PIÖÖC 04
Nhialic Yeŋa?
Dhaman bëër cïï mɛnh ë raan rëër ë pinynɔm, aacï Nhialiic juëc bën ya door. Ku yen, aye Baibol lueel Nhialic yic ee tök ku “awäär Nhialiic kɔ̈k kä ëbën.” (2 Lëk de Akööl 2:5) Yeŋa Nhialic kënë? Ku yeŋö yen cɔl adït tënë Nhialiic ye kɔc kɔ̈k ke door ëbën? Në ye piööc kënë yic, piɔ̈ɔ̈cë ye këdï cïï Nhialic kënë röt nyuöth yïn.
1. Nhialic ye cɔɔl ŋa, ku ye këdï lëu bïï Ɣok ye ŋic nɔn wïc yen Ɣok buk rinke ŋic?
Ë Baibolic, Nhialic acï rot nyuöth Ɣok. Aye lueel: ‘Ee Ɣɛn Yekoba. Aa keek ë rinkiɛ̈.” (Kuen Yithaya 42:5, 8. NWT) “Yekoba” ee thoŋ Ɣebruu cï waaric ye lueel “Ee käŋ looi bïk röt lëu” Yekoba awïc Ɣok buk rinke ŋic. (Bɛ̈nbei 3:15) Ye këdï lëu bïï Ɣok ye ŋic yen kënë? Ë Baibolic acï rinke lɛ̈k Ɣok thïn ayic 7,000! a Rin cɔɔl Yekoba aa rin ke ‘Nhialic yic tɔ̈u paannhial ku piny.’—Nyöŋ de Löŋic 4:39.
2. Yeŋö ye Baibol nyuɔɔth ë biäk ë Yekoba?
Aye Baibol lueel ë kaam ë Nhialiic juëc ye mɛnh ë raan door, Yekoba ee yen Nhialic yic pacɔ̈k. Ye wɛ̈tŋö? Anɔŋ yiith juëc ë ye nyuɔɔth. Yekoba anɔŋ riɛl ë këriëëc ëbën nɔm, ku yen yetök “yen ee Bɛ̈nydït Awärjäŋ ë pinynɔm ëbɛ̈n.” (Kuen Diɛt 83:18.) Yen ee “Nhialic awärjäŋ,” wɛ̈tde yic yen anɔŋ riɛl bï këriëëc ëbën kɔɔr looi. Ee yen “cï këriëëc ëbën cak”—paannhial ku pinynɔm ku kä pïïr tɔ̈u thïn ëbën. (Nyuuth 4:8, 11) Ke cïn raan thöŋ ke yen, Yekoba arɛ̈ɛ̈r thïn athɛɛr, ku abï ŋot ke rɛ̈ɛ̈r thïn aköölriëëc ëbën.—Diɛt 90:2.
YÄP DÏT
Tïŋ të cïï miɔ̈ɔ̈r ke Nhialic thöŋ ke rin ken wääc. Ku jɔl piɔ̈ɔ̈c ye këdï ku ye wɛ̈tŋö cïï yen rinke nyuöth yïn.
3. Nhialic anɔŋ miɔ̈ɔ̈r juëc, ku rinke ayekë tök
Ku ba tïŋ ye këdï wëëc miɔ̈ɔ̈r ke raan keke rinke, Puɔl ë BIDEO, ku jɔlkë thiëc bɔ̈ jäämic.
-
Yeŋö ye miɔ̈ɔ̈r cït man, “Bɛ̈nydit,” wuöc keke rin?
Aye Baibol nyuɔɔth nɔn anadɛ̈ ke kɔc aa duur ë nhialiic juëc ku bäny juëc. Kuen Diɛt 136:1-3, ku jɔlkë thiëc kënë jäämic:
-
Yeŋa yen “Nhialic wär yiëth (awu nhialiic) ëbɛ̈n” ku yen “Bɛ̈nydït de bäny”?
4. Yekoba awïc yïn ba ŋic ku ba ya cɔɔl ë rinke
Yeŋö ye nyuɔɔth nɔn anadɛ̈ ke Yekoba awïc yïn ba rin ke ŋic? Puɔl ë BIDEO, ku jalkë thiëc kä jäämiic.
-
Ye takic Yekoba awïc bï rinke ŋic? Ku ye wɛ̈tŋö?
Yekoba awïc kɔc bïk rinke ya cɔɔl. Kuen Romai 10:13, ku jalkë thiëc kä jaamiic:
-
Yeŋö piɛɛth yen buk rinke Nhialic, Yekoba ya cɔɔl?
-
Ye yök këdï ë yïpuɔ̈u të cï raan däŋ rinku ŋic ku ye yïn cɔɔl ë keek?
-
Ye takic keye Yekoba yök këdï ye puɔ̈u të cïï yïn rinke cɔɔl?
5. Yekoba akɔɔr yïn ba thiääk wek yen
Tiiŋ ë paan ë kambodia ye cɔɔl Soten acï lueel ŋïny cïï yen rin ke nhialic ŋic acï yen kuɔny bï puɔ̈u miɛt apɛ̈i ë “pïïr ë pinynɔmic.” Puɔl ë BIDEO, ku jalkë thiëc bɔ̈ jäämic.
-
Ë bideo kënë yic, ye këdï cïï ŋïny ë rinke Nhialic Soten kuɔny?
Ke yï ken guɔ määth wek raan, aa rinke kek ye kaŋ ŋic. Kuen Jakop 4:8a, ku jalkë thiëc kä jäämiic:
-
Yeŋö ye Yekoba yïn cɔɔl ba looi?
-
Ye këdï ye ŋïny ë rinke Nhialic ku ye cɔɔl yïn kuɔny ba thiääk keke yen?
AYE KƆC KƆ̈K LUEEL: “Nhialic ee tök, acïn këye looi ë kuat të ye yïn yen caal thïn.”
-
Nadɛ̈ ye gam Yekoba aa rinke Nhialic?
-
Ye këdï lëu bï yïn ye laaric Ɣok nɔn nadɛ̈ ke Nhialic awïc Ɣok buk rinke ya cɔɔl?
JAM CIEKIC
Yekoba aa rinke Nhialic töŋ yic. Akɔɔr Ɣok buk ŋic ku yeku rinke cɔɔl buk thiääk keke yen.
Bëër Yic
-
Ye këdï cïï Yekoba thöŋ keke nhialiic kɔ̈k ye kɔc ke door?
-
Ye wɛ̈tŋö lëu bïï Ɣok rinke Nhialic ya cɔɔl?
-
Yeŋö ye nyuɔɔth nɔn nadɛ̈ ke Yekoba awïc yïn ba thiääk wek yen?
YƆ̈P WËL JUËC KƆ̈K
Tïŋ käŋ kadhïc ë yen nyuɔɔth nɔn nadɛ̈ ke Nhialic atɔ̈u.
Tïŋ ye wɛ̈tŋö ye gääm nɔn nadɛ̈ Nhialic atɔ̈u yen ya yic?
Piɔ̈ɔ̈cë ye wɛ̈tŋö lëu bïï Ɣok rinke Nhialic ya cɔɔl, cɔk anɔn ë kuc tɛ̈ ye yen ŋiec cɔɔl thïn thɛɛr.
Nɔŋ ke yïndï thïn tɛ̈ ye Ɣok Nhialic caal thïn? Tïŋ ye wɛ̈tŋö ye Ɣok ye lueel rinke aa tök.
a Ba wël kɔ̈k ŋic ë biäk ë rinke Nhialic ku ye wɛ̈tŋö cïï kɔc kɔ̈k ke cï Baibol waaric rinke bɛ̈ibei thïn, tïŋ Appendix A4 biäk New World Translation of the Holy Scriptures.
