ZAJ KAWM 04
Leej Twg Yog Vajtswv?
Txij thaum ntuj tsim teb raug los, tib neeg yeej ib txwm pe hawm ntau tus vajtswv. Txawm li ntawd los, phau Vajlugkub qhia txog ib tug Vajtswv “uas muaj hwjchim loj dua tej vajtswv huv tibsi.” (2 Xwmtxheej Vajntxwv 2:5) Leej twg yog tus ntawd? Ua cas nws ho muaj hwj chim tshaj lwm tus vajtswv? Cia peb mus kawm tias Vajtswv yeej xav kom peb paub seb nws yog leej twg tiag.
1. Vajtswv lub npe hu li cas? Ua cas peb thiaj paub tseeb tias Vajtswv xav kom peb paub nws lub npe?
Phau Vajlugkub qhia tias Vajtswv muaj ib lub npe, nws lub npe hu ua Yehauvas. (Nyeem Khiav Dim 3:14, hauv qab taw qhia.) Hauv lus Henplais, Yehauvas lub npe txhais tau tias “Nws Ua Kom Muaj Tshwm Sim.” Yehauvas xav kom peb paub nws lub npe. (Khiav Dim 3:15) Ua cas peb thiaj paub li ntawd? Nws muab nws lub npe tso hauv phau Vajlugkub ntau tshaj li 7,000 zaus diam! Tus tseem Vajtswv uas kav ib puas tsav yam nws tib leeg xwb thiaj hu ua Yehauvas.—2 Kevcai 4:39.
2. Phau Vajlugkub qhia li cas txog Vajtswv Yehauvas?
Phau Vajlugkub hais tias tag nrho tej vajtswv uas tib neeg pe hawm, Yehauvas tib leeg xwb thiaj yog tus tseem Vajtswv. Peb hais tau li ntawd rau qhov tsuas yog Yehauvas xwb thiaj “yog tus muaj hwjchim loj kawg nkaus uas kav lub ntiajteb no” thiab ib puas tsav yam. (Nyeem Phau Ntawv Nkauj 83:18.) Nws yog “tus muaj hwjchim loj kawg nkaus” rau qhov yog nws xav ua dab tsi los nws yeej muaj hwj chim ua tau. Nws yog tus uas “tsim ib puas tsav yam” tsis hais tej uas nyob saum ntuj thiab txhua yam uas nyob hauv ntiaj teb no. (Tshwmsim 4:8, 11) Yehauvas zoo tsis thooj li lwm tus rau qhov nws yeej ib txwm muaj nyob los thiab yuav nyob mus ib txhis.—Phau Ntawv Nkauj 90:2.
KAWM NTXIV
Mus kawm seb Vajtswv cov npe meej mom thiab nws lub npe ho sib txawv li cas. Thiab ho kawm seb Vajtswv ua li cas thiaj qhia tau nws lub npe rau peb thiab vim li cas nws xav kom peb paub nws lub npe.
3. Vajtswv muaj ntau lub npe meej mom tiam sis muaj ib lub npe xwb
Ib tug neeg cov npe meej mom thiab nws lub npe ho sib txawv li cas? Saib zaj YEEB YAJ KIAB, thiab tham txog lo lus no.
-
Ib tug neeg lub npe meej mom, xws li “tus Tswv”, thiab nws lub npe sib txawv li cas?
Phau Vajlugkub hais tias tib neeg pe hawm coob tus vajtswv thiab coob tus tswv. Nyeem Phau Ntawv Nkauj 136:1-3, thiab tham txog lo lus no:
-
Leej twg yog “tus Vajtswv ntawm txhua tus vajtswv” thiab “tus Tswv ntawm txhua tus tswv”?
4. Yehauvas xav kom koj paub thiab hu nws lub npe
Ua cas koj thiaj paub tias Yehauvas xav kom koj paub nws lub npe? Saib zaj YEEB YAJ KIAB, thiab tham txog ob lo lus no.
-
Yehauvas puas xav kom koj paub nws lub npe? Vim li cas?
Yehauvas yeej xav kom tib neeg tuav nws lub npe hu nws. Nyeem Loos 10:13, thiab tham txog cov lus no:
-
Tseem ceeb npaum li cas rau koj siv Vajtswv lub npe, Yehauvas?
-
Koj puas nyiam thaum lwm tus hu koj lub npe?
-
Yehauvas puas nyiam thaum koj hu nws lub npe?
5. Yehauvas xav kom koj los ua nws tus phooj ywg
Ib tug poj niam uas tuaj ntawm lub teb chaws Qhab Meem tuaj hu ua Xothees (Soten) hais tias nws zoo siab tshaj plaws li thaum nws paub Vajtswv lub npe. Saib zaj YEEB YAJ KIAB, thiab tham txog lo lus no.
-
Nyob rau hauv zaj yeeb yaj kiab, tom qab Xothees kawm tau tias Vajtswv muaj ib lub npe, pab tau nws li cas?
Koj yuav tsum paub ib tug twg lub npe ua ntej, koj thiaj nrog tau lawv ua phooj ywg. Nyeem Yakaunpaus 4:8 thawj kab, thiab tham txog ob lo lus no:
-
Yehauvas xav kom koj ua dab tsi?
-
Qhov uas koj paub thiab hu Vajtswv lub npe pab tau koj muaj kev sib raug zoo nrog nws li cas?
IB TXHIA HAIS TIAS: “Tsuas muaj tib tug Vajtswv xwb, yuav hu nws li cas los yeej tau.”
-
Koj puas ntseeg tias Vajtswv lub npe hu ua Yehauvas tiag?
-
Koj yuav piav li cas thiaj qhia tau tias Vajtswv yeej xav kom peb siv nws lub npe?
KOJ KAWM TAU DAB TSI
Tus tseem Vajtswv lub npe hu ua Yehauvas. Nws xav kom peb paub thiab siv nws lub npe xwv peb thiaj txav ze tau rau nws.
Rov Tham Dua
-
Yehauvas txawv li cas ntawm lwm tej vajtswv uas tib neeg pe hawm?
-
Vim li cas peb yuav tsum siv Vajtswv lub npe?
-
Ua cas koj thiaj paub tias Yehauvas xav kom koj txav ze rau nws?
TSHAWB NTXIV
Mus kawm txog tsib yam uas qhia tias yeej muaj Vajtswv tiag.
Xav seb vim li cas peb thiaj ntseeg tau tias yeej ib txwm muaj Vajtswv.
“Leej Twg Tsim Vajtswv?” (Phau Tsom Faj lub 8 Hli tim 1 xyoo 2014)
Cia peb kawm seb vim li cas peb yuav tsum siv Vajtswv lub npe, txawm tias peb tsis paub xyov cov neeg txheej thaud hu Vajtswv lub npe tawm suab li cas.
Puas yog peb hu Vajtswv li cas los tau? Mus saib seb vim li cas peb thiaj hais tau tias nws tsuas muaj ib lub npe xwb.
Tej Yam No Yuav Pab Tau Koj Thiab
TEJ UAS COOB TUS NUG TXOG
Kev Kawm Vajlugkub Nrog Yehauvas Cov Tim Khawv Zoo Li Cas?
Yehauvas Cov Tim Khawv qhia Vajlugkub dawb xwb. Koj xav siv phau Vajlugkub twg los kawm los yeej tau. Koj yeej caw tau tag nrho koj tsev neeg thiab koj tej phooj ywg tuaj nrog koj kawm.
