NǓKPLƆNKPLƆN 04
Mɛ̌ ka Nyí Mawu
Ðibla nyí sín hwenu e gbɛtɔ́ lɛ jɔ é wɛ ye ko jɛ nǔmɛsɛn gegě sɛn jí. É ɖò mɔ̌ có, Biblu dó gesí Mawu ɖokpo bɔ é “kló hú vodun lɛ bǐ.” (2 Tan 2:4) Mɛ̌ ka wɛ? Etɛwu é ka d’agba hú nǔmɛsɛn ɖevo e gbɛtɔ́ lɛ nɔ sɛn lɛ é bǐ? Ðò nǔkplɔnkplɔn elɔ mɛ ɔ, kpɔ́n nǔ e Mawu enɛ ba ɖɔ a ni tuùn dó emi wu é.
1. Nɛ̌ Mawu ka nɔ nyí? Etɛ ka xlɛ́ ɖɔ é ba ɖɔ mǐ ni tuùn nyikɔ enɛ?
Ðò Biblu mɛ ɔ, Mawu ɖè éɖée xlɛ́ mǐ. É ɖɔ: “Jehovah wɛ un nyí. Nyikɔ ce nɛ.” (Xà Ezayíi 42:5, 8, nwt.) Nyikɔ Ebléegbe tɔn e sɔgbe xá akɔwé gegě ɔ, tinmɛ tɔn nyí “É Nɔ Bló B’ɛ Nɔ Huzu” é wɛ è lilɛ dó “Jehovah.” Jehovah ba ɖɔ mǐ ni tuùn nyikɔ emitɔn. (Tíntɔ́n 3:15, nwt) Etɛ ka ɖè enɛ xlɛ́? È mɔ nyikɔ enɛ azɔn 7 000 jɛji ɖò Biblu mɛ! a Mɛ e “nyí Mawu ɖò jixwé kpo dodomɛ kpo” é kɛɖɛ wɛ nɔ nyí Jehovah.—Sɛ́nflínmɛ 4:39.
2. Etɛ Biblu ka ɖexlɛ́ dó Jehovah wu?
Biblu ɖɔ ɖɔ ɖò mawu e gbɛtɔ́ lɛ nɔ sɛn lɛ é bǐ mɛ ɔ, Jehovah ɖokponɔ géé wɛ nyí Mawu nǔgbo ɔ. Etɛwu? Hwɛjijɔ gegě wu wɛ. Jehovah wɛ nyí acɛbǐnɔ ɔ, éɖokponɔ géé wɛ nyí “Ajalɔnlɔn ɖò ayikúngban ɔ bǐ jí.” (Xà Ðɛhan 83:18, nwt.) É wɛ nyí “Nǔbǐwukpétɔ́ ɔ” sín tinmɛ wɛ nyí ɖɔ é ɖó hlɔnhlɔn bo na wà nǔ ɖebǔ e é lin na wà é. É “bló nǔ bǐ,” enɛ wɛ nyí ɖɔ é dá wɛkɛ ɔ kpo nǔ e ɖò gbɛ̀ ɖò ayikúngban ɔ jí lɛ é bǐ kpo. (Nǔɖexlɛ́mɛ 4:8, 11, nwt) Gɔ́ na ɔ, Jehovah ɖokponɔ géé wɛ tíìn sín tɛgbɛ, bo ka na lɛ́ tíìn kaka sɔyi.—Ðɛhan 90:2.
BA DÒ NÚ NǓ D’EJI
Kplɔ́n nǔ dó vogbingbɔn e ɖò tɛnmɛ-nyikɔ Mawu tɔn lɛ kpo nyikɔ tɔn ɖesu kpo tɛntin é jí d’eji. Enɛ gudo hǔn, kpɔ́n lee é ɖè nyikɔ tɔn xlɛ́ mǐ gbɔn é kpo nǔ e wu é wà mɔ̌ é kpo.
3. Mawu ɖó tɛnmɛ-nyikɔ gegě, amɔ̌, nyikɔ ɖokpo wɛ é ɖó
Nú a na mɔ vogbingbɔn e ɖò tɛnmɛ-nyikɔ mɛɖé tɔn kpo nyikɔ tɔn kpo tɛntin é hǔn, xò VIDEO ɔ, enɛ gudo hǔn, mi ɖɔ xó ɖó kpɔ́ dó nǔkanbyɔ e bɔ d’ewu é jí.
-
Vogbingbɔn tɛ ka ɖò tɛnmɛ-nyikɔ ɖé, ɖi “Aklunɔ” kpo nyikɔ ɖé kpo tɛntin?
Biblu ɖɔ ɖɔ mɛ lɛ nɔ sɛn nǔmɛsɛn kpo aklunɔ kpo gegě. Xà Ðɛhan 136:1-3, enɛ gudo hǔn, mi ɖɔ xó ɖó kpɔ́ dó nǔkanbyɔ elɔ jí:
-
Mɛ̌ ka nyí “Mawu Nǔbǐwukpétɔ́” kpo “Aklunɔ aklunɔ lɛ tɔn” kpo?
4. Jehovah ba ɖɔ hwi ni tuùn nyikɔ emitɔn bo nɔ lɛ́ zán
Etɛ ka xlɛ́ ɖɔ Jehovah ba ɖɔ hwi ni tuùn nyikɔ emitɔn? Xò VIDEO ɔ, enɛ gudo hǔn, mi ɖɔ xó ɖó kpɔ́ dó nǔkanbyɔ e bɔ d’ewu é jí.
-
Etɛwu a ka lin ɖɔ Jehovah ba ɖɔ è ni tuùn nyikɔ emitɔn?
Jehovah ba ɖɔ gbɛtɔ́ lɛ ni nɔ zán nyikɔ emitɔn. Xà Hlɔmanu lɛ 10:13, enɛ gudo hǔn, mi ɖɔ xó ɖó kpɔ́ dó nǔkanbyɔ elɔ lɛ jí:
-
Etɛwu é ka ɖò taji ɖɔ è ni nɔ zán nyikɔ Mawu tɔn Jehovah ɔ?
-
Enyi mɛɖé flín nyikɔ towe bo nɔ zán ɔ, nɛ̌ nǔ ka nɔ cí nú we?
-
Enyi a nɔ zán nyikɔ Jehovah tɔn ɔ, nɛ̌ nǔ ka na nɔ cí n’i bɔ a lin?
5. Jehovah ba ɖɔ a ni sɛkpɔ́ emi
Nawe ɖé nɔ nyí Soten bo gosin Cambodge lobo ɖɔ ɖɔ kplɔnkplɔn bo tuùn nyikɔ Mawu tɔn d’alɔ emi bɔ emi ɖó “linlin ɖagbe hugǎn ɔ ɖò ayikúngban jí.” Xò VIDEO ɔ, enɛ gudo hǔn, mi ɖɔ xó ɖó kpɔ́ dó nǔkanbyɔ e bɔ d’ewu é jí.
-
Ðò video ɔ mɛ ɔ, nɛ̌ nyikɔ Mawu tɔn tuùntuùn ka d’alɔ Soten gbɔn?
Ðò kpaa mɛ ɔ, cobonu è na zun xɔ́ntɔn xá mɛɖé ɔ, è nɔ tuùn nyikɔ tɔn hwɛ̌. Xà Jaki 4:8a, enɛ gudo hǔn, mi ɖɔ xó ɖó kpɔ́ dó nǔkanbyɔ elɔ lɛ jí:
-
Etɛ Jehovah ka ɖò byɔbyɔ we wɛ ɖɔ a ni wà?
-
Nɛ̌ nyikɔ Mawu tɔn tuùntuùn kpo zinzan tɔn kpo ka sixu d’alɔ we bɔ a na mɔ ɖɔ emi sɛkpɔ́ ɛ gbɔn?
MƐÐÉ LƐ ÐƆ: “Mawu ɖokpo jɛn tíìn, è na bo nɔ ylɔ́ ɛ gbɔn ɖebǔ ɔ, é ɖɔ nǔɖe ǎ.”
-
Hwɛ ka kúdeji ɖɔ Jehovah wɛ nyí nyikɔ Mawu tɔn à?
-
Nɛ̌ a ka na tinmɛ ɖɔ Mawu ba ɖɔ mǐ ni zán nyikɔ emitɔn gbɔn?
ETƐ LƐ A KA KPLƆ́N?
Jehovah wɛ Mawu nǔgbo ɖokpo ɔ sín nyikɔ nɔ nyí. É ba ɖɔ mǐ ni tuùn nyikɔ enɛ bo nɔ zán, bo na dó sixu sɛkpɔ́ ɛ.
Vɔ̌gbɔnji
-
Nɛ̌ Jehovah ka gbɔn vo nú nǔmɛsɛn ɖevo e gbɛtɔ́ lɛ nɔ sɛn lɛ é bǐ gbɔn?
-
Etɛwu mǐ ka ɖó na nɔ zán nyikɔ Mawu tɔn?
-
Etɛ ka xlɛ́ ɖɔ Jehovah ba ɖɔ hwi ni huzu xɔ́ntɔn emitɔn?
KÍJÉ
Kpɔ́n hwɛjijɔ e wu mǐ sixu kúdeji ɖɔ Mawu tíìn é atɔ́ɔ́n.
Kpɔ́n hwɛjijɔ e wu é sɔgbe ɖɔ è ni ɖi ɖɔ Mawu tíìn tɛgbɛ é.
È tuùn lee è nɔ ylɔ́ nyikɔ Mawu tɔn gbɔn ɖò hwexónu é ǎ có, kpɔ́n nǔ e wu mǐ ɖó na nɔ zán nyikɔ tɔn é.
Lee è nɔ ylɔ́ Mawu ɖɔ é wɛ ɖò taji à? Kpɔ́n nǔ e wu mǐ sixu ɖɔ ɖɔ nyikɔ ɖokpo jɛn é ɖó é.
a Nú a na ɖó mɔjɛmɛ dó nyikɔ Mawu tɔn sín tinmɛ kpo nǔ e wu lilɛdógbeɖevomɛ Biblu tɔn ɖé lɛ ɖè nyikɔ ɔ síìn é kpo wu d’eji hǔn, kpɔ́n Nudọnamẹ dogọ A4 ɖò Owe Wiwe lẹ—Lẹdogbedevomẹ Aihọn Yọyọ Tọn mɛ.
Xóta élɔ́ lɛ́ lɔ sixú jɛjí nú we
NǓ E MƐ LƐ́ NƆ YÁ WǓ KANBYƆ́ LƐ́ É
Nɛ̌ tuto Biblu kplɔ́nkplɔ́n tɔn e Kúnnuɖetɔ́ Jehovah tɔn lɛ́ nɔ xwlé mɛ é ka nɔ yi gbɔn?
Kpó Biblu kplɔ́nkplɔ́n vɔ̌nu sín tuto e Kúnnuɖetɔ́ Jehovah tɔn lɛ́ nɔ xwlé mɛ é kpó ɔ, a sixú zán lǐlɛ́dógbeɖévomɛ Biblu tɔn ɖěbǔ. A vo bó ná ylɔ́ xwédo towe blěbú alǒ xɔ́ntɔn towe lɛ́ ɖěbǔ bɔ yě ná gɔ́ nú we.
