JOKWA 04
Nja ńe Loba e?
Botea ponda bato beno̱ longe̱, ba mowe̱ maloba jita. Nde Bibe̱l e makwalea ońola Loba diwo̱ lena di “kolo buka maloba me̱se̱.” (2 Myango 2:5) Nja nu e? Nje pe̱ e mabole̱ ná a buke mane̱ maloba me̱se̱ mena bato ba mowe̱no̱ e? O din jokwa, o mala jokwa nje din Loba di mapulano̱ ná o bie jombwea mo̱.
1. Dina la Loba ná nja, ne̱ni pe̱ di bino̱ ná a mapula ná di bie di dina e?
O Bibe̱l, Loba a malangwea biso̱ nja eno̱. Mo̱ ná: “Mba nde ne Yehova. Dina lam di.” (Langa Yesaya 42:5, 8.) “Yehova” nika ńe nde betukwedi ba dina la Bonahebe̱r lena bupisane̱ babiedi jita, di mapula kwala ná “A mabola ná e timbe be̱.” Yehova a mapula ná di bie dina lao. (Bebusedi 3:15) Ne̱ni di bino̱ nika e? A boli ná dina lao di be̱ o Bibe̱l buka 7 000 la ngedi! a Dina la “Loba la mbale̱ mō̱ me̱ne̱” o mo̱ń na o wase ná Yehova.—Yohane 17:3.
2. Nje Bibe̱l e malangweano̱ biso̱ jombwea Yehova e?
Bibe̱l e makwala ná oteten a maloba me̱se̱ mena bato ba mowe̱no̱, Yehova mo̱me̱ne̱ mō̱ nde e Loba la mbale̱. Ońola nje e? Njo̱m ye jita. Yehova a be̱n doi la byanedi lasam, mo̱me̱ne̱ mō̱ pe̱ nde e “Ńasam omo̱ń a wase ńe̱se̱.” (Langa Myenge 83:19.) Mo̱ nde e “Ńangum,” ebanja a be̱n ngińa o bola nje ye̱se̱ a mapulano̱. Mo̱ nde a “weki mambo me̱se̱,” nika ńe nde mo̱ń na wase na nje ye̱se̱ ye longe̱ oten. (Bebīsedi 4:8, 11) Yehova mo̱me̱ne̱ mō̱ pe̱ nde e longe̱ o bwindea na bwindea.—Myenge 90:2.
ALA O NJIBA
Bata jokwa diwengisan le oteten a beto̱ti ba Loba na mpo̱m mao ma dina. Nde wokwe pe̱ ne̱ni na ońola nje a bīse̱no̱ wa dina lao.
3. Loba a be̱n beto̱ti jita, nde a be̱n nde dina diwo̱
Ná we̱ne̱ diwengisan le oteten a eto̱ti na dina la moto, ombwa SINIMA, nde lo kwaleye pe̱ ońola myuedi mi mabupe̱.
-
Njika diwengisan le oteten a eto̱ti ka “Sango” na dina e?
Bibe̱l e memba ná bato ba mowe̱ maloba na basango jita. Langa Myenge 136:1-3, nde lo kwaleye pe̱ ońola min myuedi:
-
Nja ńe “Loba la maloba” na “Sango a basango” e?
4. Yehova a mapula ná o bie dina lao o bolane̱ pe̱ mo̱
Nje e malee̱ ná Yehova a mapula ná o bie dina lao e? Ombwa SINIMA, nde lo kwaleye pe̱ ońola myuedi mi mabupe̱.
-
Ońola nje o mo̱nge̱le̱no̱ ná Yehova a mapula ná di bie dina lao e?
Yehova a mapula ná bato ba bolane̱ dina lao. Langa Roma 10:13, nde lo kwaleye pe̱ ońola min myuedi:
-
Ońola nje yeno̱ mweńa jita ná di bolane̱ dina la Loba, Yehova e?
-
Ne̱ni o masengano̱ ke̱ moto o̱nge̱le̱ dina lo̱ngo̱ nde a bolane̱ pe̱ mo̱ e?
-
O mo̱nge̱le̱ ná Yehova a masenga nde ne̱ni ke̱ o mabolane̱ dina lao e?
5. Yehova a mapula ná o siseye be̱be̱ na mo̱
Muto mō̱ ńa Kambodia nu mabelabe̱ ná Soten ńena ńoko o bia dina la Loba a kwali ná “o si be̱n muńe̱nge̱ o wase mu po̱i mu.” Ombwa SINIMA, nde lo kwaleye pe̱ ońola myuedi mi mabupe̱.
-
O ni sinima, ne̱ni bia la dina la Loba di tapino̱ Soten e?
O jita la ngedi, o mase̱le̱ nde bia dina la moto obiana o mabe̱ diko̱m lao. Langa Yakobo 4:8a, nde lo kwaleye pe̱ ońola min myuedi:
-
Nje Yehova a mabaise̱no̱ wa ná o bole e?
-
Ne̱ni bia na bolane̱ la dina la Loba beno̱ ná bongwane̱ wa o sisea be̱be̱ na mo̱ e?
BATO BA MAKWALA NÁ: “Loba le nde diwo̱, e be̱ to̱ ne̱ni di mabele̱no̱ mo̱.”
-
Mo̱ o dube̱ ná dina la Loba ná Yehova e?
-
Ne̱ni weno̱ ná o teleye̱ moto ná Loba a mapula ná di bolane̱ dina lao e?
EBONGOLO
Dina la mpo̱m ma Loba la mbale̱ ná Yehova. A mapula ná di bie di dina di bolane̱ pe̱ mo̱, ná di we̱le̱ sisea be̱be̱ na mo̱.
Ndimbisedi
-
Nje e mawe̱le̱ Yehova diwengisan na mane̱ maloba me̱se̱ bato ba mowe̱no̱ e?
-
Ońola nje jangame̱nno̱ bolane̱ dina la Loba e?
-
Nje e malee̱ ná Yehova a mapula ná o siseye be̱be̱ na mo̱ e?
BATA WASA
Ombwea njo̱m you itanu i mabamse̱ ná Loba e.
Ombwea ońola nje e te̱nge̱nno̱ o dube̱ ná Loba e o bwindea na bwindea.
Okwa ońola nje jangame̱nno̱ bolane̱ dina la Loba, to̱ e be̱ nde ná di si bi ne̱ni ba tano̱ ba pase̱le̱ mo̱ o bebayedi.
Mo̱ mbadi di mabele̱no̱ Loba ńe mweńa e? E̱ne̱ ońola nje di makwalano̱ ná a be̱n nde dina diwo̱ na mune.
a Ná o bie mambo mape̱pe̱ jombwea beteledi ba dina la Loba na ońola nje Bibe̱l iwo̱ i sumono̱ mo̱, ombwa Appendice A4 ńa La Bible. Traduction du monde nouveau.
