LECCIÓN 04
Quen é Deus?
Practicamente dende o principio da súa historia, os seres humanos adoraron moitos deuses. Pero a Biblia fala dun Deus que “é maior ca tódolos deuses” (2 Crónicas 2:4 [2:5, TNM]). Quen é ese Deus? E que o fai maior ca tódolos demais deuses que adora a xente? Nesta lección aprenderás o que este Deus quere que saibas del.
1. Cal é o nome de Deus e por que podemos estar seguros de que el quere que o coñezamos?
Na Biblia, Deus preséntase a si mesmo dicindo: “Eu, Iavé, este é o meu Nome” (le Isaías 42:5, 8). Iavé é a tradución dun nome hebreo que probablemente significa “El fai que chegue a ser”. Ese nome hebreo tamén pode traducirse como Xehová. El quere que coñezamos o seu nome (Éxodo 3:15). Por que podemos estar seguros? Porque na Biblia ese nome aparece máis de 7000 veces! a O nome Xehová perténcelle ó “único Deus verdadeiro” tanto no ceo como na terra (Xoán 17:3).
2. Que nos ensina a Biblia sobre Xehová?
De entre tódolos deuses que adora a xente, por que di a Biblia que Xehová é o único Deus verdadeiro? Por varias razóns. Xehová ten autoridade suprema e só el é o “Altísimo en toda a terra” (le Salmo 83:19 [83:18, TNM]). El é o Todopoderoso, o que significa que ten o poder para facer todo o que decida. Ademais é quen o creou todo: o Universo e a vida que hai na Terra (Xénese 35:11; Apocalipse 4:11). Xehová é o único que sempre existiu, e existirá para sempre (Salmo 90:2).
AFONDA MÁIS
Analiza a diferenza entre os títulos que ten Deus e o seu nome propio. Logo aprende como nos deu a coñecer o seu nome e por que o fixo.
3. Deus ten moitos títulos pero un só nome
Para ver a diferenza entre o título e o nome dunha persoa, poñede o VÍDEO e logo comentade esta pregunta:
-
Que diferenza hai entre un título, como Señor, e un nome?
A Biblia recoñece que a xente adora moitos deuses e señores. Lede Éxodo 15:3, 11 e logo comentade esta pregunta:
-
Quen é o máis grande “entre os deuses”?
4. Xehová quere que coñezas e uses o seu nome
Como podes estar seguro de que Xehová quere que coñezas o seu nome? Poñede o VÍDEO e logo comentade estas preguntas:
-
Pensas que Xehová quere que se coñeza o seu nome? Por que?
Xehová quere que a xente use o seu nome. Lede Romanos 10:13 e logo comentade estas preguntas:
-
Canta importancia ten usar o nome de Deus, Xehová?
-
Como te sentes cando alguén lembra o teu nome e o usa?
-
Como pensas que se sente Xehová cando usas o seu nome?
5. Xehová quere que te achegues a el
Unha muller de Camboxa chamada Soten di que aprender o nome de Deus é “o mellor que che pode pasar na vida”. Poñede o VÍDEO e logo comentade estas preguntas:
-
Que efecto tivo en Soten aprender o nome de Deus?
Antes de facerte amigo de alguén o normal é que aprendas o seu nome. Lede Santiago 4:8a e logo comentade estas preguntas:
-
A que te invita Xehová?
-
Como che pode axudar coñecer e usar o nome de Deus a achegarte máis a el?
HAI QUEN DI: “Deus só hai un, así que tanto ten como lle chames”.
-
Cres que Xehová é o nome de Deus?
-
Como explicarías que Xehová quere que usemos o seu nome?
RESUMO
Xehová é o nome do único Deus verdadeiro. Quere que coñezamos e usemos o seu nome para que nos acheguemos a el.
Repaso
-
Por que Xehová é diferente de tódolos demais deuses que adora a xente?
-
Por que deberiamos usar o nome de Deus?
-
Por que sabes que Xehová quere que te achegues a el?
INVESTIGA
Examina cinco razóns que temos para estar seguros de que Deus existe.
Descubre por que é lóxico crer que Deus sempre existiu.
Aprende por que temos que usar o nome de Deus inda que descoñecemos como se pronunciaba orixinalmente.
Importa como lle chamamos a Deus? Descubre por que podemos dicir que só ten un nome propio.
a Se queres máis información sobre o significado do nome de Deus e sobre por que foi eliminado dalgunhas traducións da Biblia consulta o Apéndice A4 de La Biblia. Traducción del Nuevo Mundo, dispoñible en español.