JIʼTE 04
Si be we ?
Te fe paʼ pômsoung thoʼ ne pe we a, a be wap ghamte medou msi. Daʼge, Bible gôm nwe ne taʼ Si “ye é be ye gwye te tchye goung pyeshe msi awè a.” (2 Mtchoung Israèl 2:5) A be we ? Ke gre ge é pe ye gwye te tchye goung pyeshe msi awè pye pômneng gamte wap a ? Tchum yeng jiʼte, lagne ywe ye Si bo tcheng ge o jye ne é a.
1. Tso Si be ke, ke neng daʼte ge é bo tcheng ge pe jye ya ?
Tchum Bible, Si sing wôkpe mo ye é be yu a. É gôm ge : “Ge be Jéova. Ye be tso tse.” (Ké Izaya 42:5, 8.) “Jéova” be, paʼ pou ne thoute taʼ tso ye a be ne Ébraika bya toute ge “É gre a ji” a. Jéova tcheng ge pe jye tso tsye. (Ne tem 3:15) Ke tchente daʼte ya ? Tchum Bible, pou djô tso tsye mtchum 7000 te twôk ! * Tso Jéova be tso Si ye é be “Si nyenyô tse kèbeng ba m demtchaʼ a.”—Bate mtchoʼ 4:39.
2. Bible sing wôkpe ke ne Jéova ?
Bible gôm ge ne goung msi pye pômneng gamte wap a, daʼ Jéova né be Si nyenyô ne pou. Nweke ? Medou potse daʼte ya. Jéova be é ghe pawa gwye, daʼ yu né neng be “Te Tse ne goung demtchaʼ awè.” (Ké Mghôm ghamte 83:18.) É be “Gè Mtuô Awè”, a thoute ge é be é ghe pawa ne gre bakele ye é de khète ne ghe a. É “be é pem goung tse awè”—goung potse tsye a be we a, ba goung potse tsye a ghe vôk demtchaʼ a. (Apokalipse 4:8, 11) Jéova neng be daʼ mo ye é be a we te fe tyèʼ a, neng gô laʼ pe a we ne mama a.—Mghôm ghamte 90:2.
PING TCHENG NE GÔ DZE
Ping dagne potse tsye a daʼte ge mtso mkouʼ Si pou a tso tsye te be kwi ywe a pe. Neng dagne tchi paʼ é daʼte tso tsye bou a, ba nweke é gre ya a.
3. Si be é ghe medou mtso mkouʼ, daʼge gre daʼ taʼ tso yemouʼ
Ne ne djô nweke tso mkouʼ mo te be kwi ywe pou a kwaʼ tso tsye a pe, yô VIDÉO, neng gômte ne hente yenge.
-
Taʼ tso mkouʼ paʼ “Tchyepô” a, te be kwi ywe pou a kwaʼ taʼ tso a m ge ke ?
Bible gôm ge pômneng gamte medou msi ba medou mtchyepô. Ké Mghôm ghamte 136:1-3, neng gômte ne hente yenge :
-
We né be “Si msi” neng be “Tchyepô mtchyepô”?
4. Jéova bo tcheng ge o jye tso tsye neng gwim ya
Ke daʼte ge Jéova bo tcheng ge o jye tso tsye ? Yô VIDÉO, neng gômte ne hente yenge.
-
O kwè ge Jéova bo tcheng ge pou jye tso tsye a ? Nweke ?
Jéova tcheng ge pô wim tso tsye. Ké Roma 10:13, neng gômte ne mhente menge :
-
Nweke a be mtuôdeng ne wim tso Si, Jéova ?
-
O djouʼ ne o m tchi ge ke tchwe ye taʼ mo khamte tso tsu neng gwim ya a ?
-
O kwè ge Jéova djouʼ ne é m tchi ge ke tchwe ye o gwim tso tsye a ?
5. Jéova tcheng ge o fouʼte ne o ha ne é
Taʼ mdjwi be ye Kambodje, tso tsye pe Soten gôm ge ne jye tso Si ke ghe é ŋwègne paʼ é lam fe ji ŋwègne a. Yô VIDÉO, neng gômte ne hente yenge.
-
Tchum vidéo, ne jye tso Si ke tchoʼ Soten m tchi ge ke ?
O ne ji so mo, dendze ywe ye o doʼgne gre a be ne hente tso tsye. Ké Yakop 4:8a, neng gômte ne mhente menge :
-
Jéova gôm bou ge o ghe la ?
-
Ne jye tso Si neng be gwim ya, fing ne kwite o ne fouʼte ne o ha beng é m tchi ge ke ?
SHE PÔ GÔM GE : “Si be we daʼ yemouʼ. Poʼo, tchi paʼ pou ne khé é a te be mtuôdeng pe.”
-
Te o ping ge Jéova be tso Si le ?
-
O fing ne laʼte ge Si tcheng ge pe wim tso tsye m tchi ge ke ?
YE NE KHAMTE
Jéova be tso Si ye é be Si nyenyô daʼ yu do é a. É tcheng ge pe jye neng gwim tso tsye, poʼ ge pe khouʼgne ne fouʼte ne yôkpe ha ne é.
O lagne ke ?
-
Nweke Jéova te hwegne pou a goung pyeshe msi pye pômneng gamte wap a ?
-
Nweke a tcheng ge pe pe gwim tso Si ?
-
Ke daʼte ge Jéova tcheng ge o fouʼte ne o ha ne é ?
YÔ SHE POTSE NE
Yô potse methô mye a tchente daʼte ge Si be we a.
Yô nweke pe fing ne tchente bing ge Si be we te fe tyèʼ a.
Lagne nweke a tcheng ge pe wim tso Si, ba m be ye pe ka jye tchi paʼ pou le ne khé ya ne tam tchwedze a.
Tchi paʼ pou ne khé Si a be mtuôdeng a ? Yô nweke pe fing ne ghôm ge é ghe daʼ taʼ tso yemouʼ a.
^ Ne ping jye ywe ye tso Si thoute a, ba nweke she pô be wap té ya tchum Bible mye wap thoute a, yô Appendice A4 tchum La Bible, Traduction du Monde Nouveau.
