04 УРОК
Кудай ол кем?
Улус алдынаҥ ла бери башка-башка кудайларга бажырат. Је Агару Бичикте айдылганыла, ончо кудайлардаҥ бийик Кудай бар (2 Летопись 2:5). Ол кандый Кудай? Ол ӧскӧ кудайлардаҥ незиле башка болот? Бу уроктоҥ Кудай бойы керегинде нени айдып турганын билип алараар.
1. Кудайдыҥ ады кем? Улус оныҥ адын билзин деп, Кудай кӱӱнзейт пе?
Кудайдыҥ адын Агару Бичиктеҥ билип аларга јараар: «Мен Иегова. Бу мениҥ адым» — деп, Кудай биске бойыныҥ адын ачат. (Исайя 42:5, 8 кычырыгар.) Алтай тилге Кудайдыҥ ады Иегова деп айдылат. Кезик учёныйлардыҥ айтканыла болзо, Кудайдыҥ адыныҥ учуры јебрен еврей тилдеҥ «Ол болорго берет» деп кӧчӱрилет. Кудай улусты бу атты билзин деп кӱӱнзейт (Чыгыш 3:15). Бис мыны кайдаҥ билерис? Агару Бичикте Кудайдыҥ ады 7 000-наҥ кӧп катап туштайт! a Иегова деп атла јӱк ле чындык Кудай аданат. Теҥериде де, јерде де оноҥ бийик кем де јок (Јаҥды такыганы 4:39).
2. Агару Бичикте Иегова керегинде не айдылат?
Иегова Кудай улустыҥ бажырып турган кудайларынаҥ чек башка. А нези башка? Јӱк ле Иегова Кудайда эҥ бийик јаҥ, јердиҥ ӱстинде оноҥ бийик кем де јок. (Сарын 83:18 кычырыгар.) Анайда ок ол — Кӱчтӱдеҥ Кӱчтӱ Кудай. Ого бойыныҥ амадузын бӱдӱрерге кем де, не де буудактап болбос. Ол јердеги ле теҥеридеги ончо немени јайаган (Ачылта 4:8, 11). Иегова — сок јаҥыс чындык Кудай. Ол јаантайын болгон ло јаантайын болор (Сарын 90:2).
ТЕРЕҤЖИДЕ КӦРӰГЕР
Кудайдыҥ ады оныҥ титулдарынаҥ незиле башка, анайда ок Кудай биске бойыныҥ адын канайып ла нениҥ учун ачканын билип алыгар.
3. Кудайда кӧп титулдар бар, је ады јаҥыс
Кудайдыҥ ады титулдарынаҥ незиле башка деп билип аларга, ВИДЕОНЫ кӧрӱп ийеле, бу суракты шӱӱжип ийигер:
-
Кудайдыҥ титулдары, темдектезе «Кайракан» деп титулы, оныҥ адынаҥ незиле башка?
Агару Бичикте улус кӧп кудайларга бажырат деп айдылат. Сарын 136:1—3 кычырып, бу суракты шӱӱжип ийигер:
-
«Кудайлардыҥ Кудайы» ла «Кайракандардыҥ Кайраканы» ол кем?
4. Иегова улусты оныҥ адын билзин ле ого адыла баштанзын деп кӱӱнзейт
Иегова слерди оныҥ адын билзин деп кӱӱнзеп турганы недеҥ кӧрӱнет? ВИДЕОНЫ кӧрӱп ийеле, бу суракты шӱӱжип ийигер:
-
Слер канайып сананадаар, Кудай улусты оныҥ адын билзин деп кӱӱнзейт пе? Јартап беригер.
Иегова улусты ого адыла баштанзын деп кӱӱнзейт. Римдегилерге 10:13 (ЈТ) кычырып, бу сурактарды шӱӱжип ийигер:
-
Кудайга нениҥ учун адыла баштанар керек?
-
Кижи слердиҥ адаарды сананып алала, слерге адаарла баштанып турза, нени сезедеер?
-
Слер Иеговага адыла баштанып турзаар, ол нени сезет?
5. Иегова слерди ого јуук болзын деп кӱӱнзейт
Камбоджада јадып турган Сотен деп ӱй кижи Кудайдыҥ адын билип алала, сӱреен тыҥ сӱӱнген. Оныҥ айтканыла болзо, ол јӱрӱминде качан да анайып сӱӱнбеген. ВИДЕОНЫ кӧрӱп ийеле, бу суракты шӱӱжип ийигер:
-
Сотен Кудайдыҥ адын билип аларда, ондо кандый сезимдер болгон?
Слер кемле-кемле најылажарга турган болзоор, озо баштап оныҥ адын билип алараар дезеер. Иаков 4:8а кычырып, бу сурактарды шӱӱжип ийигер:
-
Иегова слерди неге кӱӱнзедет?
-
Слер Кудайдыҥ адын билип алараарда, ол слерге јуук болуп калды ба? Слер Кудайга адыла баштанып турзаар, ого оноҥ јуук болуп калараар ба?
КЕЗИК УЛУС АЙДАТ: «Кудай јаҥыс, оныҥ учун оны канайып та адаза, тӱҥей ле эмес пе?»
-
Кудайдыҥ ады Иегова деп, слер јӧпсинип јадаар ба?
-
Кудай оны адыла адазын деп кӱӱнзеп турганын бис кайдаҥ билерис?
ТӦС ШӰӰЛТЕЗИ
Сок јаҥыс чындык Кудайдыҥ ады — Иегова. Ол чын ла бар Кудай. Ол бисти оныҥ адын билип алзын ла оны адыла адап турзын деп кӱӱнзейт. Јӱк ле анайып бис Кудайга јуук болор аргалу.
Нени билип алдыгар?
-
Иегова улустыҥ бажырып турган кудайларынаҥ незиле башка?
-
Кудайды нениҥ учун адыла адаар керек?
-
Иегова бисти ого јуук болзын деп кӱӱнзеп турганы недеҥ кӧрӱнет?
ШИҤДЕЙТЕН МАТЕРИАЛ
Кудай бар деп, Агару Бичикте 5 кере бар.
Кудай јаантайын болгон деп бӱдерге кандый тӧзӧлгӧ бар?
«Кудайды кем јайаган?» («Каруулчы шибее», 2014 јыл, куран ай 1)
Озогы ӧйдӧ улус Кудайдыҥ адын канайып айтканы јарт эмес те болзо, Кудайды нениҥ учун адыла адаар керек?
Кудайды канайып та адаза, башказы бар ба? Кудайдыҥ ады јӱк ле Иегова деп недеҥ кӧрӱнет?
a Кудайдыҥ адыныҥ учуры керегинде, анайда ок бу ат Агару Бичиктиҥ кезик кӧчӱрмелеринеҥ нениҥ учун јоголтылып калганын кӧптӧдӧ билип аларга, «Јаҥы телекей» (орус тилге) деп кӧчӱрменеҥ Приложение А4-ти кӧрӱгер.
Анайда ок слерге јараар болор
ЈААНТАЙЫН БЕРИЛИП ТУРГАН СУРАКТАР
Иегованыҥ Керечилериниҥ Агару Бичикти ӱренетен курсы канайып ӧдӧт?
Иегованыҥ Керечилеринде Агару Бичик неге ӱредип турганын билип аларга болужатан тузалу курс бар. Ӱредӱниҥ ӧйинде слер бойоордыҥ Агару Бичигерле тузаланар аргалу, анайда ок ӱредӱлерге бойоордыҥ билегерди ле најылараарды айдып алар аргалу.
