NLÔ AJÔ 04
Za a ne Zambe?
Aso kôa, bôte ba kañe bezambe mevale meval. Ve Bible a kobô ajô “Zambe a ne éwôlô a dañe bezambe bese.” (2 Minkañete 2:5) A ne Zambe mbé? A amu jé Zambe ate a dañe bezambe bese bevok? Nlô ajô wu wo zu wo liti za a ne ne Zambe ate.
1. Zambe a ne jôé na za, a jé ja liti na a yi na bi yem éyôlé jé?
E Bible, Zambe a kate bia éyôlé jé. A jô na: “Ma me ne Yéhôva, jôé dame le.” (Lañe’e Ésaïe 42:5, 8.) Éyôlé “Yéhôva” ja tinan nkobô Hébreu na “A bo na é boban.” Yéhôva a yi na bi yem éyôlé jé. (Nkôlan 3:15) Jé ja bo’olô nalé? A nga bo na be tili éyôlé jé biyoñe a lôte 7 000 Bible! a Yéhôva a ne éyôlé “nya Zambe, nyô a jôé mfa’a ya yôp a mfa’a ya si nyô.”—Deutéronome 4:39.
2. Jé Bible a jô a lat Yéhôva?
Bezambe be kusa fo’o bo abui, Bible nye a liti na Yéhôva étam nnye a ne nya Zambe. Amu jé? Amu Yéhôva a bili ngul ése, a nnye étam a ne “Nyô a dañe bôte bese yôp a jôô si se.” (Lañe’e Besam 83:18.) A ne fe “Zambe ya ngul ése,” nalé a tinane na a ne ngule ya bo jam ese a kômbô. Jam afe e ne na, nnye a nga té biôm bise “yôp a si.” (Nlitan 4:8, 11) A nde fe na, Yéhôva étam nnye a to nnôm éto a nnôm éto.—Besam 90:2.
TUKA’A FAK
Jeñe’e na ô yeme nsela’ane a ne zañe biyôlé mese’esa bi Zambe a éyôlé jé ébien. Yene’e fe amu jé Yéhôva a nga kate wo éyôlé jé, a aval a nga bo de.
3. Zambe a bili abui biyôlé mese’esa, ve a bili fe éyôlé jé ébien
Asu na ô yem nsela’ane a ne zañe biyôlé mese’esa a éyôlé môt ébien, Futi’i VIDÉO, mvuse ya valé, yala’ane nsili wu:
-
Nsela’ane mbé a ne zañe biyôlé mese’esa aval ane “Tate,” a éyôlé môt ébien?
Bible a liti na bôte ba kañ abui bezambe. Lañe’e Besam 136:1-3, mvuse ya valé, yala’ane nsili wu:
-
Za a ne “Zambe ya bezambe” a “Tate ya betate”?
4. Yéhôva a yi na ô belan éyôlé jé
Jé ja liti na Yéhôva a yi na ô yem éyôlé jé? Futi’i VIDÉO, mvuse ya valé, yala’ane nsili wu:
-
Amu jé Yéhôva a yi na bôt be yem éyôlé jé?
Yéhôva a yi na bi belan éyôlé jé. Lañe’e Beromain 10:13, mvuse ya valé, yala’ane minsili mi:
-
Amu jé e ne mfi na bi belan éyôlé Yéhôva?
-
Wo wô’ôtan aya éyoñ môt a loone wo a éyôlé jôé?
-
Wo simesane na Yéhôva a wô’ôtan aya éyoñ bia belan éyôlé jé?
5. Yéhôva a yi na ô bo mvôé jé
Soten, minga éziñ ya Cambodge a nga jô na meva’a me nga jaé nye nleme ne lut, éyoñ a nga yem éyôlé Yéhôva. Futi’i VIDÉO, mvuse ya valé, yala’ane nsili wu:
-
Soten a nga wô’ôtan aya éyoñ a nga yem éyôlé Zambe?
Ôsusua na mia môt mia bo bemvôé, wo taté jeñe na ô yem éyôlé jé. Lañe’e Jacques 4:8a, mvuse ya valé, yala’ane minsili mi:
-
Jé Yéhôva a yi na ô bo?
-
E belan éyôlé Zambe a volô wo na ô subu nye bebé aval avé?
BÔTE BÉZIÑ BA JÔ NA: “Bi kusa loone nye aya, Zambe a ne ve wuwua.”
-
Ye wo kañese na éyôlé Zambe é ne Yéhôva?
-
Ye ô ne kate amu jé Zambe a yi na bi belan éyôlé jé?
ÔBALEBAS
Nya Zambe a ne jôé na Yéhôva. A yi na bi yem éyôlé jé, a na bi belan je asu na bi subu nye bebé.
Ô ne yalan aya?
-
Mam mevé ma liti na Yéhôva a selane bezambe bevo’o bese?
-
Amu jé bia yiane belan éyôlé Zambe?
-
Jé ja liti na Yéhôva a yi na ô subu nye bebé?
MAME MEFE ME NE VOLÔ WO
Yene’e mam metan ma kôme bo’olô na Zambe a ne.
Amu jé ñye’elane ya Bible wo jô na Yéhôva a too nnôm éto a nnôm éto wo kôme wô’é melo?
“Qui a fait Dieu ?” (Nkume mmombô a bete ya Ngone mwomô é to alu 1, mbu 2014)
Yene’e amu je bia yiane belan éyôlé Zambe akusa bo bi nji tu’a yem aval be mbe be tote’e je melu kôa.
Ye e ne mfi na bi belan éyôlé Zambe éyoñ bia kobô ajô dé? Yene’e mam ma bo’olô na Zambe a bili éyôlé.
“Combien de noms Dieu a-t-il ?” (Ô ne koone nye anjeñe mefoé dangan)
a Nge wo kômbô yeme mam mefe a lat a atinane ya éyôlé Zambe, a amu jé bekôñelane Kalate Zambe béziñ be nga vaa éyôlé éte Bible, fombô’ô Appendice A4 ya Traduction du monde nouveau.
You May Also Like
MINSILI BÔTE BA SILI
Jé é ne ayé’é Kalate Zambe?
Jeñe biyalane ya minsili a lat a nta’ane mame wongan asu ayé’é Kalate Zambe e zezé.
