04 IKASGAIA
Nor da Jainkoa?
Gizakiek, ia existitzen direnetik, jainko ugari adoratu dituzte. Hala ere, Bibliak Jainko bati buruz hitz egiten du eta «beste jainko guztiak baino handiagoa dela» esaten du (2 Kronikak 2:4 [2:5, NWT]). Nor da eta zergatik da beste jainko guztiak baino handiagoa? Ikasgai honetan, Jainkoak bere buruari buruz esaten duena aztertuko dugu.
1. Zein da Jainkoaren izena eta nola dakigu guk hau ezagutzea nahi duela?
Biblian Jainkoak bere burua aurkezten du: «Izango naiz» (Irteera 3:14, 15). a 15 bertsetaren oharrean YHWH izena agertzen da. Izen hebrear hau (YHWH) gehienetan «Jehoba» itzultzen da eta, ziurrenik, ondorengoa esan nahi du: «Berak izatea eragiten du». Jehobak guk bere izena ezagutzea nahi du. Nola egon gaitezke ziur honetaz? Biblian bere izena 7.000 bat aldiz agertzen delako. b Jehoba da benetako Jainkoaren izena (Deuteronomioa 4:39).
2. Zer erakusten digu Bibliak Jehobari buruz?
Gizakiak jainko ugari adoratzen ditu. Baina, Bibliaren arabera, Jehoba da benetako Jainko bakarra. Zergatik? Arrazoi desberdinak daude. Jehobak autoritate nagusiena du eta bera bakarrik da «lur guztiaren gain Goi-goikoa» (Irakurri 83. Salmoa 19 [83:18, NWT]). Bibliak «Ahalguztiduna» dela dio nahi duena egiteko boterea duelako. Berak gauza guztiak sortu ditu: unibertsoa eta lurrean dagoen bizia (Apokalipsia 4:8, 11). Eta Jehoba «betidanik eta betiko» bizi den bakarra da (90. Salmoa 2).
SAKONDUZ
Aztertu Jainkoaren tituluen eta bere izen bereziaren arteko desberdintasuna. Ondoren, ikusi nola eta zergatik erakutsi digun bere izena.
3. Jainkoak titulu asko izan arren, izen bakarra du
Zer ezberdintasun dago pertsona baten izena eta bere titulua erabiltzearen artean? Erantzuna ikusteko ikusi BIDEOA eta aztertu elkarrekin:
-
Zer desberdintasun dago «Jauna» bezalako titulu baten eta izen baten artean?
Jendeak jainko eta jaun ugari adoratzen dituela dio Bibliak. Irakurri 136. Salmoa 1-3 eta aztertu elkarrekin:
-
Nor da «jainkoen Jainkoa» eta «jaunen Jauna»?
4. Jehobak guk bere izena ezagutzea eta erabiltzea nahi du
Nola dakigu Jehobak guk bere izena ezagutzea nahi duela? Ikusi BIDEOA eta aztertu elkarrekin:
-
Zergatik uste duzu Jehobak bere izena ezaguna izatea nahi duela?
Jehobak jendeak bere izena erabiltzea nahi du. Irakurri Eginak 2:21, ikusi oharra eta aztertu elkarrekin:
-
Zenbateraino da garrantzitsua Jainkoaren izena, Jehoba, erabiltzea?
-
Nola sentitzen zara norbaitek zure izena gogoratzen eta erabiltzen duenean?
-
Zure ustez, nola sentitzen da Jehoba bere izena erabiltzen dugunean?
5. Jehobak zu bere laguna izatea nahi du
Soten izeneko Kanbodiako emakume batek ondorengoa dio: Jainkoaren izena ezagutzeari esker, inoiz baino zoriontsuagoa sentitu zela. Ikusi BIDEOA eta aztertu elkarrekin:
-
Nola eragin zion Soteni Jainkoaren izena ikasteak?
Norbaiten laguna izan aurretik, normalean, bere izena ezagutzen dugu. Irakurri Santiago 4:8a eta aztertu elkarrekin:
-
Zer egitera gonbidatzen gaitu Jehobak?
-
Jainkoaren izena ezagutzeak eta erabiltzeak, nola laguntzen digu berarengana hurbiltzen?
ZER DIO JENDEAK? «Jainko bakarra dagoenez, berdin dio nola deitzen diogun».
-
Ziur al zaude Jehoba dela Jainkoaren izena?
-
Nola azalduko zenuke Jainkoak guk bere izena erabiltzea nahi duela?
LABURPENA
Jehoba da benetako Jainko bakarraren izena. Guk izen hori ezagutzea eta erabiltzea nahi du berarengana hurbildu ahal izateko.
Berrikuspena
-
Zerk desberdintzen du Jehoba jendeak adoratzen dituen beste jainkoengandik?
-
Zergatik erabili beharko genuke Jainkoaren izena?
-
Nola dakigu Jehobak gu bere lagunak izatea nahi duela?
GEHIAGO IKASTEKO
Aztertu Jainkoaren existentzia frogatzen duten bost arrazoi.
Zergatik da arrazoizkoa Jainkoa beti existitu dela sinestea?
«Nork sortu zuen Jainkoa?» (La Atalaya edo La Tour de Garde, 2014 abuztuak 1)
Ikusi zergatik erabiltzen dugun Jainkoaren izena, jatorriz nola ahoskatzen zen zehazki ez ezagutu arren.
Nola deitzen diogu Jainkoari, izenez edo tituluak erabiliz? Garrantzitsua al da? Ikusi zergatik esan dezakegun berak izen berezi bakarra duela.
a Euskarazko beste Biblia batzuetan ere Jainkoaren izena azaltzen da bere forma desberdinetan. Adibidez, Jaime Kerexetaren Euskal Biblian Irteera 3:15eko oharrean agertzen da. Olabideren itzulpenenean, berriz, behin baino gehiagotan agertzen da, esaterako, Irteera 3:15ean eta Isaias 42:8an. Azken honek, hau dio: «Yaube naiz Ni; hau da nire izena».
b Jainkoaren izenaren esanahiari buruzko informazio gehiago nahi al duzu? Jakin nahi al duzu zergatik kendu den izen hau biblia-itzulpen batzuetatik? Erantzuna New World Translation of the Holy Scriptures biblia-itzulpenaren A4 eranskinean aurkituko duzu.
Zure gustukoa izan daiteke
OHIZKO GALDERAK
Nolakoa da Jehobaren lekukoek eskaintzen duten biblia-ikastaroa?
Jehobaren lekukoek eskaintzen duten doako biblia-ikastaro interaktiboan, edozein biblia-itzulpen erabili dezakezu. Libre sentitu zure familia osoa edo edozein lagun gonbidatzeko.
