TOƁƁERE 04
Ko hommbo woni Alla ?
Gila ko neeɓi, yimɓe no rewude allaaji buy. Kono Deftere Alla nden no haali fii Alla « mawnuɗo ɓuri allaaji ɗin fow » (2 Fillande taariika 2:5). Ko hommbo woni on Alla ? Ko honɗun waɗi mo mawnuɗo ɓuri allaaji ɗin fow ɗi yimɓe rewata ? E nder ndee toɓɓere on annday ko Alla faalaa yo en anndu fii makko.
1. Ko honno Alla innetee e ko honɗun hollata himo faalaa yo en anndu innde makko nden ?
Ka nder Deftere Alla, Alla no haali fii hoore makko. O wi’i : « Yahuwah, ko ɗun woni innde an nden » (janngee Isaaya 42:5, 8). « Yahuwah » e nder haala aabirayanke no firi « o wonay ko o faalaa wonude ». Yahuwah no faalaa yo en anndu innde makko nden (Eggudu ndun 3:15, ndaaree maandineere VPFJ). Ko honno hoolorten ɗun ? Ka nder Deftere Alla, o waɗi fii yo innde makko nden winnde ko ɓuri laabi 7 000 ! a Ko « Alla goongaajo on ka kammu e ka hoore leydi » mari ndee innde « Yahuwah » (Yaɲɲannde sariyaaji ɗin 4:39).
2. Ko honɗun Deftere Alla nden haalani en fii Yahuwah Alla ?
Deftere Alla nden wi’i allaaji ɗin fow ɗi yimɓe ɓen rewata, ko Yahuwah tun woni Alla goongaajo on. Fii honɗun ? Dalilji no woodi. Ko Yahuwah woni Allahu Lanɗo on e ko kanko tun « woni Jom Ɓural on e hoore leydi ndin fow » (janngee Zabuura 83:18). Ko kanko woni « Jom Bawgal on » ko ɗun firi himo waawi waɗude kala ko o suɓii waɗugol. Ko kanko « tagi kala huunde », tageefo ngon e kala ko wuuri ka hoore leydi (Feɲɲinannde 4:8, 11). Ko Yahuwah tun woni Alla poomayankeejo (Zabuura 90:2).
LUGGINEE
Taskee no tiitooɗe ɗen e innde Alla bajjere nden sertiri. En janngay honno e fii honɗun o feɲɲinani en innde makko nden.
3. Alla no mari tiitooɗe buy kono innde makko nden ko wootere
Fii anndugol no tiitooɗe e innde goɗɗo sertiri, fijinee VIDIO on e yewton fii lanndal jokkitungal ngal.
-
Ko honno tiitoonde wano « Joomiraaɗo » e innde sertiri ?
Deftere Alla nden no holli yimɓe no rewude allaaji e koohooɓe buy. Janngee Zabuura 136:1-3 (VPFJ) e yewton fii ngal lanndal :
-
Ko hommbo woni « Alla allaaji ɗin » e « Joomiraaɗo koohooɓe ɓen » ?
4. Yahuwah Alla no faalaa yo on anndu e huutoron innde makko nden
Ko honɗun hollata Yahuwah Alla no faalaa yo en anndu innde makko nden ? Fijinee VIDIO on e yewton fii lanndaale jokkituɗe ɗen.
-
Hiɗon miijii Yahuwah Alla no faalaa yo en anndu innde makko nden ? Fii honɗun ?
Yahuwah Alla no faalaa yo yimɓe noddir mo innde makko nden. Janngee Roomu 10:13 e yewton fii ɗee lanndaale :
-
Ko honno huutorgol innde Alla « Yahuwah » hittiri ?
-
Ko honno wa’irton si goɗɗo annditii innde mon nden e noddirii on nde ?
-
E miijo mon, ko honno Yahuwah Alla wa’irta si on noddirii mo innde makko nden ?
5. Yahuwah Alla no faalaa yo on wonu giɗo makko
Debbo mo Kamboj, inneteeɗo Soten wi’i anndugol innde Alla nden wallii mo heɓugol « weltaare ɓurnde tiiɗude ka ngurndan makko ». Fijinee VIDIO on e yewton fii lanndal jokkitungal ngal.
-
E nder vidio on, honno Soten wa’irnoo ko o anndi innde Alla nden ?
Ado yo on wonu giɗo goɗɗo, hiɗon haani anndugol innde makko nden. Janngee Yaaquuba 4:8a e yewton fii ɗee lanndaale :
-
Ko honɗun Yahuwah Alla faalaa yo on waɗu ?
-
Ko honno anndugol e noddugol innde Alla nden wallirta on ɓadagol mo ?
WOƁƁE GOO NO WI’A : « Alla no mari inɗe buy. »
-
Hiɗon hoolii ko Yahuwah woni innde Alla nden ?
-
Honno sifortoɗon Alla no faalaa yo en noddir mo innde makko nden ?
RAWNOODE
Ko Yahuwah woni innde Alla goongaajo on. Himo faalaa yo on anndu e noddiron mo innde makko nden fii no woniron giɗo makko.
Ndartannde
-
Ko honno Yahuwah Alla sertiri e allaaji ɗin fow ɗi yimɓe rewata ?
-
Fii honɗun haanuɗen noddirgol Alla innde makko nden ?
-
Honno anndirton Yahuwah Alla no faalaa yo on wonu giɗo makko ?
TASKEE
Lasindee dalilji jowi fellintinayɗi Alla no woodi.
Ndaaree fii honɗun hoolantoɗen Alla alaa fuɗɗoode.
Janngee anndon fii honɗun haanuɗen noddirde Alla innde makko nden, hay si en anndaa no ɓe haaliraynoo innde nden ka fuɗɗoode.
No noddirten Alla non no hitti ? Ndaaree fii honɗun innanten ko innde wootere tun o mari.
a Fii anndugol ko ɓuri nii e hoore innde Alla nden e ko fii honɗun woɓɓe e firooɓe goo ittunoo nde ka nder Deftere Alla, ndaaree Appendice A4 La Bible. Traduction du monde nouveau.
