LESIONY 03
¿Labúu gaplo confianz ni ná la Biblia la?
Ló la Biblia sieed guirá ni gony Dios né láaca napni consej. Sigory raniiny looy ganlo guirá ni náni. Per sigory diti tampa raluladxlo ni náni. ¿Labúu gapno confianz ni ná la Biblia ná ma xidzú íz de goló cuáni la? ¿Láani ngú guiluladxno que labúu guibanyno sacró ló naareʼ né ló dzú ni sietra la? Xidalguixo buñ raluladx que scú. Rony animardo looy ganlo xigony ronyibu pensary scú par stiplooyca ganlo pal nigolúpani.
1. ¿Nigolú góc ni rasetlaa la Biblia la?
La Biblia ná que «nigolú ni rasetlani», diti rachéni (Eclesiastés 12:10). Rasetlani de historias ni góc né rasetlani de buñ ni bibany dzúcu (bíil Lucas 1:3 né 3:1, 2). Xidal buñ ni bicaʼ historias né láaca arqueólogos raniʼyibu fechas, buñ, lagary né ni góc modpa rasetlaa la Biblia láani.
2. ¿Xigony napno confianz ni ná la Biblia ná ma xidzú íz de goló cuáni?
Dzú cuá la Biblia, guirá ór bisetlani cós ni diti ma bimbu buñ dzúcu. Por ejemplo, bisetlani tipnés cós ni ma ndeʼga gon ciencia. Dzú cuá la Biblia xidal buñ diti biluladx ni náni. Ló naareʼ ciencia radzakni né ni ná la Biblia. Guirá ni náni «diti rachéni noʼni por tipzó» (Salmo 111:8).
3. ¿Xigony labúu gapno confianz que sac cumplir ni ná la Biblia?
Ló la Biblia sieed xidal profecías a «ni yása gac» cumplir (Isaías 46:10). Bisetlani xidal cós ni birebuʼtzay antes de ñacni. Láaca bisetlani guirá ni cabiʼno ló naareʼ. Ló lesiony reʼ sasuidyno tipnés profecías ni sieed ló la Biblia, né sienno que nigolú ni náni.
NANOY GUISUIDYNO LÁANI
Guisuidyno ximod ni ná ciencia radzakni né ni ná la Biblia, né guisuidyno tipnés profecías ni rasac.
4. Ciencia noʼni de acuerdo né ni ná la Biblia
Desde ló dzú ni see, casi guirá buñ buny crer que noʼ ni noʼoy Gudxlio. Colguibiʼ VIDEO reʼ.
Bibiʼ ni ná libro xtuny Job ni cuá de goló 3.500 íz antes. Colgoʼol Job 26:7 né colgooy xtiitzni:
-
¿Xigony radziguiaʼno ni ná la Biblia órni náni que Gudxlio «noʼni labu»?
De goló 200 íz buñ bieen mod rony nís dxiin. Per bibiʼ ni goniʼ la Biblia ma xidzú íz. Colgoʼol Job 36:27, 28 né colgooy xtiitzni:
-
¿Xí láani más rioladxlo mod rony nís dxiin?
-
¿Racné textos reʼ looy par gaplo confianz ló la Biblia la?
5. La Biblia goniʼ guirá ni gac
Colgoʼol Isaías 44:27-45:2 né colgooy xtiitzni:
-
Chopgayoʼ íz antes, ¿ximod goniʼ la Biblia nanitló Babilonia?
Historia rasetlaa que toib rey ni góc laa Ciro de gudx Persia, láabu né soldad xtunybu binitlóyibu gudx Babilonia ló íz 539 antes de xtzúno. Bixalyibu toib biás par bixelyibu nís stoib lad, xpuert gudxcu diti biegni por ngú labúu goyoʼyibu sin nadíilyibu. Ma de goló 2.500 íz góc ngú, né dada ló naareʼ gudx Babilonia nacni yoʼ balaʼ. Bibiʼ ni goniʼ la Biblia.
Colgoʼol Isaías 13:19, 20 né colgooy xtiitzni:
-
¿Ximod góc cumplir profecía reʼ?
Yoʼ balaʼ xtuny gudx Babilonia ni noʼ Irak.
6. La Biblia bisetlaa guirá ni cayac ló naareʼ
La Biblia raniʼ que nabanyno «ló dzú ni ma cadubylagaʼ» (2 Timoteo 3:1). Bibiʼ xi ná la Biblia gac ló dzú ni ma cadubylagaʼ.
Colgoʼol Mateo 24:6, 7 né colgooy xtiitzni:
-
¿Xí guirá goniʼ la Biblia gac ló dzú ni ma cadubylagaʼ?
Colgoʼol 2 Timoteo 3:1-5 né colgooy xtiitzni:
-
Mod goniʼ la Biblia, ¿ximod sac buñ ló dzú ni ma cadubylagaʼ?
-
Mod rasetlaa texto reʼ, ¿scá nac buñ lagary ro rabéslo la?
TIPNÉS BUÑ NÁ: «La Biblia sitnéni por cuent né diitzdaʼ».
-
¿Xigony labúu gaplo confianz ni ná la Biblia?
¿XÍ BISUIDYLO?
Ciencia, historia né profecías raslooyni lóono que labúu gapno confianz ni ná la Biblia.
Repas
-
¿Nigolúpa góc cumplir ni ná la Biblia la?
-
¿Xí galrrasuidy ni ná ciencia radzak né ni ná la Biblia?
-
¿Nálo que la Biblia raniʼ ni gac ló dzú ni sietra la? ¿Xigony raniʼlo scú?
PAR GANLO MÁS
Mod ná científicos, ¿noʼ pu raché la Biblia la?
«¿Radzak ni ná la Biblia né ni ná ciencia la?» (Artículo ni sieed ló jw.org)
¿Xí láani raslooy que ma nabanyno «ló dzú ni ma cadubylagaʼ»?
«Xhop profecías ni sieed ló la Biblia ni cayac cumplir» (Guiich ni caniʼ, 1 de may íz 2011)
Bisuidy ximod birebuʼ profecías ro bitlaa de gudx Grecia.
Bisuidy ximod profecías gocnéni toib buñguieeu par naluladxbu ni ná la Biblia.
«Diti biluladxi que noʼ Dios» (Guiich ni caniʼ, núm. 5 íz 2017)
a Profecías ni sieed loni rasetlani ni gony Dios ló dzú ni sietra.
Sigory láaca sioladxlo ndeʼ
NI MÁS RANABDIITZ BUÑ
¿Ximod rasuidy testigos xtuny Jehová buñ?
Órni guisuidylo né testigos xtuny Jehová labúu guiquiinlo nitisi traducción xtuny la Biblia. Labúu guiruʼlo guirá xfamilo né ximiglo par gony compañer looy.
