SHIRONGWA 04
Are Karunga?
Kutundilira kushiruwo shakare, vantu kwa karera vakarunga vavangi. Ngoli Bibeli, ya twenya Karunga ‘wamunene ogho a pitakano vakarunga navantje.’ (2 Vahistoli 2:5) Karunga munke ogho? Ntani nke a karera wamunene kupitakana vakarunga vapeke? Mushirongwa shino, kughukakushonga ovyo ana shana Karunga ghuno u yive kumuhamena.
1. Are lidina lyaKarunga ntani nke vina kuneghedo ashi uye ana shana tuliyive?
Karunga aku tongonona mwene kupitira muBibeli. Ghuye kwa ghamba ashi: “Ame Jehova. Olyo ndyo lidina lyande.” (Varura Jesaya 42:5, 8.) Lidina “Jehova” kwa litoroka litunde muliraka lyaRuhebeli olyo lya tanto ashi “Uye kutikitamo kehevino.” Jehova ana shana tuyive lidina lyendi. (Exodus 3:15) Weni omo tuna viyiva? Morwa mwene kwa tura lidina lyendi muBibeli vikando kupitakana pa 7 000! a Jehova ndyo lidina ‘lyaKarunga waushiri muliwiru napalivhu.’—Deuteronomi 4:39.
2. Nke yaghamba Bibeli kuhamena Jehova?
Bibeli kwa ghamba ashi, kuvakarunga navantje, Jehova pantjendi Karunga waushiri. Morwanke? Pakara konda dakukushuva-shuva. Jehova pantjendi a karo nankondo dakupangera kupitakana keheuno ntani pantjendi nka “Mupangeli waMunenepo udjuni mudima.” (Varura Pisalme 83:18.) Uye “Munankondo nadintje,” kutanta ashi a kara nankondo dakuruwana kehevino ana shana. Uye ndje ‘ghashito navintje’ udjuni mudima. (Lishorwero 4:8, 11) Jehova kapi a kara nalitamekero nauhura yira vantu.—Pisalme 90:2.
TEDA KO
Kushonge kuhamena makushuvo pakatji kavitwenyidito vyaKarunga ntani lidina lyendi. Makura kenga omo a kushorwera lidina lyendi nakonda ovyo a virughanena.
3. Karunga a kara nalidina navitwenyidito
Pakuyiva makushuvo pakatji kalidina nashitwenyidito, kengera VIDIYO makura timwitirenu lipuro lino.
-
Makushuvo munke a karo po pakatji kashitwenyidito yira “Hompa” ntani lidina?
Bibeli ya negheda ashi vantu kuraperera kuvakarunga navahompa vavangi. Varura Pisalme 136:1-3 makura timwitirenu lipuro lino:
-
Are “Karunga a pitakano vakarunga” ntani “Hompa a pitakano vahompa”?
4. Jehova ana shana u yive lidina lyendi nakulirughanita
Vinke vina kuneghedo ashi Jehova ana shana uyive lidina lyendi? Kengera VIDIYO makura timwitirenu mapuro ghano.
-
Weni una kughayara, Jehova ana shana vantu va yive lidina lyendi ndi? Morwanke?
Jehova ana shana vantu va rughanite lidina lyendi. Varura Roma 10:13 makura timwitirenu mapuro ghano:
-
Nke vya karera mulyo kurughanita lidina lyaJehova?
-
Weni wakuyuvhanga ntjeneshi muntu a vhuruka lidina lyoye nakulikuyitita?
-
Weni una kughayara a kuyuvanga Jehova opo wa rughanitanga lidina lyendi?
5. Jehova ana shana u shuwenene pepi naye
Mukamali wakuCambodia walidina Soten kwa ghamba ashi opo a kushonga lidina lyaKarunga kwa muyitira “ruhafo rwarunene.” Kengera VIDIYO makura timwitirenu lipuro lino.
-
Muvidiyo, weni Soten vya mu kundamine opo a kushongire lidina lyaKarunga?
Kumeho u tulitepo uholi namuntu, wa hepa tanko kuyiva lidina lyendi. Varura Jakobus 4:8a makura timwitirenu mapuro ghano:
-
Vinke ana kukushungida Jehova u rughane?
-
Weni kuyiva lidina lyaKarunga nakulirughanita ngavi kuvatera u shuwenene pepi naye?
VAMWE KUGHAMBA ASHI: “Karunga umwe tupu a karo, kapishi hepero u rughanite lidina lyendi.”
-
Wa vipura ashi Jehova lidina lyaKarunga ndi?
-
Weni omo u vi faturura ashi Karunga ana shana tu rughanite lidina lyendi?
LIKAMO
Jehova kuna kara lidina lyaKarunga washiri. Uye ana shana tu yive lidina lyendi nakulirughanita mposhi tu vhure kushuwenena pepi naye.
Livyukuruko
-
Weni Jehova a kushuva navakarunga vapeke ovo va kareranga vantu?
-
Nke tu rughanitira lidina lyaKarunga?
-
Nke vina kuneghedo ashi Jehova ana shana u shuwenene pepi naye?
YIVAKO VYAVINGI
Kona-kona konda ntano dina kuneghedo ashi Karunga mpo a kara.
Kona-kona konda dina kuneghedo ashi Karunga shiri mpo a kara.
Kushonge ovyo tu rughanitira lidina lyaKarunga mpili momu twa dira kuyiva omo kava litwenyanga pa kare.
Hepero tu mu yite Karunga kulidina ndi? Kenga ovyo tuna kughambera ashi uye a kara nalidina.
“Madina mangashi a kara nagho Karunga?” (Shirongwa kuintanet)
a Kumaukenu kuhamena ovyo lya tanta lidina lyaKarunga ntani ovyo mumatoroko ghamwe ghaBibeli valighupiramo, kenga Appendix A4 muNew World Translation of the Holy Scriptures.
