ˈWƆN ˗GƆ 04
ˈDe ˈö ˗tɔ ˗Zlan ꞊dede?
ˈÖ˗ ˗bhɔ ˈˈdhʋ̈ ꞊kwɛŋzü mɛnbhɩɩdhe ˗nu ˗wo ˗zlan ꞊suu ꞊va ˗dhɔkë. ˈˈKɛɛ ˗Zlan do ˈö «ˈkpii˗ ˗zlan ˈˈwɛɛ ˈˈpɛpɛ ˈwo to ˗an ˗ta,» Biblö ˗yö ˗a ˗wɔn ˗blɛɛ. (2 Chroniques 2:5) ˗A ˗Zlan ˈö ˈˈdhʋ̈ ˈyö ˗tɔ de? ˈMën ˗kë ˈö ˈkpii˗ ˗zlan ˈˈwɛɛ ˈˈpɛpɛ ˈö mɛn ˗nu ˗wo ˗an gba ˗an ˗ta? ˗Kɔ ˈö ˗Zlan ˗yö ö ˗de ˗zɔn ˗a ˈka kwa ˗dhɛ Biblö ˈgü, ü ˗dho ˗a yö ˈwɔn ˗gɔ ˈö yö ˗a ˈgü.
1. ˗Zlan ˈtɔ ꞊dede ˈnën ˈö ˗tɔ de? ˗Mën ˈö˗ ˗zɔn ꞊dhɛ ˗ya ˈˈpiʋ̈ kö ˈkwa ö ˈtɔ ˈö bhë ˗a dɔ?
˗Zlan ˗yö ö ˗de ˗zɔn kwa ˗dhɛ Biblö ˈgü. ˗Ya ˗pö: «Man ˈnën ˈa ˗tɔ Zoova. N ˈtɔ ˈnën bhë.» (Isaïe 42:5, 8 ˗wo pö.) «Zoova» ˈö bhë, ˈtɔ ˈö go Eblö ˗wo ˈgü yö ˗mü. ˗A ˗gɛn ˈnën ˗tɔ «˗ya ˗kë ˈö ˗kë.» Zoova ˗ya ˈˈpiʋ̈ kö ˈkwa ö dɔ. (Exode 3:15) Kwa˗ ˈwɔn ˗dɔ ˈˈdhʋ̈ ˗kɔ ˗kë ꞊dhɛ? ˗Yö ö ˈtɔ ˈö bhë ˗a ˗ya Biblö ˈgü ˈö ˗ʒiö 7.000 ˗ta. a «˗Zlan ꞊dede ˈö ˈˈdhuŋ dhaŋgü, ˈö ˈˈshia˗ ˈˈkpɔnŋ ꞊taa,» yö ˈnën˗ ˈtɔ ˗yö ˗kë Zoova ˈka.—Deutéronome 4:39.
2. ˗Mën ˈö Biblö ˗ya ˗zɔn kwa ˗dhɛ ˈö ˗gban Zoova ˗bha?
Mɛnbhɩɩdhe ˗nu ˗wo ˗zlan suu ꞊va ˗dhɔkë. ˈˈKɛɛ Biblö ˗ya ˗pö Zoova ˈnën ˗tɔ ˗Zlan ꞊dede. ˈMën ˗kë? ˗A ˗gɛn ˗yö ꞊va. Zoova ˗bha ˗kɔmɔnwɔnbhasü ˈˈdhiʋ̈todhɛ ˈyaa ˈdhö, yö ‹dosɛnŋ ˈnën ˈˈkpɔnŋtaadhɛ ꞊gban ˈˈpɛpɛ ˗gɔ ˗ta.› (Psaume 83:18 ˗wo pö.) ˗A ˗bha ‹ˈˈpiigbɩɩdhɛ ˈˈdhiʋ̈todhɛ ˈyaa ˈdhö,› pë ˈö ˗dhi ˗a ˗dhɛ ˗ya ˗kë. Yö ˈnën «pë suu ꞊gban ˈˈpɛpɛ» ˈwo dhaŋgü ɛɛnˈˈ ˈˈsɛ ˗ta ˗an ˗da. (˗Dhɛkpaɔ dhiaˈˈ ˈsëëdhɛ 4:8, 11) Yö dosɛnŋ ˈnën ˈö ˗dhö ˗kplawo, ˈö ˗dho ˈto ˗toëpö ˈka.—Psaume 90:2.
˗KAA ˈˈPIƲ̈ ˈPƆN
˗Zlan ˈtɔ waa˗ ˗zë ˈtɔ ˈka ˗wo ˗nu ˗gokopiʋ̈dhɛ ˈö ˈdhö, ˗a ˗ga. ˗Kɔ ˈö ö ˈtɔ ˗zɔn ˗a ˈka kwa ˗dhɛ waa ˈpë ˗kë ˈö˗ ˗zɔn, ˗an dɔ ˈpö.
3. ˗Zlan ˗zë ˈtɔ ˈka ˗wo ˗nu ˗wo ꞊va, ˈˈkɛɛ ˗a ˈtɔ ꞊dede ˗yö dosɛnŋ.
˗Yö ˗së kö ˈkwa ˗Zlan ˈtɔ ꞊dede pö ˗ee ɛɛnˈˈ kwa dua ˗mü kö ˈkwa˗ ˗zë ˈtɔ ˈka ˗wo ˗nu pö ˗ee? ˈKa˗ pö ˈka ˗yɔ dɔ, ˗ka VIDEO ˈö yö ˗a ˗ga, kö dhɛɛˈˈ ˈö ˈˈshia bhë ˈka˗ ˗yɔ mɛɛnˈˈ.
-
Mɛn ˗zë ˈtɔ ˈka ˗wo ˗nu ˈwo ˗kë ꞊dhɛ «Dëmɛn» ˈdhö bhë waa mɛn ˈtɔ ꞊dede ˗an ˗gokopiʋ̈dhɛ ˈnën ˗tɔ ˗mën?
Biblö ˗ya ˗pö mɛn ˗nu ˗wo ˗zlan ꞊va waa dëmɛn ˗nu ˗dhɔkë. ˗Ka Psaume 136:1-3 ˗an ˗wo pö, kö ˈka dhɛɛˈˈ ˈö yö ˗a ˗yɔ mɛɛnˈˈ:
-
De ˈö ˗tɔ «˗zlan ˗nu ˗bha ˗Zlan» ɛɛnˈˈ «dëmɛn ˗nu ˗bha Dëmɛn»?
4. Zoova ˗ya ˈˈpiʋ̈ kö ˈkwa ö ˈtɔ dɔ, kö ˈkwa˗ pö.
˗Mën ˈö˗ ˗zɔn ꞊dhɛ Zoova ˗ya ˈˈpiʋ̈ kö ˈkwa ö ˈtɔ dɔ kö ˈkwa˗ pö? ˗Kaa VIDEO ˗ga, kö ˈka dhɛɛˈˈ ˗nu ˈwo ˈˈshia bhë ˗an ˗yɔ mɛɛnˈˈ.
-
Ü ˗bha ˈgü, Zoova ˗ya ˈˈpiʋ̈ kö ˈkwa ö ˈtɔ dɔ ˗ee? ˗Mën ˈö ˗kë?
Zoova ˗ya ˈˈpiʋ̈ kö ˈkwa ö ˈtɔ pö. ˗Ka Wlɔmö 10:13, NWT ˗wo pö, kö ˈka dhɛɛˈˈ ˗nu ˈwo yö ˗an ˗yɔ mɛɛnˈˈ:
-
ˈMën ˗kë ˈö ˗së kö ˈkwa ˗Zlan ˈtɔ Zoova pö?
-
Mɛn ˈbhaa ˗zo ˗ya ˗buö ü ˈtɔ ˈka ꞊yaa˗ pö, ˗yö ˗kë ü ˈgü ˗kɔ ˗kë ꞊dhɛ?
-
Ü ˗bha ˈgü ˈkwa Zoova ˗dhɛ ˗a ˈtɔ ˈka ˈpö, ˗yö ˗kë ˗a ˈgü ˗kɔ ˗kë ꞊dhɛ?
5. Zoova ˗ya ˈˈpiʋ̈ kö ˈü kë ö ˈˈtɔŋdë ˈka.
Dhebɔnën do ˈö go Kanbɔdiö ˈö ˈwo˗ ˗dhɛ Sɔtɛnö, ˈdhɛ ˈö ˗Zlan ˈtɔ dɔ, ˗kɔ ˈö pa ˗a zuʋ̈ga ˈka ˗a ˗bha ˗ya ˗blɛɛ ˈö˗ pö «mɛn zuʋ̈niidawɔn ˈö ˗dho ʒiö ˗a ˗ta ˈˈsɛ ˗ta ˈyaa ˈdhö.» ˗Kaa VIDEO ˗ga, kö dhɛɛˈˈ ˈö ˈˈshia bhë ˈka˗ ˗yɔ mɛɛnˈˈ.
-
Video ˈö bhë ˗a ˈgü, ˈdhɛ Sɔtɛnö ˗yö ˗Zlan ˈtɔ dɔ, ˗yö ˗kë ˗a ˈgü ˗kɔ ˗kë ꞊dhɛ?
ˈKwa˗ pö ˈkwa kë mɛn ˈbhaa ˈˈtɔŋdë ˈka, kwa˗ zü ˗sü ˗a ˗mɛn ˈtɔ dɔ ˗sü ˗ta. ˗Ka Zakö 4:8a ˗wo pö, kö ˈka dhɛɛˈˈ ˗nu ˈwo yö ˗an ˗yɔ mɛɛnˈˈ:
-
ˈMën Zoova ˗ya pö ˈkwa˗ kë?
-
˗Zlan ˈtɔ dɔ ˗sü waa˗ pö ˗sü ˗dho kwa ˗takun kö ˈkwa kë ˗a ˈˈtɔŋdë ˈka ˗kɔ ˗kë ꞊dhɛ?
MƐN ˈBHAA ˗NU ˗WA ˗PÖ: «ˈDhɛ ˈö ˗kë ꞊dhɛ ˗Zlan ˗yö dosɛnŋ bhë, ˗kɔ ˈˈpɛpɛ ˈö ˈkwa˗ ˗dhɛ ˗a ˈka ˗yö ˗së.»
-
Ü ˗bha ˈgü, ˗Zlan ˈtɔ ꞊dede ˈnën ˗tɔ Zoova ˗ee?
-
Ü ˗dho ˗a ˗zɔn ˗kɔ ˗kë ꞊dhɛ ꞊dhɛ ˗Zlan ˗ya ˈˈpiʋ̈ kö ˈkwa ö ˈtɔ ꞊dede pö?
˗A ˈDHƐ TO KWA ˈˈƝAAN
˗Zlan ˈtɔ ꞊dede ˈnën ˗tɔ Zoova. ˗Ya ˈˈpiʋ̈ kö ö ˈtɔ ˈö bhë ˈkwa˗ dɔ, kö ˈkwa˗ pö, kö ˈkwa kë ö ˈˈtɔŋdë ˗nu ˈka.
˗Zobuödhe
-
˗Mën ˈö Zoova waa ˗zlan ˈˈwɛɛ ˈö mɛn ˗nu ˗wo ˗an ˗dhɔkë ˗an bho ˈko ˈˈpiʋ̈?
-
ˈMën ˗kë ˈö kwa dua ˈdhö ˗mü kö ˈkwa ˗Zlan ˈtɔ ꞊dede pö?
-
˗Mën ˈö˗ ˗zɔn ꞊dhɛ Zoova ˗ya ˈˈpiʋ̈ kö ˈkwa kë ö ˈˈtɔŋdë ˗nu ˈka?
˗AN ˗GA ˈPÖ
ˈWɔn ˈˈsoodhu ˈwo˗ ˗zɔn ꞊dedewo ꞊dhɛ ˗Zlan ˗yö ˗dhö bhë ˗an ˗ga.
ˈPë ˗kë ˈö ˈkwa˗ ˈwɔn dɔ ꞊dhɛ ˗Zlan ˗yö ˗dhö ˈˈtʋ̈ŋ ꞊gban ˈka bhë ˗a ˗ga.
«ˈDe ˈö ˗Zlan ˗da?» (˗Kwɛ 2014 ˈUtö 1 ˗bha ˈˈGlaadhiʋ̈ ˗tɔn)
ˈKö ˗kë ꞊dhɛ ˗Zlan ˈtɔ pö ˗kɔ ꞊dede ˈö kun ꞊kwɛŋzü ˈkwa˗ dɔ, ˈpë ˗kë ˈö kwa dua ˈdhö ˗mü kö ˈkwa˗ pö ˗a ˗ga.
˗Zlan ˈtɔ ꞊dede pö ˗sü ˗wɔn ˗yö ˈˈgbɩɩ˗. ˈPë ˗kë ˈö ˈkwa ꞊mɔɔn˗ ˗bha ˈkwa˗ pö ˗a ˈtɔ ꞊dede ˗yö dosɛnŋ, ˗a ˗ga.
a ˈWɔn ˈö ˗gban ˗Zlan ˈtɔ ˗gɛn ˗bha waa ˈpë ˗kë ˈö Biblö ꞊dhiëëtamɛn ˈbhaa ˗nu ˗wa bho Biblö ˈgü, ˈbha˗ pö ˈü˗ ˈbhaa ˈgüman, ˗bhö kpɔɔˈˈ La Bible. Traduction du monde nouveau Appendice A4 ˗bha.
