KALANSEN 04
Ala ye jɔn lo ye?
Kabi wagatijan, adamadenw be batofɛn sifa caaman bato. Nka Bibulu be kuma Ala dɔ koo la min ‘ka bon ni batofɛnw’ bɛɛ ye (2 Tilew Kibaru 2:5, Bible senuma). Mun lo b’a to a ka bon ni adamadenw ka batofɛnw bɛɛ ye? Kalansen nin na, an bena a ye o Ala b’a fɛ i ka min lɔn ale koo la.
1. Ala tɔgɔ ko di ani mun lo b’a yira ko a b’a fɛ an k’ale tɔgɔ lɔn?
Bibulu kɔnɔ, Ala y’a tɔgɔ fɔ an ye. A ko: “Ne ye Jehova de ye, o ye ne tɔgɔ ye.” (Ezayi 42:5, 8, Bible senuma, 1961). Eburukan kumaden min bayɛlɛmana ko “Jehova,” a kɔrɔ be se ka kɛ ko: “A b’a kɛ a be kɛ a ye.” Jehova b’a fɛ an k’ale tɔgɔ lɔn (Ɛkizɔdi 3:15). Mun lo b’a yira ko a b’a fɛ an k’ale tɔgɔ lɔn? A y’a kɛ u y’a tɔgɔ sɛbɛ Bibulu kɔnɔ siɲɛ 7 000 ni kɔ bɛɛ! a Ale min ye “Ala ye sankolo la ani dugukolo kan,” a tɔgɔ ko Jehova.—Deteronɔmu 4:39.
2. Bibulu be mun lo fɔ Jehova koo la?
Adamadenw be fɛɛn caaman bato. Nka Bibulu b’a fɔ ko Jehova kelenpe lo ye tiɲɛn Ala ye. Mun na do? Kuun caaman b’o la. Jehova lo ye fɛɛn bɛɛ Kuntigi ye. Ale kelenpe lo ye “Kɔrɔtalenba ye dugukolo yɔrɔw bɛɛ kun na.” (Zaburuw 83:19, Bible senuma). Ale lo ye Sebagayabɛɛtigi ye. O kɔrɔ ko see b’a ye k’a diyanyekow bɛɛ kɛ. Ale lo ye “fɛɛn bɛɛ dan,” o kɔrɔ, a ye duniɲa kuru bɛɛ dan ani fɛɛn o fɛɛn be ɲɛnamaya kɛra dugukolo kan (Yirali 4:8, 11). Ka fara o kan, daminɛ tɛ Jehova kelenpe lo la, ani a bena kɛ yen kudayi.—Zaburuw 90:2.
A ƝINI KA DƆ LƆN TUGUN
An k’a filɛ faranfasi min be Ala bonyatɔgɔw ani a tɔgɔ yɛrɛ yɛrɛ cɛ. An ben’a ye fɛɛn min kama a y’a tɔgɔ yira an na ani a y’o kɛ cogo min na.
3. Ala bonyatɔgɔw ka ca, nka a tɔgɔ yɛrɛ yɛrɛ ye kelen ye
Faranfasi juman be mɔgɔ bonyatɔgɔ n’a tɔgɔ yɛrɛ yɛrɛ cɛ? A’ ye VIDEWO filɛ. O kɔ, a’ ye ɲiningali nin kɛ ani ka baro kɛ o kan:
-
Faranfasi juman lo be Ala bonyatɔgɔw n’a tɔgɔ yɛrɛ yɛrɛ cɛ?
Bibulu b’a fɔ ko mɔgɔw be matigiw ani ala caaman bato. Zaburuw 136:1-3 kalan. O kɔ, a’ ye ɲiningali nin kɛ ani ka baro kɛ o kan:
-
Ala juman lo ‘ka bon ni batofɛnw bɛɛ ye’ ani a ye “matigiw ka Matigi” ye?
4. Jehova b’a fɛ an k’ale tɔgɔ lɔn ani k’a tɔgɔ fɔ
Mun lo b’a yira ko Jehova b’a fɛ i k’ale tɔgɔ lɔn? A’ ye VIDEWO filɛ. O kɔ, a’ ye ɲiningali nunu kɛ ani ka baro kɛ u kan:
-
Ele ka miiri la, mun na Jehova b’a fɛ mɔgɔw k’ale tɔgɔ lɔn?
Jehova b’a fɛ mɔgɔw k’ale tɔgɔ fɔ. Ɔrɔmukaw 10:13 kalan. O kɔ, a’ ye ɲiningali nunu kɛ ani ka baro kɛ u kan:
-
Mun na a kɔrɔtanin lo an ka Ala tɔgɔ weele, o min ye Jehova ye?
-
Ni mɔgɔ dɔ y’a hakili to i tɔgɔ la ani a y’i weele i tɔgɔ la, o be mun lo kɛ i la?
-
Ele ka miiri la, n’i be Jehova tɔgɔ weele wala n’i b’a tɔgɔ fɔ, o be mun lo kɛ a la?
5. Jehova b’a fɛ i ka kɛ a teri ye
Muso dɔ be bɔ Kanbɔzi jamana na, a tɔgɔ ko Soten. A y’a fɔ ko ale ye Ala tɔgɔ lɔn minkɛ, o y’a ninsɔndiya fɔɔ a tɛ se ka fɔ. A’ ye VIDEWO filɛ. O kɔ, a’ ye ɲiningali nin kɛ ani ka baro kɛ o kan:
-
Soten ye Ala tɔgɔ lɔn minkɛ, o ye mun lo kɛ a la?
N’i b’a fɛ ka kɛ mɔgɔ dɔ teri ye, i b’a ɲini k’a tɔgɔ lo lɔn fɔlɔ. Zaki 4:8a kalan. O kɔ, a’ ye ɲiningali nunu kɛ ani ka baro kɛ u kan:
-
Jehova b’a ɲini i fɛ i ka mun lo kɛ?
-
N’i be Ala tɔgɔ lɔn ani n’i b’a tɔgɔ fɔ, o bena i dɛmɛ cogo di ka kɛ a teri ye?
NI MƆGƆ DƆ Y’A FƆ I YE KO: “Ala ye kelen lo ye. I man’a weele cogo min na, o bɛɛ ye kelen ye.”
-
I sɔnna a ma ko Ala tɔgɔ ko Jehova wa?
-
I ben’a ɲɛfɔ mɔgɔ dɔ ye cogo di ko Ala b’a fɛ an k’ale tɔgɔ fɔ?
MIIRIYA JƆNJƆN
Tiɲɛn Ala ye kelenpe lo ye. A tɔgɔ ko Jehova. A b’a fɛ an k’ale tɔgɔ lɔn ani k’a tɔgɔ fɔ. O la, an bena se ka kɛ a teri ye.
I ye mun lo faamu?
-
Adamadenw be fɛɛn minw bato, mun lo b’a to Jehova be dan na u bɛɛ la?
-
Mun na an ka ɲi ka Ala tɔgɔ fɔ?
-
Mun lo b’a yira ko Jehova b’a fɛ i ka kɛ a teri ye?
NUNU LAJƐ FANA
Dalilu barikaman duuru lajɛ minw b’a yira ka gwɛ ko Ala be yen tiɲɛn na.
A filɛ fɛɛn min kama a bɛnnin lo an ka sɔn a ma ko daminɛ tɛ Ala la.
“Qui a fait Dieu ?” (Saan 2014, utikalo tile fɔlɔ ka Kɔrɔsili Sangaso)
A filɛ fɛɛn min kama an ka ɲi ka Ala tɔgɔ fɔ hali ni mɔgɔw t’a lɔn a tun be fɔ cogo min na tigitigi galen.
An be Ala weele cogo min na, o kɔrɔtanin lo wa? A filɛ fɛɛn min kama an be se k’a fɔ ko Ala tɔgɔ yɛrɛ yɛrɛ ye kelen ye.
a Ala tɔgɔ kɔrɔ ye min ye, n’i be kunnafoni wɛrɛw fɛ o koo la ani n’i b’a fɛ k’a lɔn fɛɛn min kama dɔw y’o tɔgɔ bɔ Bibulu bayɛlɛmanin dɔw kɔnɔ, Appendix A4 lajɛ, La Bible. Traduction du monde nouveau kɔnɔ.
