Talu mei muʼa, e maʼuke a atua e tausi ki ai a le kakai kae māsau le Tosi-Tapu ki se Atua ‘e lasi ake i atua fuli.’ (2 Koloniko 2:5) Ko ai le Atua lenā? Ti koleā leia e lasi ake aia i lā ake atua? E ke ako loa i le kapite leinei pe ko ai le Atua leia e māsau ki ai i le Tosi-Tapu.

1. Ko ai le suafa o le Atua, ti koleā e loto ai aia ke tou iloa a ia?

E mafai ke tou iloa pe ko ai le Atua i le Tosi-Tapu. E pati feneʼeki aia: ‘Ko au ko [“Seova,” NWT] ko loku igoa aia.’ (Lau Esaia 42:5, 8.) E fakaʼuiga le igoa “Seova” i le fakaʼepeleo “e fakasoko e ia.” E loto Seova ke tou iloa lona suafa. (Ekesote 3:15) Ti na fefeʼaki lona fakasā e ia i le Tosi-Tapu? E teʼiteʼi 7000 le tuʼu o le suafa o Seova i le Tosi-Tapu! a Ko ia ko Seova ko le suafa o le ‘Atua māʼoki i aluga i le lagi mo lalo i le kele.’​—Tetelonome 4:39.

2. Koleā e akoʼi mai e le Tosi-Tapu o uiga mo Seova?

E maʼuke a atua kesekese e tausi ki ai le tokaʼapi, kae fakasā i le Tosi-Tapu ko Seova tokatasi ko le Atua māʼoki. Koleā lona tupuʼaga? Ko nei a anoʼaga e mafai ke tou fakamāʼoki ki ai. Ko Seova ko le pule tauʼaluga ti ko ia tokatasi ko “le Taualuga i le malama nei katoa.” (Lau Pesalemo 83:19.) Ko ia ko “le Mafimafi,” ko lona fakaʼuiga e maʼua e ia le makeke ki le fakasoko o lona finegalo. ‘Na fakatupu e ia a neʼa fuli,’ le atulaulau ti mo neʼa maʼuʼuli fuli i le kele. (Apokalipisi 4:8, 11) Ko Seova e leʼai sona kamataʼaga mo sona gatoʼaga.​—Pesalemo 90:2.

 4. E loto Seova ke ke iloa lona suafa mo fakaʼaogaʼi

5. E loto Seova ke ke liliu ko lona kauneʼa

 MANATU TĀFITO

Ko le suafa o le Atua ko Seova. E loto aia ke tou ʼaga o iloa mo fakaʼaogaʼi ke tou liliu ai ko lona kauneʼa.

Fakamanatu

• Koleā e kesekese ai a Seova mo lā ake atua e tausi ki ai le kakai?

• Koleā e tonu ai ke tou fakaʼaogaʼi le suafa o le Atua?

• Koleā e ke iloa ai e loto Seova ke ke liliu ko lona kauneʼa?