PELAJARAN 04
Ise do Debata na Sittong?
Dang sadia leleng dung adong jolma di tano on, disomba nasida do akka debata dohot akka dewa. Alai Bibel mandok, adong sada Debata na “ussangap sian akka debata na asing”. (2 Kronika 2:5) Ise do Ibana? Boasa ussangap Ibana sian akka debata na asing? Di pelajaran on, taida ma lomo do rohana patandahon dirina tu hamu.
1. Ise do goar ni Debata, jala aha do buktina na lomo rohana asa taboto goarna i?
Dipaboa Debata do di Bibel ise goarna. Didok Ibana, “Au do Jahowa. I do goarhu.” (Jaha Jesaya 42:5, 8.) Sian bahasa Heber do goar ni “Jahowa” i, na lapatanna “Ibana Mambahen, Ibana Pasautton”. Lomo do roha ni Jahowa asa taboto goarna. (2 Musa 3:15) Aha do buktina? Adong do lobi sian 7.000 hali goar i disuratton di Bibel. a Jala holan “Debata na sittong di langit dohot di tano on” do na margoar Jahowa.—5 Musa 4:39.
2. Aha do na didok di Bibel taringot Jahowa?
Sian sude debata na disomba jolma, Bibel mandok holan Jahowa do Debata na sittong. Boasa holan Jahowa? Adong piga-piga alasan. Bibel mandok, holan Jahowa do “Natumimbul di saluhut tano on”. (Jaha Psalmen 83:18.) Didok do muse Ibana “Pargogo na So Hatudosan”. Lapatanna, tolap do Ibana mangulahon manang aha pe lomo ni rohana. Ibana do na “manoppa saluhutna”, sude na adong di alam semesta, termasuk na adong di tano on. (Pangungkapon 4:8, 11) Jala toktong do adong Jahowa saleleng ni lelengna. Dang adong na songon Ibana.—Psalmen 90:2.
ASA LAM TAATTUSI
Taparsiajari ma aha do beda ni gelar ni Debata dohot goarna. Jala boasa lomo roha ni Debata paboahon goarna tu hita.
3. Godang do gelar ni Debata, alai holan sada do goarna
Asa taboto beda ni gelar dohot goar, putar ma VIDEO, dung i bahas ma sukkun-sukkun on:
-
Aha do beda ni goar dohot gelar, songon gelar “Tuhan”?
Bibel mandok, godang do debata dohot tuhan na disomba akka halak. Jaha Psalmen 136:1-3, dung i bahas ma sukkun-sukkun on:
-
Ise do Debata na “uttimbo sian akka debata na asing”?
4. Lomo do roha ni Jahowa asa taboto jala tajou goarna
Sian dia do taboto na lomo roha ni Jahowa asa taboto goarna? Putar ma VIDEO, dung i bahas ma sukkun-sukkun on:
-
Menurut hamu, boasa lomo roha ni Jahowa asa taboto goarna?
Lomo do roha ni Jahowa asa tajou goarna i. Jaha Rom 10:13, dung i bahas ma sukkun-sukkun on:
-
Boasa porlu tajou goar ni Debata, i ma Jahowa?
-
Boha do perasaanmuna molo diingot halak goarmuna, jala didokkon goarmuna i tikki makkatai dohot hamu?
-
Menurut hamu, boha do perasaan ni Jahowa molo tajou goarna?
5. Lomo do roha ni Jahowa asa tapajonok diritta tu Ibana
Adong sahalak borua sian Kamboja na margoar si Soten. Dung diboto ibana goar ni Debata, las hian do rohana. Putar ma VIDEO, dung i bahas ma sukkun-sukkun on:
-
Di video i, aha do gunana dung diboto si Soten goar ni Debata?
Asa boi hita jonok tu sasahalak, biasana ikkon jolo taboto do goarna. Jaha Jakobus 4:8a, dung i bahas ma sukkun-sukkun on:
-
Aha do na dipangido Jahowa sian hamu?
-
Menurut hamu, boi do tapajonok diritta tu Debata molo nungnga taboto goarna? Boasa?
ADONG DO NA MANDOK: “Songon dia pe caratta manjou goar ni Debata, dang pola boha i. Ai holan sada do Debata.”
-
Porsea do hamu Jahowa goar ni Debata?
-
Aha do buktina na lomo roha ni Debata asa tajou goarna?
KESIMPULAN
Jahowa do goar ni Debata na sittong. Lomo do rohana asa taboto jala tajou goarna i, dung i gabe boi ma tapajonok diritta tu Ibana.
Tinjauan
-
Aha do beda ni Jahowa sian akka debata na asing na disomba akka halak?
-
Boasa ikkon tajou goar ni Debata?
-
Sian dia taboto na lomo roha ni Jahowa asa tapajonok diritta tu Ibana?
LULUI MA
Jaha ma 5 bukti na patuduhon tutu do adong Debata.
Masuk akkal do molo tadok toktong adong Debata saleleng ni lelengna?
“Ise do na Manoppa Debata?” (Joujou Paboahon, 1 Agustus 2014)
Boasa ikkon tajou goar ni Debata nang pe dang taboto songon dia mandokkon goar i di bahasa aslina?
Memang ikkon tajou do goar ni Debata? Jaha ma beda ni goar ni Debata dohot akka gelarna.
a Asa diboto hamu lapatan ni goar ni Debata jala boasa dihapus goar i di akka terjemahan ni Bibel, ida ma Lampiran A4 di Bibel Hata ni Debata tu Akka Jolma na Naeng Mangolu di Tano na Imbaru.
Mungkin Lomo do Rohamuna Mamboto
NA JOTJOT DISUKKUN HALAK
Songon dia do Parsiajaran Bibel na Dibahen Saksi Jahowa?
Boi do dipakke Bibel terjemahan na dia pe tikki marsiajar Bibel dohot Saksi Jahowa. Boi do diajak hamu donganmuna dohot keluargamuna.
