ZANNOO 04
Aŋ La Naaŋmen?
Nensaaleba zemmo zaa poɔŋ, ba puoree baga yaga zaa. Kyɛ a Baabole yelka Naaŋmen yeni yoŋ la bebe, ona la “e kpoŋ gaŋ ŋmemɛ zaa.” (2 Tungkori 2:5) Naaŋmen buo la lɛ? Boŋ vɛŋ ka Naaŋmen e kpoŋ gaŋ a ŋmemɛ na zaa noba naŋ puoro na? A zannoo ŋa poɔŋ, ho na zannɛɛ yɛlɛ yaga a kyaare a Naaŋmen ŋa.
1. Naaŋmen yuori la bo, ka boŋ wuli ka o boɔrɔŋ ka te baŋ o yuori na?
A Baabole poɔŋ, Naaŋmen wulee o meŋɛ ko te. O yeleeŋ ka: “Maaŋ la Jehoova. N yuori la lɛ.” (Kanne Aizeeya 42:5, 8.) “Jehoova” eɛ Hiburu yuori. A yuori muni la “O Maŋ Vɛmeŋ Ka O Boɔbo Nyɛ Eebo.” Jehoova boɔrɔŋ ka te baŋ o yuori na. (Yiibu 3:15) Wala teŋ e baŋ lɛ? O vɛŋɛɛŋ baŋ sɛge o yuori na eŋ a Baabole poɔŋ a gaŋ gbɛɛ 7,000! a Kyɛ a yelmeŋɛ “Naaŋmen naŋ be saluoni saazuŋ ane teŋgane muniŋ” na yoŋ yuori la Jehoova.—Duturoonomi 4:39.
2. Boŋ ka a Baabole wuli te a kyaare Jehoova?
A Baabole yelka, a ŋmemɛ na zaa nensaaleba naŋ puoro na poɔŋ, Jehoova yoŋ la a yelmeŋɛ Naaŋmen. Ananso la wala? A ananso e la yaga. Jehoova la kpeɛ̃o zaa daana, ona yoŋ la “Sazu Baaraa Zaa Daana donɛɛ zaa eŋɛŋ.” (Kanne Yieme 83:18.) Ona la “a Kpeɛ̃o Zaa Daana,” lɛ wuleeŋ ka o taa la faŋa a na toɔ̃ e lɛ zaa o naŋ boɔrɔ. Ona la “maale boma zaa”—a maale sazu ane a donɛɛ ane bonvoɛ zaa naŋ be a teŋɛzuŋ. (Yel-iriwulaa 4:8, 11) Nensaaleba taa la piilee, kyɛ Naaŋmen yɛŋ ba taa piilee. O bebeŋ lɛɛŋ gɛrɛ tegitegilɛ.—Yieme 90:2.
ZANNE YƐLƐ YAGA POƆ
Zanne nyɛ tɛɛtɛɛ naŋ be Naaŋmen yodɔglɔ ane o yuori naŋ e o yoŋ na kpakyagaŋ. Kyɛ pãã lɛ zanne sori na ane bon naŋso oŋ wuli bo o yuori na.
3. Naaŋmen taa la yodɔglɔ yaga zaa, kyɛ taa yomeŋɛ bonyeni
Ka hooŋ boɔrɔ ka ho nyɛ tɛɛtɛɛ naŋ be neɛ yuori ane o yodɔglɔ kpakyagaŋ, ŋmɛ a VIDIO, a kyɛ pãã gyieli a soorebiri naŋ tu na yɛlɛ.
-
Bo tɛɛtɛɛ la be yodɔglee aŋa “Daana,” ane yomeŋɛ kpakyagaŋ?
A Baabole yeleeŋ ka noba maŋ puoro la ŋmemɛ ane daaneba yaga. Kanne Yieme 136:1-3, a kyɛ gyieli a soorebiri ŋa yɛlɛ:
-
Aŋ la “a ŋmemɛ zaa Naaŋmen” ane “a daaneba zaa Daana”?
4. Jehoova boɔrɔŋ ka ho baŋ o yuori na a kyɛ boɔlɔ o yuori na meŋ
Boŋ wuli ka Jehoova boɔrɔŋ ka ho baŋ o yuori na? Ŋmɛ a VIDIO, a kyɛ gyieli a soorebie naŋ tu na yɛlɛ.
-
Ho teɛre ka Jehoova boɔrɔŋ ka noba baŋ o yuori na bee? Ananso la wala?
Jehoova boɔrɔŋ ka noba boɔlɔ o yuori na. Kanne Urom 10:13, a kyɛ gyieli a soorebie ŋa yɛlɛ:
-
Bonso aŋ e nimizeɛ ka te boɔlɔ Naaŋmen yuori Jehoova na?
-
Ka neɛ kaŋaŋ wa teɛre ho yuori a de boɔle bo, wala aŋ maŋ erɛ bo?
-
Ka hooŋ wa boɔle Jehoova yuori na, ho teɛre ka wala aŋ maŋ erɛ Jehoova?
5. Jehoova boɔrɔŋ ka ho tage peɛloo
Pɔge kaŋa naŋ yi Cambodia baŋ boɔlɔ Soten da yeleeŋ ka, saŋa na oŋ zanne baŋ Naaŋmen yuori na, a somooŋ “oŋ taa popeɛloŋ yaga zaa o zemmo poɔŋ.” Ŋmɛ a VIDIO, a kyɛ gyieli a soorebiri naŋ tu na yɛlɛ.
-
A vidio poɔŋ, saŋa na Soten naŋ wa baŋ Naaŋmen yuori na, wala oŋ da e o yɛlɛ?
Ka hooŋ boɔrɔ ka ho e neɛ kaŋa zɔmeŋɛ, o yuori hoŋ maŋ daŋ baŋ. Kanne Gyimisi 4:8a, a kyɛ gyieli a soorebie ŋa yɛlɛ:
-
Wala ka Jehoova boɔrɔ ka ho e?
-
Ka hooŋ baŋ Naaŋmen yuori a de tonɔ toma, sobuo aŋ na toɔ̃ soŋ bo ka ho tage peɛloo?
NOBA MINE MAŊ YELEŊ KA: “Naaŋmen yeni yoŋ la bebe, azuŋ a ba fɛre ka ho de o yuori boɔloo.”
-
Ho sagedieŋ ka Naaŋmen yuori la Jehoova?
-
Wala hoŋ na e wuli neɛ ka Naaŋmen boɔrɔŋ ka te boɔlɔ o yuori na?
A ZANNOO YELNIMIZEERE
A yelmeŋɛ Naaŋmen bonyeni na yuori la Jehoova. O boɔrɔŋ ka te baŋ o yuori na a maŋ de boɔloo a toɔ̃ tage peɛloo.
Bo Hoŋ Zanne
-
Sobuo ka Jehoova e o yoŋ a yi ŋmemɛ na zaa noba naŋ puoro na poɔŋ?
-
Bonso aŋ fɛre ka te boɔlɔ Naaŋmen yuori na?
-
Boŋ wuli ka Jehoova boɔrɔŋ ka te tage peɛloo?
YƐLƐ MINE NAŊ LƐ BEBE
Zanne nyɛ yɛlɛ anuu mine naŋ wuli ka Naaŋmen bebeŋ.
Gyieli nyɛ ananso yɛŋ naŋ bebe ka te sagedi ka saŋa zaa ka Naaŋmen bebe, o ba taa piilee.
Zanne nyɛ ananso a naŋ seŋ ka te boɔlɔ Naaŋmen yuori na, haali gba ka te naŋ ba baŋ lɛ na meŋɛ ba naŋ da boɔlɔ o yuori na takoreŋ saŋa na.
Te na baŋ boɔlɛɛ Naaŋmen lɛ zaa te naŋ boɔrɔ bee? Nyɛ ananso zuŋ te naŋ na toɔ̃ yelka o taa la o meŋɛ yuori bonyeni.
a Ka hooŋ boɔrɔ ka ho baŋ yɛlɛ yaga kyaare Naaŋmen yuori na ane ananso ba naŋ iri o yuori na yi Baabole yobo mine poɔŋ, gaa kaa Appendix A4 naŋ be a New World Translation of the Holy Scriptures poɔŋ.
