọ mụ bara tuu gbaa ma o?

VIDIO farị.

VIDIO: Babylon Koromụ Bara Bible Mọ Gbaa Wẹrị Mị (0:58)

Paa bụọdẹ yemọ mịẹdịa bara bị Persia Pẹrẹ Cyrus mọ wo sụụ otumọ 539 B.C.E. b bọọ Babylon gbein gọgọlọ mị. Ama yọrọ wẹrị tọrụ-beni mị amọ mịẹ tẹịn zịnị yọ mú mị. Fini koromọ wẹrị emi opu ogugomọ amọ duo sụọ bị, amịnị sụụgha bara ka kị ama sẹ kẹrị akị. Bei tịẹkiri bị, 2,500 dẹịn kụraị-ama bụọdẹ, Babylon mọkpọ gbẹịn gọgọlọ wẹrị bara k’emi. Bible gbaa koromọ wẹrị egberi dii.

Isaiah 13:19, 20 goo, má bei biibịbị kẹrị ẹrẹtei: