LONGI DIA 03
Nga Olenda Bunda e Vuvu Muna Bibila?
Bibila kisianga nsilu miayingi yo vana malongi mayingi mambote. Nanga ozolele zaya mana Bibila kilonganga, kansi lukatikisu una lwau mu bunda mo e vuvu. Nga wafwana bunda e vuvu muna nsilu ye malongi ma nkanda wau wankulu? Nga olenda kwikila mu mana Bibila kilonganga mu mpila tulenda kadila ye zingu kiakiese o unu ye kuna ntwala? Ndonga bekwikilanga muna malongi mama. Yambula twavovela mambu malenda kusadisa mu kwikila muna malongi mama.
1. Nga o tusansu tuna muna Bibila twaludi yovo savu kwandi?
Bibila kivovanga vo e mvovo mina mo “mialudi ye sikididi.” (Kimpovi 12:10) E mambu yo wantu beyikwanga muna Bibila bakieleka. (Tanga Luka 1:3; 3:1, 2.) Azingudi a tusansu ye asatuludi ayingi bevovanga vo e lumbu yamfunu, wantu, fulu ye mambu meyikwanga muna Bibila maludi kikilu.
2. Ekuma tulenda vovela vo e Bibila ke kiaviokela ntangwa ko?
Bibila nkumbu miayingi kiyikanga mambu mana ke mazayakana ko vava kiasonekwa. Muna bonga e nona, kivovelanga mambu ma ngangu za nza (ciência). Vava kiasonekwa mambu mama, wantu ayingi ke bakwikilanga mo ko. Kansi owau, ngangu za nza zisonganga e ziku vo mana masonama muna Bibila makieleka. Mambu mama ‘mafwana bundwa e vuvu, tuka wau yamu mvu ya mvu.’—Nkunga 111:8.
3. Ekuma tufwete bundila e vuvu mu mana Bibila kivovanga mu kuma kia kusentu?
Muna Bibila muna ye ungunza a uyikanga “mambu ke mavangamene ko.” (Yesaya 46:10) Kiyikanga mambu mayingi ye sikididi kiawonso vitila mavangama. Kitoma vovelanga mpe mambu mayingi mevangamanga mu lumbu yeto. Mu longi diadi, tulongoka wankaka muna ungunza una muna Bibila. E mpila ungunza wau walunganena yasivi kikilu.
ZAYA DIAKA MANKAKA
Tala una e ngangu za nza zinina e ngwizani ye Bibila, fimpa mpe waka ungunza wasivi una muna Bibila.
4. Ngangu za nza ngwizani zina ye Bibila
Kuna nz’ankulu, wantu bakwikilanga vo vena ye lekwa kisimbininanga o ntoto. Tala e VIDEO.
Tala dina diasonama muna nkand’a Yobi se vioka mvu 3.500. Tanga Yobi 26:7, i bosi, vana e mvutu za kiuvu eki:
-
Ekuma e mvovo, o ntoto ‘wamanikwa muna nkatu’ minina miasivi?
O wantu muna mvu mia 1800 kaka bayiza bakula una uvangamenanga e mvula. Kansi tala dina Bibila kivovanga se vioka 3.500 za mvu. Tanga Yobi 36:27, 28, i bosi, vana e mvutu za yuvu eyi:
-
Ekuma e mvovo mia sono kiaki miyikanga una e mvula zivangamenanga minina miasivi?
-
Nga e sono kiaki kikumikini e vuvu kiaku muna Bibila?
5. Bibila kiasakula mambu mamfunu
Tanga Yesaya 44:27–45:2, i bosi, vana e mvutu za kiuvu eki:
-
Nkia mambu masakulwa muna Bibila mvu 200 vitila Babele yafwaswa?
Lusansu lusonganga vo Kurese wa Ntinu a Parasa ye makesa mandi bafwasa mbanz’a Babele muna mvu wa 539 V.T.K. b Batima mvuila mu kulula maza ma nkoko wataninanga e mbanza. Wau vo mielo mia mbanza miaziuka miakala, bakota muna mbanza yo kutumuna yo lembi nuana. O unu vioka 2.500 za mvu, Babele yakituka se zumbu. Owau, tala dina diasakulwa muna Bibila.
Tanga Yesaya 13:19, 20, i bosi, vana e mvutu za kiuvu eki:
-
Aweyi ungunza wau walunganena?
Fulu kiakala e mbanz’a Babele kuna Iraque
6. Bibila kiasakula mambu tumonanga o unu
Bibila kivovanga vo mu “lumbu yambaninu” tuzingilanga. (2 Timoteo 3:1) Tala dina Bibila kiasakula mu kuma kia lumbu yayi:
Tanga Matai 24:6, 7, i bosi, vana e mvutu za kiuvu eki:
-
Adieyi Bibila kivovanga mu kuma kia lumbu yambaninu?
Tanga 2 Timoteo 3:1-5, i bosi, vana e mvutu za yuvu eyi:
-
Adieyi Bibila kivovanga mu kuma kia fu ya wantu muna lumbu yambaninu?
-
Muna fu iyikilu mu sono kiaki, nkia fu omonanga kwa wantu?
AVO MUNTU UVOVESE VO: “Bibila nkanda wa savu kwandi.”
-
Kuna kwa ngeye, nkia mambu mesonganga vo tulenda bunda e vuvu muna Bibila?
MAMBU MASINA MA LONGI DIADI
Tusansu, ngangu za nza yo ungunza, mawonso mesonganga vo olenda bunda e vuvu muna Bibila.
Nkia Mambu Olongokele?
-
E Bibila, nkand’a tusansu twakieleka yovo nkand’a savu kwandi?
-
Nkia maka mambu ma ngangu za nza mena ngwizani ye Bibila?
-
Nga okwikilanga vo e Bibila kisakulanga mambu mevangama kuna sentu? Ekuma?
TALA MPE OMA MALENDE
Nga mana Bibila kivovanga mu kuma kia ngangu za nza maludi?
“Nga e Bibila Ngwizani Kina ye Ngangu za Nza?” (Longi dina muna jw.org)
Nkia mambu mesonganga vo mu “lumbu yambaninu” tuzingilanga?
“Ungunza 6 wa Nkand’a Nzambi ulungananga o Unu” (Eyingidilu dia Yuli-Setemba, 2011)
Zaya una ungunza wa Bibila mu kuma kia luyalu lwa ngolo lwa Ngerekia walunganena
Tala una ungunza una muna Bibila wasobela e ngindu za muntu mosi mu kuma kia Bibila.
Nanga Oyangalela Mpe Malongi Mama
YUVU ITOMA YUVULWANGA
Ameyi Mevangamanga Muna Longi dia Bibila ye Mbangi za Yave?
Muna programa yayi ya ngovo ya longokela isadilwanga kwa Mbangi za Yave, olenda sadila kwaku konso nsekola ya Bibila. Olenda kwaku bokelesa esi nzo aku yawonso yovo akundi aku ana ozolele.
