AYEGHLE 04
Za a ne Nzame ?
Nté sese boan be-bôt be nga ning, be nga wume abuiñ benzame ya mam mefe. Ve kalare Nzame a kobe adzô Nzame mboo « a ne édedèè ngu’u a lôt benzame bese bevoo. » (2 Milang 2:5) Nzame té a ne za ? Dzé da ve naa abo ngu’u a lôt be nzame bese bevoo bôt ba wume ? Ayeghle di été, bia ye yeghe dzé Nzame té a yi naa bi yem nfa wèñ.
1. Nzame a ne éyôla ya, aval avé bia yem naa a kômô naa bi yem éyôla dèñ ?
A Bible été, Nzame émièn a lereban ébe bia. A dzô naa : « Me ne Jehôva. Éyôla dam édalé. » (A lang Esaïe 42:5, 8.) Nkobe Hebreo nge ki Hébreu éyôla « Jehôva » da yili naa « a dzale é mam mese a kômô bo. » Jehôva a kômô naa bi yem éyôla dèñ. (Akôre 3:15) Dzé da lere bia do ? Bible a bele éyôla dèñ biyong 7 000 ! a Éyôla Jehôva a ne éyôla « ña Nzame a ne a dzôp été, ya a si va. »—Deutéronome 4:39.
2. Za dzam Bible a yeghle bia dèè deghe Jehôva ?
Bible a yeghle bia naa benzame bese boan bebôt be nga wume, Jehôva é tam éñe a ne ña Nzame. Amu dzé bia dzô do ? Abim mekalgha mézing é me ma. Jehôva a ne sugha ndjiè, ya naa éñe é tam a ne « Sugha Nzame si se ngura. » (A lang Bya 83:18.) Bible a luè ñe naa « Mengu’u mese, » amu naa a bele mengu’u mesese ya dzale é mam mesese a kômô bo. « A nga vele mam mesese »—éning ngura ya é mam mesese me ne asi. (Melere 4:8, 11) Jehôva étam éñe éé bele ki atarga, ya fe naa a ye ning mbèmbèè.—Bya 90:2.
A TUGHA FAS
N’yenghan nkanane ô ne ézang minluène Nzame ya é ña éyôla dèñ. Éyong té bia ye yeghe aval avé ya amu dzé a lere wa éyôla dèñ.
3. Nzame a bele abuiñ mi nluène, ve a bele éyôla daa
Naa ô yem nkanane ô ne ézang minluène Nzame ya é ña éyôla wèñ, daghane ÉNGENGENG, éyong té mia lèè minlang mia daghe nsili wa zu wi.
-
Za nkanane ô ne ézizang nluène, « Nti, » ya éyôla dèñ ?
Bible a dzô naa bôt ba kang abuiñ benzame ya be nti. A lang Bya 136:1-3, éyong té mia lèè minlang mia daghe nsili wa zu wi :
-
Za a ne « Nzame benzame » ya « Nti ya be nti » ?
4. Jehôva a yi naa ô yem ya belane éyôla dèñ
Dzé da lere naa Jehôva a yi naa ô yem éyôla dèñ ? Daghane ÉNGENGENG, éyong té mia lèè minlang mia daghe nsili wa zu wi.
-
Amu dzé wa simane naa Jehôva a yi naa be yem éyôla dèñ ?
Jehôva a yi naa bôt be belane éyôla dèñ. A lang Beromain 10:13, éyong té mia lèè minlang mia daghe minsili mia zu mi :
-
Amu dzé é ne éban naa bi belane éyôla Nzame, Jehôva ?
-
Za dzam wa wôrane éyong bôr bézing ba luè wa béé belane éyôla dwiè ?
-
Za dzam wa simane naa Jehôva a wôrane éyong wa belane éyôla dèñ ?
5. Jehôva a yi naa ô bo angom dèñ
Minenga ézing ya Cambodia a mbe éyôla naa Soten a nga dzô naa a yeghe yem éyôla Nzame é nga vole ñe naa a bele abim mevakh « a be ki tare bele éning dèñ. » Daghane ÉNGENGENG, éyong té mia lèè minlang mia daghe nsili wa zu wi.
ÉNGENGENG : Mi búsqueda del Dios verdadero nge ki Ma quête du vrai Dieu (8:18)
-
Éngengeng di été, aval avé a yem éyôla Nzame é nga name Soten ?
Naa ô bo angom ya môt, wa yiène tare ayeghe a yem éyôla deñ. A lang Jacques 4:8a, éyong té mia lèè minlang mia daghe minsili mia zu mi :
-
Za dzam Jehôva a sili wô naa ô bo ?
-
Aval avé a yem, ya belane éyôla Nzame da vole wa naa ô bo angom ye ñe ?
NGE MÔR ÉZING A DZÔ WÔ NAA : « Nge Nzame a ne ve mboo, a belane éyôla dèñ da vole bia dzé. »
-
Ye wa bune naa éyôla Nzame é ne Jehôva ?
-
Aval avé ô ne ñe lere naa Nzame a kômô naa bi belane éyôla dèñ ?
AKIGHE BES
Jehôva a ne éyôla ña Nzame. A kômô naa bi yem ya belane éyôla té nfa ye naa bi yire ñe bebèñ.
Ôbaghle
-
Za nkane ô ne ézizang Jehôva ya be nzame besese bevoo bôr ba kang ?
-
Amu dzé bia yiène belane éyôla Nzame ?
-
Dzé da lere naa Jehôva a yi naa bi bo angom dèñ ?
Ô NE FE KE DAGHE
Fasghe é mam metan ma lere amu dzé bia dzô naa Nzame a ne.
« Dieu existe-t-il ? » nge ki « ¿De veras existe Dios? » (Nlô-adzô té ô ne a nden)
Amu dzé da yiène naa bi bune naa Nzame a ning mbèmbèè.
« Qui a fait Dieu ? » nge ki « ¿Quién hizo a Dios? » (La Tour de Garde, 1er août 2014 ; La Atalaya, 1 de agosto de 2014)
A yeghe amu dzé bia yiène belane éyôla Nzame, a too naa biaa tugha ki yem aval be mbe béé luè de melu ô mvus.
« Qui est Jéhovah ? » nge ki « ¿Quién es Jehová? » (Nlô-adzô té ô ne a nden)
Amu dzé é ne éban naa bi luè éyôla Nzame ? Daghe amu dzé bi ne dzô naa a bele ña éyôla évoo.
« Combien de noms Dieu a-t-il ? » nge ki « ¿Cuántos nombres tiene Dios? » (Nlô-adzô té ô ne a nden)
a Nge mia kômô yem abuiñ mam mefe ma daghe ayilgha ye éyôla Nzame, ye amu dzé minkonghlane mi Bible mizing mi nga vèè éyôla té, daghane Appendice A4 a Traducción del Nuevo Mundo.
