AYÈGÈ 04
Za a ne Zamba?
Abui mimbu ana na bot ba lugu abui bezamba. Ve Bibel a kòbò ai é “Zamba a ne anen aloro bezamba bese” (2 Kronika 2:5). Za a ne Zamba té? Ai dzé ya bò na a tòbò anen aloro é bezamba ya abui bot da lugu? Ayègè di, bia zu yen é dzam Zamba a yi na mi yem é bebege nyè.
1. Zamba a ne dzoé ya, ai dzé ya lere na a yi na bi yem dzoé dié?
A Bibel Zamba a lere bia za ya a ne. A dzo na: “Me ne Yéhova. Ndò a ne dzoé dama” (Lang’a Yésaya 42:5, 8). Dzoé “Yéhova” da sò a nkòbò Hébréa ya tilen na “Mveng’en mese.” Yéhova a yi na bi yem dzoé dié (Eksodus 3:15). Akia afé bi ne dò yem? A nga bò na be til dzoé dié a Bibel aloro biyòng 7 000! a Yéhova a ne é dzoé da wogé he ai “Zamba tò a yob, tò a si” (Deutérònòm 4:39).
2. Dzé Bibel a yegele bia é bebege Yéhova?
Bot ba lugu abui bezamba, ve Bibel a yegele na Yéhova nnye a ne mfang Zamba. Asu dzé? Bamu be ne abui. Yéhova a bele Édzoé ya lot bise, a toa fe nyè étam “Medang’a boro ya a dzoé si ése” (Lang’a Salmen 83:18). A ne “Ngul mese,” nala a tien na a bele ngul ya bò é dzom ése a yi. A nga “tié biem bise”—yob ai si ai énying ése ya si (Akuli Mam 4:8, 11). Yéhova étam nnye a kareya sò a nying, ai a yi fe nying kòm ése (Salmen 90:2).
TUENE FAG
Yene nselna a ne a zang dzoé Zamba ai biyolé bivòk. Ai yene fe akia afé ai amu dzé Zamba a nga ve bia dzoé dié.
3. Zamba a bele abui moé me olugu, ve a bele dzoé deda
Nselna mbé a ne a zang éyolé mot ai é moé me olugu ba ve nyè? Bebege VIDÉO ai yalen a nsili hi:
-
Nselna mbé a ne a zang moé me olugu, ane “Nti” ai dzoé Zamba?
Bibel a dzo na bot ba lugu abui bezamba ai abui beti. Lang’a Salmen 136:1-3 ai yalen a nsili hi:
-
Za a ne “Zamba ya bezamba” ai “Nti ya beti”?
4. Yéhova a yi na o yem dzoé dié ai o belen fe ai dò
Dzé ya lere na Yéhova a yi na o yem dzoé dié? Bebege VIDÉO ai yalen minsili mi tsaa mi:
-
Ye wò tsog na Zamba a yi na o yem dzoé dié? Asu dzé?
Yéhova a yi na bi belen ai dzoé dié. Lang’a Romani 10:13 ai yalen minsili mi tsaa mi:
-
Amu dzé a ne nfi na bi belen ai dzoé Zamba, Yéhova?
-
Dzé wò woren éyòng mot a dugen tsog dzoé doé a nga belen fe ai dò?
-
Mfaa woé, dzé Yéhova a woren éyòng wò belen ai dzoé dié?
5. Yéhova a yi na o tòbò mvoé dzié
Mininga zing dzoé na Soten ya nnam Cambodge a dzo na “a yègè yem dzoé Zamba o nga bò na me bi mintak me nga beki me bele osusua.” Bebege VIDÉO ai yalen a nsili hi:
-
Ane vidéo a he lere, a yem dzoé Zamba o nga namba Soten akia afé?
Osusua yi na wò tòbò amvoé ai mot, wò yeane kèè yem dzoé dié. Lang’a Yakòbus 4:8a ai yalen minsili mi tsaa mi:
-
Dzé Yéhova a banda wò na o bò?
-
Asu dzé a yem ai a belen ai dzoé Zamba da yi wò vòli na o bò mvoé dzié?
ABUI BOT DA DZO NA: “Mbol Zamba a ne he mbòk mbòk, adzo a seki tò bia loé nyè akia afé.”
-
Ye wò yebe na dzoé Zamba a ne Yéhova?
-
Mendem mefé o ne lere na Zamba a yi na o belen ai dzoé dié?
OBALBAS
Yéhova a ne dzoé nya Zamba. A yi na o yem ai o belen ai dò asu yi na o bò mvoé dzié.
Dzé bia baala
-
Asu dzé Yéhova a selen ai bezamba bese bevòk bot ba lugu?
-
Asu dzé bia yeane belen ai dzoé Zamba?
-
Dzé ya lere na Yéhova a yi na o tòbò mvoé dzié?
O NE FE BEBE
É mam metan ma lere tutué na Zamba a ne.
Asu dzé a ne susuo na o yebe na Zamba a kareya sò a tòbò.
Amu dzé bia yeane belen ai dzoé Zamba tò bia yem ki akia ya be turu dzò osusua.
Ye akia bia loé Zamba a ne nfi? Yene asu dzé bi ne dzo na a bele ve dzoé deda.
a Nge wò yi na wò yem abui mam mefe me bebege dzoé Zamba ai asu dzé é bot be nga nkong’len Bibel be nga vaa dzoé té abui Bebibel, bebege Appendix A4 ya Bibel Traduction du monde nouveau.