3. KAPITEL
Kaust du die opp de Schreft veloten?
De Schreft vesprakjt ons väl un dee jeft ons uk een deel Rot. Veleicht best du nieschierich, waut de Schreft lieet, oba hast doch eenjemol Twiewel. Kaun eena sikj opp soon oolet Buak veloten? Kaun eena daut werkjlich jleewen, wan de Schreft sajcht, daut wie nu aul kjennen een scheenet Läwen haben un uk lota? Millionende Menschen jleewen daut. Waut kaun die halpen, daut uk to jleewen?
1. Sent en de Schreft woare Jeschichten ooda bloos utjedochte?
De Schreft sajcht, waut doa oppjeschräwen wort, “wia soo aus daut es” (Liera 12:10). Daut schrift doa von Sachen, waut werkjlich passieeden un Menschen, waut et opp iernst jeef (läs Lukas 1:3; 3:1-2). Väl Forscha haben äwa wichtje Dotems un Menschen un Städen enne Schreft rutjefungen, daut dee krakjt stemmen.
2. Wuarom kjenn wie ons opp de Schreft veloten, wan daut uk een oolet Buak es?
De Schreft rät von Sachen, waut don noch onbekaunt wieren, aus dee jeschräwen wort, biejlikj woo aules met dän Ieedbaul erschaufen es. De Menschen to jane Tiet hauden noch veschiedne Meenungen doaräwa. Oba de Forscha sent enjeworden, daut de Schreft krakjt rajcht haft. Waut de Schreft sajcht, woat “emma un eewich fauststonen” (Psalm 111:8).
3. Wuarom kjenn wie ons opp daut veloten, waut de Schreft verutsajcht?
En de Schreft sent Profezeiungen, a waut verutsajen, “waut komen woat” (Jesaja 46:10). Doa worden Sachen krakjt verutjesajcht, lang ea dee passieeden. Un doa wort uk krakjt jesajcht, woo daut bie dise Tiet enne Welt wudd dreien. En dit Kapitel woa wie eenje von dise Profezeiungen derchnämen. Daut es to bewundren, woo krakjt dee stemmen!
DOLLA UNJASTONEN
See mol, woo daut met de Schreft stemt, waut de Forscha vondoag dän Dach sajen, un unjasto die mol een poa besondre Profezeiungen ut de Schreft.
4. Waut de Forscha rutjefungen haben, stemt met de Schreft toop
Ieeschtemma jleewden de mieeschte Menschen, daut de Ieed opp waut stunt. Kjikjt daut VIDEO.
Kjikj mol, waut en daut Buak Hiob aul rom 3500 Joa trigj oppjeschräwen wia. Läst Hiob 26:7 un dan got toop dise Froag derch:
-
Wuarom es daut oppfaulent, waut de Varsch sajcht, daut de Ieed kjeenen Foot haft?
De Sonn vedonst daut Wota vom Mäa. De Donst jeit no Hecht un kjemt aus Räajen rauf, trakjt enne Ieed nenn un jeit wada nom Mäa. Daut dit soo schauft, worden de Forscha mau en de 1800ja Joaren en. Oba de Schreft säd daut aul dusende Joaren ea. Läst Hiob 36:27-28 un dan got toop dise Froagen derch:
-
Waut denkjst du doaräwa, woo eefach daut enne Schreft met daut Wota utjelajcht es?
-
Halpen dise Bibelvarzhen die, noch dolla opp de Schreft to vetruen?
5. De Schreft säd wichtje Sachen verut
Läst Jesaja 44:27 bat 45:2 un dan got toop dise Froag derch:
-
Waut fa Stekjen säd de Schreft aul 200 Joa ea, aus de Staut Babel enjenomen wort?
Daut haft sikj utjewäsen, daut et aula soo romkjeem: De Kjennich Kierus von Persien un siene Soldoten neemen de Staut Babel en aune 539 v. Chr. b Dee leiden daut Wota von dän Riefa auf, waut de Staut beschizt. Un wäajen de groote Stautsdäaren wieren opjebläwen, kunnen de Soldoten doa nengonen un de Staut ennämen, onen Kjrich to moaken. Un nu, no 2500 Joa lota, licht doa aules gaunz vekjeiwelt, wua ea de Staut Babel wia. Kjikj, waut de Schreft doaräwa sajcht.
Läst Jesaja 13:19-20 un dan got toop dise Froag derch:
-
Woo haft dise Profezeiunk sikj erfelt?
De vekjeiwelde Staut Babel, waut nu en Irak es
6. De Schreft säd Sachen verut, waut wie nu seenen
Onse Tiet woat en de Schreft “de latste Doag” jenant (2. Timotäus 3:1). Kjikj, waut de Schreft von dise Tiet verutsäd.
Läst Matäus 24:6-7 un dan got toop dise Froag derch:
-
Waut säd de Schreft, waut enne latste Tiet aules passieren wudd?
Läst 2. Timotäus 3:1-5 un dan got toop dise Froagen derch:
-
Waut säd de Schreft, woo wudden de Menschen sikj auljemeen en de latste Tiet oppstalen?
-
Woont von dit hast du bie de Menschen jeseenen?
WAUT EENJE SAJEN: “De Schreft es bloos een Buak met oppjemoakte Jeschichten.”
-
Waut wurscht du sajen, waut es fa die de kloaschta Bewies, daut opp de Schreft to veloten es?
KAPITEL TOOPJEFOT
De Menschheits-Jeschicht un waut de Forscha rutfungen un de Profezeiungen wiesen, daut eena sikj opp de Schreft veloten kaun.
Waut hast du jelieet?
-
Es de Schreft een Buak met woare Jeschichten ooda bloos oppjemoakte?
-
En waut fa Stekjen stemt daut, waut de Forscha rutjefungen haben, met de Schreft?
-
Jleefst du, daut de Schreft daut verutsajcht, waut noch komen woat? Wuarom wurscht du daut sajen?
MEA NOSIEEKJEN
Sajcht de Schreft waut aundret, aus waut de Forscha rutjefungen haben?
“Stemt daut, waut de Forscha rutjefungen haben, met de Schreft?” (Artikjel opp jw.org)
Woo es daut nu en “de latste Doag”?
“Sas biblische Profezeiungen, waut sikj nu erfellen” (De Woaktorm, 1. Mei 2011)
Lia, woo de Profezeiungen ut de Schreft von daut griechische Rikj sikj erfelden.
Finj mol ut, woo de Profezeiungen ut de Schreft daut endaden, woo een Maun äwa de Schreft docht.
Veleicht jleichst du uk dit
WAUT FOAKEN JEFROACHT WOAT
Woo es een Bibelstudium met Jehova siene Zeijen?
Wan Jehova siene Zeijen emsonst met die de Bibel studieren, dan kaust du soone Bibel brucken, aus du west. Doa kaun diene gaunze Famielje met bie sennen un uk Frind, wan du dee enloden west.
