وانە‌ی ٤
خودا کێیە؟
بە درێژایی مێژو مرۆڤە‌کان خودایانێکی زۆر و جیاوازیان پە‌رستووە. بە‌ڵام پە‌رتووکی پیرۆز ئاماژە بە خوداوە‌ندێک دە‌کات کە «لە هە‌موو خوداوە‌ندە‌کان گە‌ورە‌ترە.» (٢ پوختە‌ی مێژوو ٢:٥) ئە‌و خودایە کێیە؟ بۆچی لە هە‌موو ئە‌و خودایانە‌ی کە خە‌ڵک دە‌یپە‌رستن گە‌ورە‌ترە؟ لە‌م وانە‌یە‌دا، دە‌یبینن کە خودا چۆن خۆی بە ئێوە دە‌ناسێنێت.
١. ناوی خودا چییە و بۆچی دە‌توانین دڵنیا بین کە دە‌یە‌وێت ئێمە ناوی ئە‌و بزانین؟
خودا، لە پە‌رتووکی پیرۆزدا خۆی بە ئێمە دە‌ناسێنێت. خودا دە‌ڵێت: «من یە‌هوە‌م! ئە‌مە‌یە ناوم!» (ئیشایا ٤٢:٥، ٨ بخوێنە‌وە.) ناوی خودا «یە‌هوە‌یە» کە لە زمانی عیبری وە‌رگێڕدراوە، بە واتای «هە‌ر شتێک کە دە‌مە‌وێت، ببم بە‌هۆی، دە‌بم.» یە‌هوە دە‌یە‌وێت ناوی بزانین. (دە‌رچوون ٣:١٥) چۆن دە‌توانین لە‌وە دڵنیا بین؟ لە پە‌رتووکی پیرۆز کە وتە‌کانی خودایە، ناوی زیاتر لە ٧٠٠٠ جار هاتووە! a یە‌هوە ناوی خودای ڕاستە‌قینە‌یە، تاکە خودا لە ئاسمانە‌کان و لە‌سە‌ر زە‌وی.—دواوتار ٤:٣٩.
٢. پە‌رتووکی پیرۆز دە‌ربارە‌ی یە‌هوە چ دە‌ڵێت؟
پە‌رتووکی پیرۆز دە‌ڵێت کە لە نێوان هە‌موو ئە‌و خوداوە‌ندانە‌ی کە مرۆڤ دە‌یانپە‌رستن، یە‌هوە تاکە خودای ڕاستە‌قینە‌یە. بۆچی؟ بۆ چە‌ند هۆکارێک سە‌رنج بدە‌ن. یە‌هوە دە‌سە‌ڵاتی تە‌واوی هە‌یە و تە‌نیا ئە‌و «لە‌سە‌ر هە‌موو زە‌وی هە‌رە‌بە‌رزترینە.» (زە‌بوورە‌کان ٨٣:١٨ بخوێنە‌وە.) ئە‌و «بە‌توانایە» بە‌و واتایە‌یە کە دە‌توانێت هە‌رشتێک مە‌بە‌ستی بێت ئە‌نجامی بدات. ‹یە‌هوە هە‌موو شتێکی درووست کردووە›—هە‌روە‌ها گە‌ردون و هە‌موو بوونە‌وە‌رە‌کانی سە‌رزە‌وی. (ئاشکراکردن ٤:٨، ١١) یە‌هوە لە ئە‌زە‌لە‌وە هە‌میشە هە‌بووە و بۆ هە‌تاهە‌تایە بوونی دە‌بێت.—زە‌بوورە‌کان ٩٠:٢.
زیاتر بزانە
لە‌م وانە‌یە‌دا لە‌سە‌ر جیاوازی نێوان ناوی خودا و ئە‌و ناسناوانە‌ی کە بە ئە‌و دە‌وترێت، لێکۆڵینە‌وە‌ی زیاتر دە‌کە‌ین. پاشان فێر دە‌بین کە بۆچی خودا ناوی خۆی بە ئێمە ناساندوە و چۆن ئە‌وە‌ی ئاشکرا کردووە.
٣. خودا زۆر ناسناوی هە‌یە، بە‌ڵام تە‌نیا یە‌ک ناوی هە‌یە
بۆ تێگێشتن لە جیاوازی نێوان ناسناوی کە‌سێک و ناوە‌کە‌ی، ڤیدیۆکە بکە‌وە، و دواتر لێکۆڵینە‌وە‌ی ئە‌م پرسیارە‌ی خوارە‌وە بکە‌ن.
-
چ جیاوازیە‌ک لە‌نێوان ناسناوێک وە‌ک «یە‌زدان» و ناوێک هە‌یە؟
پە‌رتووکی پیرۆز دە‌ڵێت کە خە‌ڵک خودایانێکی زۆر دە‌پرستن. دواوتار ١٠:١٧ بخوێنە‌وە و دواتر لێکۆڵینە‌وە‌ی ئە‌م پرسیارە‌ی خوارە‌وە بکە‌ن:
-
«خودای خوداوە‌ندە‌کان» کێیە؟
٤. یە‌هوە دە‌یە‌وێت ئێوە ناوی ئە‌و بزانن و بە‌کاری بهێنن
لە کوێوە دە‌زانین کە یە‌هوە دە‌یە‌وێت ناوی ئە‌و بناسین؟ ڤیدیۆکە بکە‌وە و دواتر لێکۆڵینە‌وە‌ی ئە‌و پرسیارانە‌ی خوارە‌وە بکە‌ن.
-
ئایا پێت وایە یە‌هوە دە‌یە‌وێت مرۆڤە‌کان ناوی بزانن؟ بۆچی وا بیردە‌کە‌یتە‌وە؟
یە‌هوە دە‌یە‌وێت خە‌ڵک ناوی ئە‌و بە‌کار بهێنن. ڕۆما ١٠:١٣ بخوێنە‌وە و دواتر لێکۆڵینە‌وە‌ی ئە‌و پرسیارانە‌ی خوارە‌وە بکە‌ن:
-
بۆچی گرنگە ناوی یە‌هوە خودا بە‌کار بهێنین؟
-
کاتێک کە‌سێک ناوی تۆ بە‌کار بهێنێت و لە بیری نە‌کات، هە‌ستت چۆنە؟
-
پێت وایە یە‌هوە چ هە‌ستێکی هە‌یە، کاتێک کە تۆ ناوی ئە‌و بە‌کار دە‌هێنیت؟
٥. یە‌هوە دە‌یە‌وێت ئێوە لە‌و نزیکتر ببنە‌وە
ژنێکی کامبودی بە ناوی سوتن دە‌ڵێت دوای فێربوونی ناوی خودا «خۆشترین هە‌ستی لە جیهاندا» هە‌بوو. ڤیدیۆکە بکە‌وە، و دواتر لێکۆڵینە‌وە‌ی ئە‌م پرسیارە‌ی خوارە‌وە بکە‌ن.
-
لە‌م ڤیدیۆیە‌دا، چۆن فێربوونی ناوی خودا کاریگە‌ری لە‌سە‌ر سوتن هە‌بوو؟
زۆربە‌ی کات پێش ئە‌وە‌ی لە‌گە‌ڵ کە‌سێک ببین بە هاوڕێ، دە‌مانە‌وێت ناوی ئە‌و بزانین. بە‌شی یە‌کە‌می یاقوب ٤:٨ بخوێنە‌وە، و دواتر لێکۆڵینە‌وە‌ی ئە‌و پرسیارانە‌ی خوارە‌وە بکە‌ن:
-
یە‌هوە چ داواکاریە‌کی لە تۆ هە‌یە؟
-
زانینی ناوی خودا و بە‌کار هێنانی ناوی ئە‌و، چۆن یارمە‌تیت دە‌دات لە خودا نزیکتر ببیتە‌وە؟
هە‌ندێک کە‌س دە‌ڵێن: «تە‌نیا یە‌ک خودا هە‌یە، بۆیە گرنگ نیە ئێمە بە چ ناوێک ئە‌و بانگ بکە‌ین.»
-
ئایا ئێوە باوە‌ڕتان وایە کە یە‌هوە ناوی خودایە؟
-
ئایا دە‌توانیت ڕوونی بکە‌یتە‌وە کە بۆچی خودا دە‌یە‌وێت ناوی ئە‌و بە‌کار بهێنین؟
لە کۆتاییدا
یە‌هوە ناوی تاکە خودای ڕاستە‌قینە‌یە. یە‌هوە دە‌یە‌وێت ئێمە ناوی بزانین و بە‌کاری بهێنین تاکو بتوانین لێی نزیک ببینە‌وە.
پێداچوونە‌وە
-
بۆچی یە‌هوە جیاوازە لە هە‌موو ئە‌و خودایانە‌ی کە خە‌ڵک دە‌یپە‌رستن؟
-
بۆچی پێویستە ناوی یە‌هوە بە‌کار بهێنین؟
-
چ شتێک دڵنیامان دە‌کات کە یە‌هوە دە‌یە‌وێت لە‌و نزیک ببینە‌وە؟
لێکۆڵینە‌وە‌ی زیاتر
بە پێنج هۆکاری ژیرانە سە‌رنج بدە کە هە‌بوونی خودا نیشان دە‌دات.
بۆچی باوە‌ڕ بە‌وە‌ی کە خودا هە‌میشە بوونی هە‌بووە، ژیرانە‌یە؟
«کێ خودای درووست کردووە؟» (تاوە‌ری چاودێری، ئاگۆست ١، ٢٠١٤)
تە‌نانە‌ت ئە‌گە‌ر چۆنیە‌تی وتنی ناوی خودا بە زمانی عیبری بۆمان نادیارە، بۆچی پێویستە ناوی خودا بە‌کار بهێنین؟
ئایا بە‌ڕاستی گرنگە کە خودا بە چ ناوێک بانگ بکە‌ین؟ ئە‌م گۆڤارە نیشانی دە‌دات کە بۆچی دە‌ڵێین خودا تە‌نیا یە‌ک ناوی تایبە‌تی هە‌یە.
a بۆ زانیاری زیاتر لە‌سە‌ر مانای ناوی خودا و بۆچی لە هە‌ندێک وە‌رگێڕانی پە‌رتووکی پیرۆز لابردراوە، سە‌یری بە‌شی یە‌کە‌می ڕێنمایی خوێندنە‌وە‌ی وشە‌ی خودا بکە‌ن.
