PES 04
Njee a yé Djob
Ibôdôl nu bôt ba binam ba niñ hana ’isi ba mbégés ngandak banyambe. Ndi Bibel i mpôdôl ngim Nyambe nu a “nloo banyambe bobasôna.” (2 Miñañ 2:5) Njee nu? Inyuki a yé Nunkeñi iloo bana banyambe bôt bape ba mbégés? Munu pes ini, di ga tehe le i Nyambe nu, a nsômbôl le u yi njee a yé.
1. Jôl li Djob le njee, kii i nyis bés le a nsômbôl le di gwélél jo?
Nyambe a ngwélél Bibel inyu yis bés njee a yé. A bi kal le: “Men me yé Yéhôva, jôl jem li.” (Añ Yésaya 42:5, 8.) Ni hop Lôk Héber, i jôl lini le “Yéhôva” li nkobla le “A nyilha.” Yéhôva a nsômbôl le di yi jôl jé. (Manyodi 3:15) Kii i nkwés bés nkaa hala? Di nIéba i jôl li ikété Bibel iloo 7 000 di ngélé! a I jôl lini le Yéhôva li yé ndik inyu ‘bañga Nyambe nu a bi hek ngii ni hisi.’—Ndiimba Mbén 4:39.
2. Kii Bibel i niiga bés inyu Yéhôva?
Bibel i nkal bés le ikété mop momasôna bôt ba binam ba mbégés, Yéhôva nyetama nyen a yé bañga Djob. Inyuki? Manjom ma yé ngandak. Yéhôva a yé ñane nkeñi, nyetama ki nyen a yé “Nungingii i ngii hisi hiosôna.” (Añ Tjémbi 83:18.) A yé “Nungui yosôna” hala wee, a gwé ngui i boñ kii yosôna a gwé ngôñ. A bi “hek mam momasôna” i ngii ni ’isi. (Masoola 4:8, 11) Maselna ni bés, Djob a gwé bé bibôdle to lisuk. A niñ i boga ni boga.—Tjémbi 90:2.
KÔNDE TÉM
Di wan maselna ma yé ipôla jôl li Djob le Yéhôva ni bitel gwé. I mbus di tehe inyuki a bi yis bés jôl jé.
3. Djob a gwé ngandak bitel, ndi a gwé ndigi jôl jada
Inyu tehe maselna ma yé ipôla jôl li Djob ni bitel gwé, tuk VIDÉÔ, i mbus ni kwélél mbadga ini.
-
Mambe maselna ma yé ipôla i tel ini le “Nwet” ni jôl le Yéhôva?
Bibel i nkal le bôt ba mbégés ngandak mop. Añ Tjémbi 136:1-3, i mbus ni kwélél mbadga ini:
-
Njee a yé “Nyambe nu banyambe” ni “Nwet nu bet”?
4. Yéhôva a ngwés le u yi, u gwélél ki jôl jé
Kii i nyis we le Yéhôva a gwé ngôñ le u gwélél jôl jé? Tuk VIDÉÔ, i mbus ni kwélél mambadga mana.
-
Baa u nhoñol le Yéhôva a gwé ngôñ le bôt ba yi jôl jé? Inyuki?
Yéhôva a ngwés le bôt ba gwélél jôl jé. Añ Rôma 10:13, i mbus ni kwélél mambadga mana:
-
Inyuki i yé nseñ i gwélél jôl li Yéhôva?
-
Kii u yé u nôgda ngéda mut a nsébél we ni jôl joñ?
-
U nhoñol le kii Yéhôva a nôgda ngéda ba nsébél nye ni jôl jé?
5. Yéhôva a ngwés le u ba liwanda jé
Muda loñ Kambôdia wada nu ba nsébél le Soten a nkal le: “I yi le Djob a gwé jôl i bi hôla me i ba maséé.” Tuk VIDÉÔ, i mbus ni kwélél mbadga ini.
-
Lelaa niñ i Soten i bi héñha ngéda a bi yi le Djob a gwé jôl?
Ilole u yila liwanda li mut, u mbôk ndugi u yi jôl jé. Añ Yakôbô 4:8a, i mbus ni kwélél mambadga mana:
-
Kii Yéhôva a mbat le u boñ?
-
Lelaa i yi jôl li Djob ni i gwélél jo i nla hôla we i kôôge bebee ni nye?
BÔT BAPE BA NKAL LE: “Djob li yé ndik jada, to u nsébél nye lelaa, a nok ndik we.”
-
Baa u yé nkwoog nkaa le jôl li Djob le Yéhôva?
-
Baa u nla toñle mut numpe inyuki Djob a gwé ngôñ le di gwélél jôl jé?
I SEM KWEP
Jôl li bañga Djob le Yéhôva. A ngwés le di yi, di gwélél ki jôl li inyu kôôge nye bebee.
Mambadga ma mbigda
-
Inyuki Yéhôva a yé mahéñha ni mana mop mape bôt ba mbégés?
-
Inyuki di nlama gwélél jôl li Djob?
-
Inyuki Yéhôva a ngwés le u kôôge nye bebee?
KÔNDE YÉÑ
Di wan manjom matan ma ma ñéba bés le Djob a yé toi.
Inyuki di nla hémle le Djob a gwé bé bibôdle to lisuk?
Béñge inyuki di nlama gwélél jôl li Djob to ibale di nyi bé lelaa ba bé sébél nye ngéda kôba.
Baa i jôl di ngwélél inyu sébél Djob li gwé mahee? Béñge inyuki di nkal le a gwé ndigi bañga jôl jada.
a Inyu kôhna biniigana bipe inyu ngobol i jôl li Djob, ni inyu yi inyuki ngobol i Bibel ipe i bi héya jôl li, béñge i Bibel. Ngobol mbok yondo.
Yak ini i nla lémél we
MAMBADGA BÔT BA MBÉNA BAT
Lelaa Mbôgi Yéhôva i ntégbaha bôt yigil i Bibel?
Mbôgi Yéhôva i nla hôla we i nigil Bibel ibabé i saa; yigil i ntagbe kiki nkwel ipôla bôt iba, u nla ki gwélél to imbe ngobol i Bibel. U kon bañ woñi i naña lihaa joñ jolisôna tole mawanda moñ.
