EKIRAJAAYA 04
¿Jarai chi Maleiwa shiimainshikai?
Wainma na maleiwa naʼwaajakana na wayuukana suʼttaiwaʼaya shikii wayuu. Süküjapejeʼe tü Bibliakat waneeshin neʼe chi Maleiwa Pülashikai maʼin (2 Crónicas 2:5). ¿Jarai nia? ¿Jamüshi pülaka maʼin nia noulialeʼeya na wane maleiwayaakana? Sünain ekirajaayakat tüü, pikirajaajeerü achiki jaralin chi Maleiwa shiimainshikai.
1. ¿Kasaichi nünülia Maleiwa? ¿Jamüsü watüjaaka saaʼu nücheküin süpüleerua weʼraajüin nünülia?
Anuu nünüiki Maleiwa süchiki tü nünüliakat: «Tayaʼaya chi kanüliakai Jehová, shia tanüliakaʼaya tüü» (paashajeʼera Isaías 42:5, 8). Naashin waneinnua wayuu ekirajaakana süchiirua sukuwaʼipa tü Bibliakat, eesüjaʼa maluʼurüle nünülia Maleiwa: «Nikeraajeerü tü nümakat». Nücheka achikit Jehová weʼraajüinjatüin nünülia (Éxodo 3:15). ¿Jamüsü watüjaaka saaʼu tia? Nüshajirüin tü nünüliakat suluʼu tü Bibliakat, alatüsü suulia 7.000 süshajünaka aluʼu. a Jehová nünülia chi Maleiwa shiimainshikai (Deuteronomio 4:39).
2. ¿Jamüsü sünüiki tü Bibliakat nüchiki Jehová?
Wainma na maleiwa suʼwaajakana wayuu. Waneeshipejeʼe neʼe chi Maleiwa shiimainshikai, nia Jehová. ¿Jamüsü watüjaaka saaʼu tia? Shia süka niain Jehová chi Maleiwa «Miyoʼushikai saaʼu tü mmakat süpüshuaʼa» (paashajeʼera Salmo 83:18). Nia neʼe Jehová «chi Pülashikai maʼin», eesü süpüla naaʼinrüin süpüshuaʼa tü kasa nüchekakalü amüin. Nia kakumajalaka tü kasa chakat iipünaa otta tü yaakat mmapaʼa (Alateetkat Mapeena [Apocalipsis] 4:8, 11). Nnojoishi jaralin kakumajalain Jehová, eetüjüiya nia (Salmo 90:2).
WEKIRAJAA SOOʼOMÜIN
Wekirajaajeerü anain waneesüin neʼe nünülia chi Maleiwakai jee wekirajaajeerü anain tü naaʼinrakat süpüla niʼraajirüin waya nünülia otta jamüin nüchekaka süchiki weʼraajüin nünülia.
3. Waneesia neʼe nünülia chi Maleiwakai
Süpüla watüjaain saaʼu waneesüin neʼe nünülia chi Maleiwakai, jünaja tü VIDEOKOT otta yooto jia süchiki tüü:
-
«Senyotkai» nümünüle amüin Maleiwa, ¿jamüsü nnojotka nünüliain tia?
Saashin tü Bibliakat watta saalii maleiwa suʼwaajaka wayuu. Jaashajeʼera Salmo 136:1-3 otta yooto jia süchiki tüü:
-
¿Jarai chi Maleiwa shiimainshikai maʼin?
4. Nücheka achikit Jehová piʼraajüin nünülia jee puchuntuin shia
¿Jamüsü watüjaaka saaʼu nücheküin Jehová süchiki weʼraajüin nünülia? Jünaja tü VIDEOKOT otta yooto jia süchiki tüü:
-
¿Jamüsü nüchekaka Jehová piʼraajüin nünülia?
Nücheka achikit Jehová shiʼraajüin wayuu nünülia. Jaashajeʼera Roma 10:13, TNM otta yooto jia süchiki tüü:
-
¿Jamüsü wachuntajatka nünülia Maleiwa, Jehová?
-
¿Jamüsü paaʼin wanaa sümaa puunejünüin süka pünülia?
-
¿Jamüsüche naaʼin Jehová puchuntüle nünülia?
5. Nücheka achikit Jehová aleewain pia nümaa
Eesü wanee wayuu kanüliaka Soten, chejeʼewat shia Camboya. Talatüsü maʼin saaʼin süka sütüjaain saaʼu nünülia Maleiwa. Jünaja tü VIDEOKOT otta yooto jia süchiki tüü:
-
Suluʼu tü video wanajakat, ¿kasa saaʼinraka Soten süka sütüjaaitpain saaʼu nünülia Maleiwa?
Süpüla aleewain waya nümaa wanee wayuu, weʼraajüinjatü nünülia palajana. Jaashajeʼera Santiago 4:81 otta yooto jia süchiki tüü:
-
¿Kasa nüchekaka achiki Jehová süpüla paaʼinrüin?
-
¿Eeshiche süpüla aleewain pümaa Maleiwa piʼraajüle jee puchuntüle nünülia? ¿Jamüshi paʼaleewainjeechika nia suluʼujee tia?
EESHII WAYUU EEKAI NAMÜIN: «Jaʼitairü jetsüin nünülia chi Maleiwakai watuma, waneeshia neʼe nia».
-
¿Shiimainchejeʼe Jehováin nünülia Maleiwa?
-
¿Jameerü pünüiki süpüla püküjain namüin na waneinnua jamüin nüchekaka Maleiwa wachuntajatüin nünülia?
WATÜJAAITPAKA AAʼU
Nia neʼe Jehová nümüiwaʼa chi Maleiwa shiimainshikai. Nücheka achikit weʼraajüin nünülia jee wachuntuin shia süpüla aleewain waya nümaa.
Pusouta shiʼipajee
-
¿Jamüsü naataka nukuwaʼipa Jehová suulia nakuwaʼipa na wane maleiwa suʼwaajakana wayuu?
-
¿Jamüsü wachuntajatka nünülia Maleiwa?
-
¿Nücheka achikit Jehová aleewain pia nümaa? ¿Jamüsü pütüjaaka saaʼu tia?
PÜNAʼLA SOOʼOMÜIN
Jaʼraisü kasa wayaawataka anainjee eein chi Maleiwakai.
«Shiimainchejeʼe eein chi Maleiwakai?» (Pütchi suluʼuka jw.org)
Nnojoishi jaralin kakumajalain chi Maleiwakai. Eetüjüiya nia sümaleeiwaʼaya paala.
«¿Jara kakumainka Maleiwa?» (Aapiria Wayuu, akoosütoʼu 1, 2014)
¿Jamüsü wachuntajatka nünülia Maleiwa mayaainjeʼe nnojoluin watüjaain saaʼu jamapuʼuin suchuntia natuma na judíokana?
Nnojotsü wainmain nünülia chi Maleiwakai, waneesia neʼe nünülia.
«¿Wainmache nünülia chi Maleiwakai?» (Pütchi suluʼuka jw.org)
a Sünain tü pütchikat Apéndice A4 suluʼu La Biblia. Traducción del Nuevo Mundo, pünteerü anain sooʼomüin süchiki jamaluʼuluin nünülia Maleiwa otta jamüin süsünneʼennaka suluʼujee waneirua Biblia.
Eesüjaʼa kamalainjeerüle pümüin aashajeʼeraa tüü
SÜSAKIRAWAIKA ANAIN WAYUU
¿Jamüsü sukuwaʼipa shikirajia wayuu sünain tü Bibliakat natuma na Aküjaliikana pütchi?
Pikirajaale sünain tü Bibliakat namaa na aküjaliikana pütchi nüchiki Jehová, eesü süpüla pikirajaain süka tü Biblia eekat pümaʼana otta puunejaain püpüshi jee paʼaleewainyuu.
