Benɛ a bɔ adesahi ɔ, e kɛ we kulaa nɛ a bɔni mawu slɔɔtohi jami. Se Baiblo ɔ tsɔɔ kaa Mawu ko ngɛ nɛ e “kle pe mawu ɔmɛ tsuo.” (2 Kronika 2:5) Mɛnɔ ji jamɛ a Mawu ɔ? Nɛ mɛni ha nɛ e kle pe mawu kpa amɛ tsuo nɛ nihi jaa a? Ní kasemi nɛ ɔ maa ye bua mo nɛ o maa na kaa Mawu nɛ ɔ suɔ nɛ o le lɛ.

1. Kɛ a tsɛɛ Mawu kɛɛ, nɛ mɛni tsɔɔ kaa e suɔ nɛ waa le e biɛ?

Mawu tsɔɔ wɔ e biɛ ngɛ Baiblo ɔ mi. E de ke: ‘Ye biɛ ji Yehowa.’ (Kane Yesaya 42:5, 8.) “Yehowa” ji Hebri biɛ ko nɛ Baiblo he ní leli tsɔɔ kaa e sisi ji “O Deɔ O Peeɔ.” Yehowa suɔ kaa waa le e biɛ ɔ. (2 Mose 3:15) Kɛ wa plɛ kɛ le kɛɛ? E ha nɛ a ngma e biɛ ɔ maa pee si 7,000 sɔuu ngɛ Baiblo ɔ mi! a A tsɛɛ ‘anɔkuale Mawu ɔ, nɔ nɛ e bɔ hiɔwe kɛ zugba a’ ke Yehowa.​—5 Mose 4:39.

2. Mɛni Baiblo ɔ de ngɛ Yehowa he?

Baiblo ɔ tsɔɔ kaa ngɛ mawu slɔɔtohi nɛ nihi jaa a tsuo a kpɛti ɔ, Yehowa pɛ ji anɔkuale Mawu. Mɛni he je? Ngɛ yi mi tomihi fuu a he je. Yehowa ji nɔ nɛ e nɔ kuɔ pe kulaa, nɛ lɛ pɛ ji nɔ nɛ e “ngɛ he wami pe nɔ tsuaa nɔ ngɛ je ɔ mi tsuo.” (Kane La 83:18.) Lɛ ji “Ope,” nɛ tsɔɔ kaa e ngɛ he wami nɛ́ e kɛ maa pee nɔ́ fɛɛ nɔ́ nɛ e suɔ kaa e maa pee. Lɛ nɛ “e bɔ níhi tsuo.” Lɛ nɛ e bɔ je ɔ kɛ nɔ́ fɛɛ nɔ́ nɛ wami ngɛ mi ngɛ zugba a nɔ. (Kpo Jemi 4:8, 11) Níhi tsuo nɛ ngɛ je ɔ mi ɔ, Yehowa lɛ bɔ, se Yehowa lɛɛ pi nɔ ko nɛ bɔ lɛ. Yehowa ngɛ kɛ je neneene, nɛ e maa hi si kɛ maa ya neneene.​—La 90:2.

 4. Yehowa suɔ nɛ o le e biɛ, nɛ́ o kɛ tsɛ lɛ

5. Yehowa suɔ nɛ o pee e huɛ

 NYA MWƆMI

Anɔkuale Mawu ɔ biɛ ji Yehowa. E suɔ nɛ waa le e biɛ nɛ ɔ nɛ wa kɛ tsɛ lɛ konɛ waa pee e huɛmɛ.

Mi Nylɔmi

• Mɛni blɔ nɔ nɛ Yehowa ngɛ slɔɔto ngɛ mawu kpahi nɛ nihi jaa mɛ ɔ a he?

• Mɛni he je nɛ e sa nɛ waa ngɔ Mawu biɛ ɔ kɛ tsɛ lɛ?

• Mɛni tsɔɔ kaa Yehowa suɔ nɛ o kɛ lɛ nɛ pee huɛ?