REIREI 04
Antai te Atua?
Ni moa mani karikaia aomata, ao a mwaiti atuaia aika a tataromauri. Ma te Baibara e taekinna bwa tii temanna te Atua ae “kakannato riki . . . nakoia atua ni kabane.” (2 Rongorongo 2:5) Antai te Atua anne? Ao tera ae karikia bwa e na kakannato riki nakoia atua nako aika tataromauriaki irouia aomata? N te reirei aei, ko na reiakina iai te bae tangiria te Atua bwa ko na ataia ibukina.
1. Antai aran te Atua, ao ti kangaa ni kakoauaa ae e tangirira bwa ti na ataa arana?
E kaotia nakoira te Atua rinanon te Baibara. E taku: “Bon Iehova ngai. Bon aei arau.” (Wareka Itaia 42:5, 8.) “Iehova” bon rairan te ara n Ebera ae nanona “E Karaoia Bwa E na Riki.” E tangirira Iehova bwa ti na ataa arana. (Te Otinako 3:15) Ti na kangaa ni kakoauaa anne? E kaota arana n te Baibara 7,000 tabun te tai! a Te ara ae Iehova bon aran “te Atua ae koaua i karawa i eta ao n te aonnaba i nano.”—Te Tua-Kaua 4:39.
2. Tera ae kaotaki n te Baibara ibukin Iehova?
E taekinaki n te Baibara bwa a mwaiti atua aika taromauriaki irouia aomata, ma bon tii Iehova te Atua ae koaua. Bukin tera? Iai bukina tabeua. E mwaaka i aoni bwaai ni kabane, ao bon tii ngaia “Teuare Moan te Rietata n te aonnaba ni kabutaa.” (Wareka Taian Areru 83:18.) “Moan te Mwaaka” ngaia, ae nanona bwa iai mwaakana ni karaoa te bae kani karaoia. E “karikii bwaai ni kabane” n aron te iuniweeti ao baika maiu ni kabane aika n te aonnaba. (Te Kaotioti 4:8, 11) E kaokoro Iehova bwa e a kaman iai ngaia, ao e na teimatoa n aki toki.—Taian Areru 90:2.
REIAKINA AE BATI RIKI
Nora te kaokoro i marenan nakoan te Atua ao arana ae okoro. Ao reiakinna bwa e kangaa ni kaota arana nakoim, ao bukin tera.
3. A bati nakoan te Atua, ma tii teuana arana
Ibukin ataakin te kaokoro i marenan nakoan te aomata ma arana, kaota te TAAMNEI, ao maroroakina te titiraki aei.
-
Tera kaokoron te nakoa n aron “te Uea,” ao te ara?
E taekinaki n te Baibara bwa a taromauri atua ao ueea aika bati aomata. Wareka Taian Areru 136:1-3, ao maroroakina te titiraki aei:
-
Antai “te Atua ae rietata riki nakoia atua” ao “aia Uea ueea”?
4. E tangiriko Iehova bwa ko na ataa arana ao ni kamanena
Ko kangaa n ataia ae e tangiriko Iehova bwa ko na ataa arana? Kaota te TAAMNEI, ao maroroakin titiraki aikai.
-
N am iango, e tangiria Iehova bwa e na ataaki arana? Bukin tera?
E tangiriia aomata Iehova bwa a na kamanena arana. Wareka I-Rom 10:13, ao maroroakin titiraki aikai:
-
E aera bwa e kakawaki kamanenaan aran te Atua ae Iehova?
-
Tera am namakin ngkana e ururinga aram temanna, ao e kakamanena?
-
N am iango, tera ana namakin Iehova ngkana ko kamanena arana?
5. E tangiriko Iehova bwa ko na kaan riki ma ngaia
E taku temanna te aine mai Cambodia ae arana Soten bwa ataakin aran te Atua, e buokia ni karekea “te kukurei ae akea n ai arona.” Kaota te TAAMNEI, ao maroroakina te titiraki aei.
-
N aron ae oti n te taamnei aei, e kangaa n rotaki Soten man ataakin aran te Atua?
Imwain ae ko riki bwa raoraon temanna, ko riai moa n ataa arana. Wareka Iakobo 4:8a, ao maroroakin titiraki aikai:
-
Tera ae kaungako iai Iehova bwa ko na karaoia?
-
E kangaa ataakin aran te Atua ao kamanenaana ni buokiko bwa ko na kaan riki ma ngaia?
A TAKU TABEMAN: “Bon tii temanna te Atua, ngaia are e aki kakawaki arana ae ko weteia iai.”
-
Ko kakoauaa ae aran te Atua bon Iehova?
-
Ko na kangaa ni kabwarabwaraa ae e bon tangirira te Atua bwa ti na kamanena arana?
KAKIMOTOTOANA
Iehova bon aran te Atua ae tii temanna ae koaua. E tangirira bwa ti na ataa arana ao ni kamanena, bwa ti aonga ni kaaniaki riki ma ngaia.
Te Kauring
-
E kangaa Iehova ni kaokoro ma atua nako aika tataromauriaki irouia aomata?
-
Bukin tera ngkai ti riai ni kamanena aran te Atua?
-
Ko kangaa n ataia ae e tangiriko Iehova bwa ko na kaania?
NORI NABA AIKAI
Nori bukina aika nimaua ae ti kakoauaa iai bwa bon iai te Atua.
Noria bwa e aera ngkai ti bon riai ni kakoauaa ae bon iai te Atua.
“Antai ae Karika te Atua?” (Te Taua-n-Tantani, Aokati 1, 2014)
Noria bwa e aera ngkai ti riai ni kamanena aran te Atua, e ngae ngke ti aki ataa aroni katiribwarean arana n te moan taetae are koreaki iai.
E kakawaki wetean te Atua n arana? Noria bwa e aera ngkai ti kona n taekinna bwa bon tii teuana arana.
a Ibukin rongorongon riki nanon aran te Atua, ao bukina ngkai e kamaunaaki te ara anne ni Baibara tabeua, nora Bukinibaa A4 n Te Baibara ae Tabu—te Rairai ae te Aonnaba ae Boou.
Ko Bae Naba n Tangira
TITIRAKI AIKA TATABEKAKI
Tera te Reirei n te Baibara?
Karekei kaekaan titiraki ni kaineti ma kairan te reirei n te Baibara iroura.
