LEKSIÓN 04
¿Mávapa Ñandejára tee?
Ymaite guive la hénte oadora opaichagua dióspe. Upéicharõ jepe, la Biblia heʼi oĩha peteĩ Dios ‘tuichavéva entéro umi ótro diósgui’ (2 Crónicas 2:5). ¿Mávapa hína upéva? ¿Ha mbaʼérepa tuichave entéro umi ótro diósgui? Ko leksiónpe ñaaprendéta Ñandejára oipotaitereiha nde reikuaa chupe.
1. ¿Mbaʼéichapa héra Ñandejára, ha mbaʼérepa ikatu ñaime segúro haʼe oipotaha jaikuaa héra?
La Bíbliape, Ñandejára omombeʼu ñandéve mbaʼéichapa héra. Haʼe voi heʼi: “Che hína Jehová, péicha che réra” (elee Isaías 42:5, 8). Según heta expérto, pe téra hebreo ojetradusíva “Jehová”, heʼise hína “Haʼe ojapo upe oipotáva oiko”. Ha Jehová oipotaiterei nde reikuaa héra (Éxodo 3:15). ¿Mbaʼérepa ikatu ñaime segúro upévagui? Vuéno, la Bíbliape ningo pe téra Jehová oaparese voi mas de 7.000 vése ha pe Dios verdadéro añoite ikatu oipuru upe téra. a Haʼe hína “Ñandejára tee ko yvy ape ári ha amo yvágape avei” (Deuteronomio 4:39).
2. ¿Mbaʼe mbaʼépa omombeʼu ñandéve la Biblia Jehovágui?
Umi hénte omombaʼeguasúramo jepe opaichagua dióspe, la Biblia oexplika Jehová añoite haʼeha Ñandejára tee. ¿Péro mbaʼérepa heʼi upéva? Jahechamína. Jehová ningo haʼe pe persóna orekóva hetave autorida ko univérsope, upévare hese añoite ikatu ojeʼe haʼeha “Ñandejára Ndaijojaháiva ko yvy ape ári” (elee Salmo 83:18). Avei haʼe hína “Ñandejára Todopoderóso”, upéva heʼise orekoha podér ojapo hag̃ua oimeraẽ mbaʼe. Haʼe hína pe Kreadór, pórke ojapo vaʼekue entéro mbaʼe oexistíva pe univérsope ha ko yvy ape ári (Apocalipsis 4:8, 11). Añetehápe ningo Jehová ndaijojahái, pórke haʼe añoite hína pe persóna siémpre voi oexistíva ha oexistítava pára siémpre (Salmo 90:2).
EJEPYʼAMONGETAMÍNA
Jahechamína mbaʼépepa idiferénte ojuehegui Ñandejára réra tee umi título haʼe oguerekóvagui. Upéi jahecháta avei mbaʼérepa Ñandejára oipota reikuaa héra ha mbaʼéichapa oikuaauka ñandéve upéva.
3. Ñandejára oreko heta título, péro la héra tee peteĩnte
Rehecha hag̃ua mbaʼépepa idiferénte ojuehegui peteĩ persóna réra umi título oguerekóvagui ehecha pe VIDÉO, ha upéi erresponde ko porandu:
-
¿Mbaʼépepa idiferénte peteĩ título, por ehémplo “señór”, peteĩ persóna réragui?
La Biblia omombeʼu porã umi hénte omombaʼeguasuha opaichagua dióspe. Elee Salmo 136:1-3, ha upéi erresponde ko porandu:
-
¿Mávapa hína pe ‘Ñandejára tuichavéva entéro umi ótro diósgui’ ha pe “Governánte omandavéva entéro governántegui”?
4. Jehová oipota reikuaa ha reipuru héra
¿Mbaʼérepa jaʼekuaa Jehová oipotaha reikuaa héra? Ehecha pe VIDÉO, ha upéi erresponde koʼã porandu:
-
¿Ndépa ere Jehová oipotaha umi hénte oikuaa héra? ¿Mbaʼérepa repensa upéicha?
Jehová oipota enterovéva oipuru héra. Elee Romanos 10:13, ha upéi erresponde koʼã porandu:
-
¿Mbaʼérepa iñimportantete jaipuru Ñandejára réra Jehová?
-
¿Mbaʼéichapa nde reñeñandu oĩramo imanduʼáva nderehe ha nerenóiva nde rérarupi?
-
¿Mbaʼéichapa ere oñeñanduha Jehová nde reipuru jave héra?
5. Jehová oipota oiko ndehegui iñamígo
Peteĩ kuñakarai Camboyagua hérava Soten, omombeʼu oikuaa rire Ñandejára réra ikatu hague ipyʼaguapy ha ovyʼaiterei. Ehecha pe VIDÉO, ha upéi erresponde ko porandu:
-
Según pe vidéo, ¿mbaʼéichapa oipytyvõ Sótenpe oikuaa Ñandejára réra?
Peteĩ persónagui oiko hag̃ua ñane amígo, normálmente primeroite jaikuaa vaʼerã héra. Elee Santiago 4:8a, ha upéi erresponde koʼã porandu:
-
¿Mbaʼépa Jehová oipota rejapo?
-
¿Mbaʼérepa ikatu jaʼe reñemoag̃uivetaha Ñandejárare reikuaa ha reipurúramo héra?
OĨRAMO HEʼÍVA: “Ñandejárango peteĩnte, upévare noimportái mbaʼéichapa ñambohéra chupe”.
-
¿Ndépa reguerovia Jehová haʼeha Ñandejára réra?
-
¿Mbaʼéichapa reexplikáta ótrope Ñandejára oipotaha jaipuru héra?
RRESÚMEN
Ñandejára teete héra Jehová, haʼe añoiténte hína pe Dios verdadéro. Haʼe oipota jaikuaa ha jaipuru héra ikatu hag̃uáicha oiko ñandehegui iñamígo.
Rrepáso
-
¿Mbaʼérepa ikatu jaʼe Jehová idiferenteha entéro umi ótro diósgui?
-
¿Mbaʼérepa jaipuru vaʼerã Ñandejára réra?
-
¿Mbaʼérepa ikatu reime segúro Ñandejára oipotaha oiko ndehegui iñamígo?
EINVESTIGA HAG̃UA
Ehecha 5 rrasón jaguerekóva jaguerovia hag̃ua Ñandejára oexistiha.
Ehechami mbaʼérepa ikatu jaguerovia Ñandejára siémpre oexisti hague.
Emañami mbaʼérepa jaipuru vaʼerã Ñandejára réra ndajaikuaáiramo jepe mbaʼeichaitépa oñepronunsia vaʼekue.
¿Iñimportántepa jaipuru Ñandejára réra? Ehecha mbaʼérepa Ñandejárape oñehenóiramo jepe de diferénte fórma, peteĩnte héra tee.
“¿Siérto piko Ñandejára peteĩnte la héra, térãpa oreko hetave?” (Artíkulo oĩva jw-pe)
a Reikuaasevéramo mbaʼépa heʼise Ñandejára réra, ha avei mbaʼérepa ojepeʼa heta Bíbliagui, ehecha pe Informasión A4 oĩva Ñandejára Ñeʼẽ La Biblia Traducción del Nuevo Múndope.
Koʼã téma ikatu ndegusta avei
OÑEPORANDU MEMÉVA
¿Mbaʼéichapa umi testígo de Jehová ojapo peteĩ kúrso bíblico?
Ko kúrso bíblico oofresévape ndéve umi testígo de Jehová eipurukuaa pe traduksión bíblica ndegustavéva. Ndojekovrái mbaʼevete. Ikatu einvita ne família térã ne amigokuérape oĩ hag̃ua.
