ENUKPLAKPLA 04
Mi yí Mawu nyiɔ?
So keke gbeɖegbe ɖiiɔ, agbetɔwo sɛnnɔ voju koɖo mawu sugbɔwo. Vɔ Bibla yɛ nu mɔ, Mawu ɖeka li yí “gangan wu mawu kpɛtɛwo pleŋ.” (2 Kronika 2:5, NWT) Mawu ci yɔɔ? Yí nyi yí taɖo egangan wu mawu kpɛtɛ ciwo pleŋ amɛwo sɛnnɔɔ? Le enukplakpla cɛ mɛɔ, àkpɔ ŋciwo yí Mawu cɛ ji mɔ eɔ le jeshi ɖɛ so ye nu.
1. Lé woyɔnɔ Mawuɔ, yí nyi yí dasɛ mɔ Mawu ji mɔ mìwo le jeshi ŋkɔ lɔɔ?
Mawu nu mɛ ci yiŋtɔ nyi nɔ mì le Bibla mɛ. Énu mɔ: “Ŋ nyi Tɔhonɔ. Anyi ŋkɔ nyi Yawe.” (Hlɛn Ezai 42:5, 8.) Wemanyatɔ sugbɔ lɔn do ji mɔ, Ebregbe mɛ ŋkɔ “Yawe” ci wogbeyɔnɔ mɔ Yehowa gɔnmɛ yí nyi “Énanɔ evanɔmɛ.” Yehowa ji mɔ mìwo le jeshi ye ŋkɔ lɔ. (Hunhun 3:15) Lé mìawɛ akando ji mɔ eyi ejijiɛ nyaoɔ? Le Bibla mɛɔ, ŋkɔ lɔ ze donu 7 000 nu le ji! a “Mawu [adodwi] jeŋkwimɛtɔ koɖo nyigbanjitɔ” lɔ ŋkɔ yí nyi Yehowa.—2 Ese Wema 4:39.
2. Enyɔ ci Bibla nu so Yehowa nuɔ?
Bibla nu mɔ, Yehowa ɖekɛ kpaŋ yí nyi Mawu adodwi lɔ le mawu ciwo pleŋ agbetɔwo sɛnnɔ mɛ. Nyi yí taɖoɔ? Enu sugbɔ yí dɔ. Acɛkpakpa Yehowa tɔ ɖekɛ kpaŋ yí sɛnxu deli nɔ o; gbesɔ kpe niɔ, yi ɖekɛ kpaŋ yí nyi “Mawu Ejiɖaatɔ, [eyi] nyi Mawu nɔ xexe lɔ keŋkeŋ!” (Hlɛn Ehajiji Wema 83:18.) Bibla yɔɛ mɔ ‘Ŋsɛnwopleŋtɔ,’ ci gɔnmɛ yí nyi mɔ yi ɖekɛ kpaŋ yí ɖo hlɔnhlɔn yí awa ŋɖekpokpui ci eɖo mɔ yeawa. Eyi “wa enuwo pleŋ.” Éwa xexegbɛ gblagada lɔ koɖo enuleagbu ciwo pleŋ yí le nyigban ji. (Enyɔdasɛ 4:8, 11) Yehowa ɖekɛ kpaŋ yí nyi Mawu ci yí li so tɛgbɛɛ yí agbeli sɔyi mavɔmavɔ.—Ehajiji Wema 90:2.
JI DWI NI KPƆ DOJI
Mìakpɔ evototo ci yí le bubuŋkɔ ciwo yí le Mawu shi koɖo ŋkɔ kuɖeka kpaŋ ci eɖo mɛ. Le yi goduɔ, mìakpɔ lé Mawu wɛ do keke èvajeshi yi ŋkɔ lɔ koɖo enu ci yí dɔ ewɛ ahan.
3. Bubuŋkɔwo sugbɔ nɔ Mawu, vɔ ŋkɔ kuɖeka yí le shi
Nɔ àkpɔ evototo ci yí le bubuŋkɔ mɛɖe tɔ koɖo yiŋtɔ ŋkɔ zanzan mɛɔ, xo VIDEO lɔ, keŋ agbeje biɔse ci yí gbɔgbɔ mɛ.
-
Evototo ci yí le bubuŋkɔ “Axwetɔ” koɖo ŋkɔ ŋtɔŋtɔ ɖe mɛɔ?
Bibla nu mɔ amɛwo sɛnnɔ mawu sugbɔ koɖo axwetɔ sugbɔ. Hlɛn Ehajiji Wema 136:1-3, keŋ agbeje nyɔbiɔse cɛ mɛ:
-
Mi yí nyi “Mawu mawuwo tɔ” koɖo ‘Axwetɔ axwetɔwo tɔɔ’?
4. Yehowa ji mɔ eɔ le jeshi ye ŋkɔ lɔ keŋ azinni
Lé èwɛ yí nya mɔ Yehowa ji mɔ eɔ le jeshi ye ŋkɔɔ? Xo VIDEO lɔ, keŋ agbeje nyɔbiɔse cɛwo mɛ.
-
Èkpɔ mɔ Yehowa ji mɔ wo le jeshi ye ŋkɔa? Nyi yí taɖoɔ?
Yehowa ji mɔ amɛwo le zan ye ŋkɔ lɔ. Hlɛn Rɔmatɔwo 10:13, keŋ agbeje enyɔbiɔse ciwo yí gbɔgbɔ mɛ:
-
Nyi yí taɖo ele veviɖe mɔ woazannɔ Mawu ŋkɔ Yehowaɔ?
-
Lé ewanɔ nɔ eo nɔ mɛɖe ɖo ŋwi ao ŋkɔ yí yɔɛni nɔ eoɔ?
-
Lé èkpɔ mɔ yɛawa nɔ Yehowa nɔ èzannɔ yi ŋkɔ lɔɔ?
5. Yehowa ji mɔ eɔ le nyi xlɔ koɖo ye
Nyɔnu ɖeka ci yí tɔ mɔ Soten yí so Cambodge nu mɔ: Ci yevajeshi Mawu ŋkɔ lɔɔ, edɔ yí “yevaseseɛ vivi nɔ agbe lɔ sɔwu.” Xo VIDEO lɔ, keŋ agbeje enyɔbiɔse ci yí gbɔgbɔ mɛ.
-
Ci èkpɔ video lɔ ɖe, lé ewa nɔ Soten ci evajeshi Mawu ŋkɔ lɔɔ?
Gbɔxwe àvanyi xlɔ koɖo mɛɖeɔ, èjenɔshi yi ŋkɔ ɖɛ. Hlɛn Ʒaki 4:8a, keŋ agbeje biɔse cɛwo mɛ:
-
Nyi Yehowa ji mɔ eɔ le waɔ?
-
Nɔ èvajeshi Mawu ŋkɔ lɔ ɖɛ yí zinni ɖe, lé ecɛ adɔ agogui doɔ?
MƐÐEWO NUNƆ MƆ: “Mawu kuɖeka kpaŋ yí li, nɔ èyɔɛ do ɖe can, yɛdenyi nyɔ ɖe o.”
-
Èkando ji mɔ Mawu ŋkɔ yí nyi Yehowaa?
-
Nɔ èjikɔ adre mɛ nɔ mɛɖe mɔ Mawu ji mɔ mìwo le jeshi ye ŋkɔ lɔ ɖe, lé àdri doɔ?
ENU CI ÈKPLA
Mawu adodwi lɔ ɖekɛ yí tɔ mɔ Yehowa. Éji mɔ mìwo le jeshi ŋkɔ lɔ yí azinni, ecɛ adɔ mìagogui.
Enumɛtoto
-
Nyi yí dɔ Yehowa to akpo nɔ mawu kpɛtɛ ciwo pleŋ amɛwo sɛnnɔɔ?
-
Nyi yí taɖo mìɖo azannɔ Mawu ŋkɔ lɔɔ?
-
Nyi yí dɔ ènya mɔ Yehowa ji mɔ eɔ le gogo yeɔ?
KPƆ ŊCƐWO KPƆ
Kpɔ susu vevi amatɔn ciwo yí dɔ mìakando ji mɔ Mawu li ɖa.
Nyi yí taɖo esɔgbe mɔ, àxɔɛ se mɔ Mawu li so tɛgbɛɛ yí agbeni sɔyi tɛgbɛɛɔ?
Kpɔ enu ci yí taɖo mìɖo azannɔ Mawu ŋkɔ lɔ nɔ mìdenya lé woyɔɛni do teŋ le blema can.
Nɔ mìyɔ Mawu do ɖe ɖe, enyinaa? Kpɔ ŋci yí taɖo mìhɛn mìanu mɔ ŋkɔ ŋtɔŋtɔ kuɖeka yí le shi ɖa.
a Nɔ èji mɔ yeakpɔ enumɛɖeɖe buwo kudo gɔnmɛsese ci yí le Mawu ŋkɔ lɔ nu koɖo enu ci yí taɖo woɖe ŋkɔ lɔ swi le Bibla gɔnmɛɖeɖe ɖewo mɛɔ, kpɔ Megbenyawo A4 nɔ Ŋɔŋlɔ Kɔkɔeawo Xexe Yeye Gɔmeɖeɖe.
Ebuwo Ke
ENYƆ CIWO AMƐWO BIƆNƆ SE BLAŊBLAŊ
Nyi Bibla nukplakpla ci Yehowa Kunuɖetɔwo sɔ ɖokɔ ŋmɛ nɔ amowo nyiɔ?
To seŋkankan toto ehomana ci Yehowa Kunuɖetɔwo sɔ ɖokɔ ŋmɛ nɔ amowo jiɔ, àtɛnŋ azan Bibla gɔnmɛɖeɖe ɖekpokpui. Vo faa ayɔ ao xomu lɔ pleŋ alo ao xlɔwo nɔ woava bɔdo eo nu le nukplakpla lɔ mɛ.
