INU NKWEEN̄ 04
Ekene Ore Awaji?
Karake ebilene ebenebe ikiluk, ema mikitọbọ ebum inyi owuwa mkpọ kubọk ire awaji kiban̄. Ire, Baibul ikpa mkpọ ofolek Awaji ge ogwu “omimin igak otutuuk awaji.” (Mfufuk Eyi Òso Iba 2:5) Ekene ore Awaji ya? Keke orọ iminbe igak otutuuk awaji kechilọ ebi ene ekitọbọ ebum inyi? Me emen inu nkween̄ yi, omokween̄ inu Awaji yi oweekbe ibe owu oriọọn̄ ofolek kan̄.
1. Keke ore erieen̄ Awaji, keke okijeen̄ ibe ke iweek ibe eji eriọọn̄ erieen̄ kan̄?
Me Baibul, Awaji irọ ibe eji eriọọn̄ ogwu ọmọ orebe. Itumu ibe: ‘Emi nre Jioba. Erieen̄ n̄a ire eya.’ (Fuk Asaya 42:5, 8.) Me Iburu, usem ekababe ikana ‘Jioba’ mokọt isibi ibe ke “Ọmọ Mokọt Irọ Mkpọ Geelek Iweekbe.” Jioba iweek ibe eji eriọọn̄ erieen̄ kan̄. (Isisibi 3:15) Ike owa ke eji esa iriọọn̄ eyi? Me emen Baibul, erieen̄ Awaji isibi inu oraraka obop mgbọ jaaba. a Jioba ore erieen̄ Awaji ogwu “emen inyọn̄ ere òbebene, mè ire si Awaji me linyọn̄ me agan̄ irak.”—Ikan Òso Mgbọ Iba 4:39.
2. Keke ke Baibul ojeen̄ eji ofolek Jioba?
Baibul ibe ke me lek otutuuk awaji ebi ene ekitọbọ ebum inyi, ke ire Jioba gaalek ore ata Awaji. Bak lek keke? Jioba okaan̄ unye ntọ-ikọ ichit, ọmọ gaalek ore “Awaji Ogwu Òbebene Ichit me otutuuk linyọn̄.” (Fuk Okwa Itọn̄ 83:18.) Ọmọ ore “ogwu Okaan̄ Unye Geelek,” eyi orere, ikaan̄ unye irọrọ inu geelek iweekbe irọrọ. Ọmọ “orom otutuuk inu”—akpabin inyọn̄ mè otutuuk inu geelek okiluk ugwem me inyọn̄ ijọn̄. (Ichichili 4:8, 11) Jioba gaalek ore ogwu ikakaan̄ge ibebene, ikpobokaan̄ si itata.—Okwa Itọn̄ 90:2.
KWEEN̄ GBAALEK
Kween̄ riọọn̄ esese okukup me lek achubọk erieen̄ Awaji me erieen̄ ngugo kan̄. Mè kween̄ si inu orọrọ Awaji ojeen̄be eji erieen̄ kan̄.
3. Awaji ikaan̄ ogbogbo erieen̄ ngugo, ire, ikaan̄ erieen̄ ge gaalek
Inyi omun̄ esese okup me lek erieen̄ ngugo mè achubọk erieen̄ ene, fit FIDIO yi, mè igbaan̄ ikpa idodo ogọgọọk.
-
Keke ore esese okup me lek achubọk erieen̄ mè erieen̄ ngugo kubọk “Okaan̄-ene”?
Baibul ijeen̄ ibe ke owuwa ene ekitọbọ ebum inyi esese awaji mè okaan̄-ene. Fuk Okwa Itọn̄ 136:1-3, mè igbaan̄ ikpa idodo yi:
-
Ire ekene ore “Awaji ogwu ògak otutuuk awaji geelek” mè “Okaan̄ ebikaan̄-ene geelek?”
4. Jioba iweek ibe oriọọn̄ mè okogwen erieen̄ kan̄
Keke okijeen̄ ibe ke Jioba iweek ibe oriọọn̄ erieen̄ kan̄? Fit FIDIO yi, mè igbaan̄ ikpa idodo yi ogọgọọk.
-
Keke orọ okeekbe ibe ke Jioba iweek ibe eji eriọọn̄ erieen̄ kan̄?
Jioba iweek ibe ebilene ekegwen erieen̄ kan̄. Fuk Ebi Rom 10:13, mè igbaan̄ ikpa idodo chi:
-
Keke orọ ikupbe ufiak ibe eji ekegwen erieen̄ Jioba?
-
Ike owa ke ikikup owu me lek ene isikeek mè igwen erieen̄ kwun̄?
-
Okeek ibe ibokukup Jioba me lek osikigwen erieen̄ kan̄?
5. Jioba iweek ibe owu otaba lek oriaak me lek kan̄
Soten, ogwu enenwaan̄ ge onan̄a me Cambodia ibe ke irọriọọn̄ erieen̄ Awaji itap ubọk irọ inyi ọmọ ikaan̄ ata unwọọn̄ me ugwem. Fit FIDIO yi, mè igbaan̄ ikpa idodo yi ogọgọọk.
-
Me emen fidio yi, kpasi mgbaan̄ ke irọriọọn̄ erieen̄ Awaji okaan̄ me lek Soten?
Sabum onore ogwu unene ene, omodasi iriọọn̄ erieen̄ ene ya. Fuk Jemis 4:8a, mè igbaan̄ ikpa idodo chi:
-
Keke ke Jioba okigwen owu ibe orọ?
-
Ike owa ke irọriọọn̄ mè ikekigwen erieen̄ Awaji obosa itap ubọk inyi owu otaba lek oriaak me lek kan̄?
USINI ENE EKIBE: “Awaji ge gaalek okup, eya orọ, erieen̄ geelek egwenbe ọmọ ikakup ufiak.”
-
Ire ochieek ibe ke Jioba ore erieen̄ Awaji ni?
-
Ike owa ke obosa ikpa inyi ene ibe ke Awaji iweek ibe eji ekegwen erieen̄ kan̄?
ME MGBIDIM
Erieen̄ ata Awaji ire Jioba. Iweek ibe eji eriọọn̄ mè ekegwen erieen̄ ya inyi eji etaba lek eriaak me lek kan̄.
Idodo
-
Keke orọ Jioba okupbe esese me lek otutuuk awaji ebilene ekitọbọ ebum inyi?
-
Keke orọ eji ebekigwen erieen̄ Awaji?
-
Keke okijeen̄ ibe ke Jioba iweek ibe otaba lek oriaak me lek kan̄?
WEEK
Kpọ nu inu go orọrọ inyi eji echieek ibe ke Awaji omaan̄.
Kween̄ inu orọrọ eji echieekbe ibe ke Awaji ikakaan̄ ibebene mè itata.
Kween̄ mkpọ orọrọ eji ebekisa erieen̄ Awaji irọ mkpọ ikerere ibe ke eji kperiọọn̄ ubọk echubọk ikigwen erieen̄ ya me ukot ikaan̄.
Ire eji mekọt igwen Awaji erieen̄ geelek ni? Kpọ nu mkpọ orọrọ eji ebekọt itumu ibe ke Awaji ikaan̄ erieen̄ ge gaalek.
a Inyi oriọọn̄ inu erieen̄ Awaji osibibe ogbaan̄ lek mè inu orọrọ usini ebi ikikaba Baibul esan̄abe erieen̄ ya isan̄a, kpọ Appendix A4 me New World Translation of the Holy Scriptures.
