Dilongi 03
Bue tulenda tudila Bibila ntima?
Mu Bibila muidi na malongi mawombo ayi zitsila ziwombo. Thangu zinkaka weta tomba zaba mambu momo Bibila kieta longa, buba weta kiyuvusa biuvu biabi: “Lenda kikinina malongi ayi zitsila zi Bibila kadiambu ko yidi buku yithama?” “Mambu momo madi mu Bibila malenda tusadisa lumbu kiaki?” Voti “Lenda kikinina mambu momo kinsamuna mu diambulu bilumbu binkuiza?” Batu bawombo beta mona ti tulenda tudila Bibila ntima. A ngeyo? Tukulomba wubakula mvutu waku veka.
1. Masolo madi mu Bibila makala makiedika?
Bibila kitubidi ti ‘masolo mandi madi makiedika.’ (Mpovi 12:10) Kieta tubila masolo momo masalama ayi batu bobo bazingila mu thangu beni. (Tanga Luka 1:3; 3:1, 2.) Batu bobo beta bula masolo mathama ayi bobo beta tomba bima bithama batubidi ti: zidati, batu, bibuangu ayi mambu momo Bibila kieta tubila madi makiedika.
2. Bila mbi katulendi tubila ko ti Bibila kivioka?
Mambu mawombo mo Bibila kitubila, batu basi teka mazaba ko. Mu kifuani, Bibila kieta tuba kiedika mu mambu matadidi siansi. Bibila bo kisonama kitubila mambu mawombo momo batu basiansi basi tuama teka zaba ko. Vayi kumanima basi siansi bayiza kikinina mambu beni momo Bibila kitubila. Bibila ‘kieta tuba kiedika thangu ka thangu ayi mvu ka mvu.’—Minkunga 111:8.
3. Bila mbi tulenda tudila ntima mu mambu momo Bibila kieta samuna?
Bibila kidi ayi zimbikudulu * zio zieta samuna “mambu momo kamasalimini ko.” (Yesaya 46:10) Bukiedika, kisamuna mambu mawombo mu thama tuamina masalama. Kitubila diaka mambu mawombo momo malembu monika mu bilumbu bietu biabi. Mu dilongi diadi tueka ntadila mua ndambu zimbikudulu beni zi Bibila. Lungana kuzimbikudulu beni makuyitukisa!
TUVISA MBOTI MBOTI
Tutadila ndambu mambu ma siansi mo Bibila kieta tubila ayi tutadila ndambu zimbikudulu zi Bibila zio zieta tuyitukisa.
4. Mambu ma siansi nguizani madi ayi Bibila
Mu thangu thama, batu bawombo beba banzilanga ti ntoto wuba wutetama va mbata kima kimosi. Tala VIDEO.
Tutala mambu momo nkanda Yobi wutubila vame vioka 3500 yi mimvu. Tanga Yobi 26:7 ayi vana mvutu mu kiuvu kiaki:
-
Bila mbi didi diambu di kutuyitukisa bo Bibila kitubidi ti ‘ntoto wisi ko wutetama va mbata kima’?
Mu mimvu 1800 kuandi batu basiansi bayiza zaba bumboti mboti kokueta ba nlangu wumvula. Vayi Bibila wumatubila tona thama. Tanga Yobi 36:27, 28 ayi vana mimvutu mu biuvu biabi:
-
Bila mbi tsudukusu yi kokueta ba nlangu wumvula yilembu tuyitukisa?
-
Ziverse ziozi tumetanga zikutuma wutudila Bibila ntima?
5. Bibila kibikula mambu mawombo mamfunu
Tanga Yesaya 44:27–45:2 ayi vana mvutu mu kiuvu kiaki:
-
Mu tadila mbuilu yi Babiloni, mambu mbi Bibila kibikula tuamina 200 yi mimvu?
Disolo dimonisini ti, ntinu Kolesi (Cyrus) yi Pelesi ayi nkangu’andi wumasodi babuisa Babiloni mu mimvu 539 tuamina thangu’eto. Bavangula nzadi yo yizungadala mbanza beni. Bakota mu mbanza beni mu mielo miomi babika kuawu mizibuka ayi banunga mvita mu kambu nuana. Tona Babiloni yi bua, vame vioka 2500 yi mimvu, ayi tii mu lumbu kiaki Babiloni yiyika dikanga. Tutala mambu momo Bibila kibikula.
Tanga Yesaya 13:19, 20 ayi vana mvutu mu kiuvu kiaki:
-
Bue mbikudulu beni yilunginina?
Dikanga di Babiloni ku Irak
6. Bibila kibikula mambu momo tulembu moni bilumbu biabi
Bibila kitubidi ti mu “bilumbu bitsuka tuidi.” (2 Timote 3:1) Tala mo kitubidi mu diambulu bilumbu bitsuka:
Tanga Matayi 24:6, 7 ayi vana mvutu mu kiuvu kiaki:
-
Mu tadila Bibila, mambu mbi mela salama mu thangu tsuka?
Tanga 2 Timote 3:1-5 ayi vana mimvutu mu biuvu biabi:
-
Mu tadila Bibila, mavanga mbi mela monika kuidi batu mu bilumbu bitsuka?
-
Mavanga mbi mo Bibila kitubidi malembu monika ko tukedi?
BATU BANKAKA BETA TUBA TI: “Bibila kidi kaka buku yi masapu ayi yi masolo ma phamba.”
-
A ngeyo bue muenini, diambu mbi difueti kukuikimisa ti lenda tudila Bibila ntima?
MU BUKHUFI
Masolo mathama, siansi ayi zimbikudulu, bilembu monisa ti tulenda tudila Bibila ntima.
Phutukulu
-
Masolo madi mu Bibila madi makiedika voti maluvunu?
-
Mambu mbi mamonisa ti Bibila nguizani kidi ayi siansi?
-
A nge bue wummuena, Bibila kilenda bikula mambu momo mankuiza? Bila mbi?
TALA MAMBU MANKAKA
Mu tadila mambu ma siansi, Bibila zinzimbala kidi?
Mambu mbi Bibila kitubidi mu diambulu bilumbu bitsuka?
“Bisakweli 6 ya Biblia oyo ozali komona kokokisama na yango” (Linɔngi ya Mosɛnzɛli ya 01/05/2011)
Bue zimbikudulu zi Bibila zitadidi ampire yi Ngeleki zilunginina?
Zimbikudulu zi Bibila zibalula mbuenu yi mutu mosi mu diambudi Bibila.
“Nazalaki kondima te ete Nzambe azali” (Linɔngi ya Mosɛnzɛli No. 5 2017)
^ Zimbikudulu zidi mambu momo Nzambi kasamuna melasalama mu bilumbu binkuiza.
