4 YATICHÄWI
¿Khitis Diosajja?
Jaqenakajj aka oraqen utj-jjäna uka urunakatpachwa kunayman diosanakar adorawayapjje. Ukampis Bibliajja “taqe yaqha diosanakat sipansa wali jachʼa” Diosatwa parli (2 Crónicas 2:5). ¿Khitis uka Diosajja? Jaqenakajj yupaychapki taqe uka diosanakat sipansa, ¿kunatsa jupajj wali jachʼajja? Diosajj kunsa jupat yatiñam muni ukwa aka yatichäwin yateqäta.
1. ¿Kunas Diosan sutipajja? ¿Kunjamatsa Diosajj sutip yatiñas munatap yattanjja?
Biblia toqejj akham sasaw Diosajj sutip yatiyistu: “Nayaw Jehová Diosätjja, ukaw nayan sutijajja” sasa (Isaías 42:5, 8 liytʼäta). Jehová sutejja hebreo arut mä sutit traducitawa, uka sutejj “jupaw taqe kunsa utjayi” sañwa muni sasaw walja yatjjatatanakajj sapjje. Jehová Diosajj sutip uñtʼañaswa muni (Éxodo 3:15). ¿Kunjamatsa uk yattanjja? Kuna laykutejj 7.000 jila kutiw jupajj sutip Biblian qellqayäna. a Cheqas alajjpachansa oraqensa mä ‘cheqpach Diosakiw’ utji, jupajj Jehová satawa (Deuteronomio 4:39).
2. ¿Kunanaksa Bibliajj Jehová Diosat yatiyistu?
Jaqenakajj adorapki taqe uka diosanakatjja, Jehová Diosakiw cheqpach Diosajja sasaw Bibliajj qhanañchi. Ukham sañatakejj walja razonanakaw utji. Jehová Diosaw jilïr jachʼa autoridädajja, jupajj ‘taqe oraqpach apnaqer Jachʼa Diosawa’ (Salmo 83:18 liytʼäta). Jupaw “Taqe Chʼamani” Diosajja, mä arunjja jupajj kuntï munki taqe ukanak lurañatakejj chʼamaniwa. Juparakiw “taqe kunsa” lurawayi, alajjpachasa, oraqesa, aka oraqen taqe jakirinakas jupan luratawa (Apocalipsis 4:8, 11). Ukhamarus Jehová Diosajj wiñayatpach wiñayatak Diosawa (Salmo 90:2).
JUKʼAMP YATJJATAÑÄNI
Diosan Jehová sutipampi sutip lanti apnaqaski uka sutinakampejj (titulonakampejj) kunansa mayj mayjäpjje ukwa jichhajj yatjjatañäni. Diosajj kunjamsa sutip uñtʼayistu, kunatsa sutip yatiñas muni uksa yatjjatarakiñäniwa.
3. Diosarojj kunaymanitsa uñtʼaskchejja mä sapa sutinikiwa
Mä jaqen pachpa sutipampi jupar uñtʼapki uka sutinakampejj kunansa jan pachpäki uk yatiñatakejja VIDEO uñtapjjäta, ukatjja aka toqetwa parltʼapjjäta:
-
¿Diosar Tatitu sañampi cheqpach sutipat sañampejj kunansa jan pachpäki?
Jaqenakajj walja diosanakampiru walja tatitunakampiruw adorapjje sasaw Bibliajj qhanañchi. Salmo 136:1-3 liytʼasajja aka toqetwa parltʼapjjäta:
-
¿“Taqe diosanakat sipansa jukʼamp jachʼäki”, “tatitunakans Tatitupäki” ukajj khitisa?
4. Jehová Diosajj sutip yatiñama sutip aytasiñamwa muni
¿Kunjamatsa Jehová Diosajj sutip yatiñas munatap yattanjja? VIDEO uñtasajja aka toqetwa parltʼapjjäta:
-
¿Kunatsa Jehová Diosajj sutip taqenin yatipjjañap munpacha?
Jehová Diosajja jaqenakajj sutip aytapjjañapwa muni. Romanos 10:13 liytʼasajja aka toqetwa parltʼapjjäta:
-
¿Kunatsa Diosan Jehová sutip aytañajj wali wakiskirejja?
-
¿Sutimat sapktam ukhajj kunjamas jumajj jikjjatasta?
-
Jumajj Diosan Jehová sutip aytasta ukhajja, ¿kunjamakis jupajj jikjjataspacha?
5. Jehová Diosajj jupan amigopäsma ukwa muni
Camboya markan nasiri Soten sat warmejja, ‘Diosan sutipa yateqañajj wali kusiskañapuniwa’ sasaw säna. VIDEO uñtasajja aka toqetwa parltʼapjjäta:
-
Uka videorjamajja, ¿kunjamsa Diosan sutip yatiñajj Soten warmir yanaptʼäna?
Maynin amigopäñatakejja nayraqatajj sutip yatiñaw wakisi. Santiago 4:8a liytʼasajja aka toqetwa parltʼapjjäta:
-
¿Kun lurañamsa Jehová Diosajj muni?
-
¿Diosan sutip yatiñasa sutip aytasiñas jupar jakʼachasiñatak yanaptʼiristamti? ¿Kunatsa ukham amuyta?
YAQHEPANAKAJJ AKHAM SAPJJEWA: “Mä sapa Diosakiw utji, juparojj kawkïr sutit aytasisas jakʼachasiksnawa” sasa.
-
¿Jehová sutejj Diosan sutipawa sasin jumajj creytati?
-
Diosajj jupan sutip aytasiñas munatapjja, ¿kunjamsa mayninakar qhanañchtʼasma?
¿KUNSA YATEQAWAYTAN?
Diosajj Jehová satawa, jupa sapakiw cheqpach Diosajja. Jupajj sutip yatiñasa sutip aytasiñaswa muni, ukhamat jupan amigopäñasataki.
Amtañataki
-
Jaqenakajj adorapki uka diosanakat sipansa, ¿kunansa Jehová Diosajj mayjajja?
-
¿Kunatsa Diosan sutip aytañajj wali wakiskirejja?
-
¿Jehová Diosajj jupan amigopäñam muniti? ¿Kunjamatsa uk yattajja?
JUKʼAMP YATJJATAÑAMATAKI
Kunanakas Diosajj cheqapun utjaskatap uñachtʼayi uk phesqa toqet yatjjatam.
Diosajj wiñayatpach wiñayatakiw utji sasajj kunatsa sistan uka toqet yatjjatam.
Diosan sutipajj kunjamapunis qalltan arsusïna uk janis yatkstanjja, kunatsa Diosan sutip aytasiñasajj wakisi uk yatjjatam.
¿Diosarojj kuna sutimpis uñtʼtan ukajj wali wakiskiriti? Kunatsa Diosajj mä sapa sutinikiwa sasin sistan uk yatjjatam.
a Diosan sutipajj kamsañsa muni uk yatiñatakisa, yaqhep Biblianakat kunatsa Diosan sutipajj apsusiwayi uk yatiñatakisa, Biblia Aymara. Machaq Mundon Jakirinakataki sat Biblianwa apéndice A4 thaqtäta.
Akanakajj inas gustarakiristam
KUNANAKSA JUKʼAMP JISKTʼASIPJJE
¿Kunjamsa Jehová Diosan Testigonakapajj Bibliat yatichapjje?
Jehová Diosan Testigonakapajj gratisakiw Bibliat yatichapjje, kawknïr Bibliampis yateqañ munta ukajj jumatäjjewa. Jumamp chika yateqapjjañapatakejja, taqpach familiamaruw invittʼasma, amistadanakamarus invittʼarakismawa.
