ʼƗKITƗARIKA 04
¿Keane Yuútsi pɨhɨɨkɨ?
Teuteri memunetɨarietsíe paitɨ, kakaɨyarixi mepɨwarayexeiya. Mɨɨtá Biblia xeime Yuútsi mɨraxaxaata «kanimariweni keyuri kakaɨyarixi» (2 Crónicas [2 Kemɨtiuyɨ] 2:5). ¿Keane tepɨxata? ¿Titatsíe tiwaranutiʼiwa hiipatɨ kakaɨyarixi memayexeiyarie? ʼIkɨ ʼɨkitɨarikatsíe pepɨretimaní tita Yuútsi mɨreuyehɨwá heetsiena mieme pemɨrakumaikakɨ.
1. ¿Yuútsi ketitewá, metá kehepaɨ teteʼakumate kenaame mɨkɨ reuyehɨwá temimaiká kemɨtitewá?
Bibliatsíe ʼipaɨ katiniyukuterɨwani: «Ne Jehová nekanihɨɨkɨtɨni, mɨpaɨ nekatinitewaka» (nakaterɨwa Isaías 42:5, 8). Temaikate meputiyuane hebreo niukiyarikɨ, Jehová panuyɨne «Ne nepayeiwé tita nemɨreuyeimɨkɨ». Jehová pɨreuyehɨwá temekumaiká kemɨtitewá (Éxodo 3:15). ¿Títakɨ yatetehaitɨká? Kepaitsɨ́ mɨkɨ katiniuyurieni Bibliatsíe makaʼutsieni kemɨtitewá 7.000 ʼanutimiekamekɨ. a Jehová Yuútsi yuri kanihɨɨkɨtɨni «taheima muyuawitsíe metá ʼeena kwiepa» (Deuteronomio [Hutarieka ʼinɨari] 4:39).
2. ¿Biblia kehaine Jehová heetsíe?
Biblia paine, waɨkawa kakaɨyarixi teuteri memɨwarayexeiya, xewitɨ xeikɨ́a yuri Yuútsi pɨhɨɨkɨ Jehová. ¿Títakɨ? Paatsɨ́ tepitixata. Jehová naimetsíe pɨtinɨʼá, Bibliatsíe paine: «Xewitɨ pɨkaʼuyeika ʼaheimá ʼakawetɨ kwiepatsíe» (Salmo 83:18). Mɨkɨ pɨhɨɨkɨ «Naimekɨ mɨtɨrɨkaɨye», mɨkɨ panuyɨne yapɨtiuyuriwe naime kemɨreuyehɨaká. Tsiere Tiwewiekame pɨhɨɨkɨ, naime pɨtiunetɨa tatsɨrí, naime mɨyuawitsíe mɨtixuawe metá kwiepa memɨteʼayeneniere (Apocalipsis [Matsiɨkɨtɨ kemɨratɨa] 4:8, 11). Jehová xeikɨ́a heyeme puyeika metá heyeme puyeikani (Salmo 90:2).
MATSI WAƗKÁ TINETIMAʼÍ
Tepɨtehetimaní kehepaɨtɨtɨ manuyutɨká kemɨtiuterɨwarɨwa metá kemɨtitewá, kemɨtitewá mɨkɨ xeikɨ́a pɨrekema. Tsiere tepɨtehetimaní kehepaɨ mɨtikuhekɨatá kemɨtitewá metá titakɨ mɨreuyehɨwá temekumaiká kemɨtitewá.
3. Yuútsi waɨkawamexɨa pukaterɨwarɨwa, xeikɨatá xeimekɨ pɨtewá
Pemɨretimanikɨ tita mɨranuyɨtɨká xewitɨ tewi kemɨtiuterɨwarɨwa metá kemɨtitewá, VIDEO xeneuxeiya metá xeteneutixaata ʼikɨtsíe:
-
Neutixaata, ¿títakɨ yaxeikɨ́a karekuyɨne Yuútsi kemɨtitewá metá waɨkawamexɨa kemɨtiuterɨwarɨwa?
Biblia paine teuteri waɨkawa mepɨtewarayexeiya, kakaɨyarixi metá teteima. Xenakaterɨwa Salmo 136:1-3 metá xeteneutixaata ʼikɨtsíe:
-
¿Keane pɨhɨɨkɨ «Mɨmariwe kakaɨyarixi waheimá makawe» metá «ʼukiyarima waʼUkiyari»?
4. Jehová pɨreuyehɨwá pemimateni kemɨtitewá metá mɨpaɨ pemɨtiterɨwani
¿Títakɨ tetehamate kenaame Jehová reuyehɨwá pemimaiká kemɨtitewá? VIDEO xeneuxeiya metá xeteneutixaata ʼikɨtsíe:
-
¿Títakɨ ʼaumɨ́ Jehová reuyehɨwá mɨmatiwani kemɨtitewá?
Jehová pinake teuteri memikuterɨwani kemɨtitewá. Xenakaterɨwa Romanos 10:13 metá xeteneutixaata ʼikɨtsíe:
-
¿Títakɨ kwinié reuyewetsé Yuútsi, Jehová temɨteuterɨwani?
-
¿ʼEkɨ keperekaʼerietɨyeika xɨka peutaterɨwarieni kepemɨtitewá?
-
¿Keperaʼeriwa ʼaumɨ́ kerekaʼerietɨyeika Jehová pemikuterɨwatsíe?
5. Jehová pinake ʼekɨ hamikuya pemɨhɨɨkɨtɨni
Xewitɨ ʼuká Camboya kiekame Soten titewatɨ putayɨ́ kenaame heetsiena mieme ʼaixɨ ʼuyɨ́ mɨretimakɨ Yuútsi kemɨtitewá. VIDEO xeneuxeiya metá xeteneutixaata ʼikɨtsíe:
-
Temɨteʼuxeitsíe, ¿Soten ketipareewi Yuútsi kemɨtitewatsíe retimaka?
Xɨka xeime hamikuya teheukɨnikuni, meri tepɨtehetimaamateke kemɨtitewá. Xenakaterɨwa Santiago 4:8a metá xeteneutixaata ʼikɨtsíe:
-
¿Jehová keraʼeriwa ʼekɨ kepetikuyuruwanikeyu? ¿ʼEkɨ kepehaine?
-
¿ʼAumɨ́ Yuútsi peʼakumaitɨ́ metá mɨpaɨ petiterɨwatɨ tiuyuriwe hamikuya pemayaaní? ¿Titayari?
HIIPATƗ KEMEMUTIYUANE: «Xewitɨ xeikɨ́a Yuútsi mɨhɨɨkɨkɨ pɨkaheuyewetsé temikaterɨwani kemɨtitewá».
-
¿ʼEkɨ yuri petiʼerie kenaame Yuútsi, Jehová titewá?
-
¿Xeime kehepaɨ petiuxatɨawe mɨretiʼenietɨyanikɨ kenaame Yuútsi ʼinake temikaterɨwani kemɨtitewá?
TITA PEMƗRETIMÁ
Yuútsi yuri mɨyuxewí pɨtitewá Jehová. Mɨkɨ pɨreuyehɨwá temimaiká metá mɨpaɨ temɨteʼiterɨwani hamikumama temakɨnekɨ.
Mɨrayeʼerieni
-
¿Titatsíe yɨɨkɨ tiʼane Jehová, kakaɨyarixi memayexeiyarie wahaamatɨa?
-
¿Títakɨ ʼaixɨ tiʼane Yuútsi Jehová temɨteuterɨwani?
-
¿Mɨkɨ reuyehɨwá ʼekɨ hamikuya pemɨhɨɨkɨtɨni? ¿Títakɨ yaperaine?
MATSI WAƗKÁ TINEUKAXEIYA
ʼAuxɨwi tipaɨmeme heetsíe tinetimaʼí tikuhekɨkɨatame kenaame Yuútsi ʼuyeika.
Tinetimaʼí ʼaixɨ pemɨramaiká kenaame Yuútsi heyeme ʼuyeika.
Tinetimaʼí titayari Yuútsi kemɨtitewá mɨpaɨ temɨteʼiterɨwani tseepá temɨkatehamate kehepaɨ meripaitɨ mɨtiuterɨwarɨwakai.
¿Kwinié rayeʼaxé Yuútsi ketemɨteʼuterɨwa? Tinetimaʼí titakɨ teteʼutiyuane kenaame Yuútsi ʼukaterɨwarɨwa.
a Xɨka matsi waɨká pereumaimɨkɨni neuxeiya apéndice A4 La Biblia. Traducción del Nuevo Mundo matsi waɨkawa pepɨtikaxeiya Yuútsi kemɨtitewá heetsíe timieme metá titakɨ hiipatɨ Bibliatsíe memɨteʼekayeitɨwa kemɨtitewá.
